Jérémie 20:10 - Mbeti ti Nzapa - Tënë so amu fini

¹⁰ Mbi yeke ma gi sioni tënë ti gba ti azo. Ala yeke di iri ti mbi: “Mbeto-mbage-na-mbage-kue”. Ambeni ayeke tene: “Ala gue na lo na ngbanga ma!” Ambeni ayeke tene ti ala: “Een, e yeke gue na lo!” Ataa amba ti mbi so mbi na ala e ye tere mingi, ala yeke ku ti baa wala mbi yeke girisa lege. Ala yeke tene na be ti ala, atene: “Tongana lo ti fade na ya ti handa ti lo wani, ka anzere mingi. Tongaso si fade e gbu lo si e kiri na lo peko ti sioni so lo sara na e”.

Jérémie 20:10 Iomraidhean Croise

1 Agbia 19:2

Tongaso Yezabel atokua mbeni zo na Élie ti tene na lo: “Kekereke gi na oko ngbonga so, tongana mbi sara na mo mara ti ye so mo sara na awayanga ti nzapa Baal so pepe, ayeke nzoni anzapa asara ye ti ngangu mingi na mbi!”

1 Agbia 21:20

Élie ague, atene peko ti tënë ni na Akab si Akab atene na Élie: “Ae, wato ti mbi, mo kiri mo wara mbi awe!” Élie akiri tënë: “Taa-tënë, mbi kiri mbi wara mo, ngbanga ti so mo ka tere ti mo ti sara ye so ayeke sioni na le ti KOTA GBIA.

1 Agbia 22:27

Mo tene na ala, mo tene: Tënë so gbia atene ayeke so: ‘Ala bi ye so na da ti kanga! Ala mu na lo gi kete fuku ti mapa na kete kete ngu ngbii asi na lango so mbi yeke kiri na kodro na nzoni tere si.’ ”

1 Agbia 22:8

Gbia ti Israel akiri tënë na Yosafat, atene: “Mbeni zo oko ayeke daa so e lingbi ti hunda KOTA GBIA na lege ti lo; zo ni ayeke Mishe, molenge ti Imla. Me be ti mbi ake lo mingi, ngbanga ti so lo yeke tene na mbi peko ti tënë ti yanga ti Nzapa nzoni laoko pepe, me lakue gi sioni tënë.” Yosafat atene: “Ayeke nzoni gbia atene tënë tongaso pepe!”

Mbeti ti Job 19:19

Amba ti mbi so kue mbi na ala e ye tere mingi, ala ye ti baa mbi na le ti ala fani use pepe. Azo so lani mbi ye ala, ala londo ti sara sioni na mbi.

Abia (Psaumes) 31:13

Be ti azo agirisa na mbi tongana ti so be ti azo ayeke girisa na zo so akui awe. Mbi yeke tongana gbagba ta so a bi ni awe.

Abia (Psaumes) 31:14

Mbi yeke ma atënë ti mvene so azo ayeke tene na iri ti mbi, atene: “Lo yeke zia mbeto na be ti azo mbage na mbage kue!” Ala ma tere na popo ti ala na tere ti mbi, ala leke tënë ti fâ mbi.

Abia (Psaumes) 41:10

Ataa mba ti mbi so mbi na lo, e ye tere mingi, lo so mbi zia be ti mbi na ndö ti lo, so mbi na lo, e yeke te ka kobe oko, lo nga, lo ga wato ti mbi.

Abia (Psaumes) 41:9

Ala yeke tene: “Lo wara sioni kobela awe! So lo lango na gbogbo awe so, lo yeke kiri ti londo pepe!”

Abia (Psaumes) 57:4

Kâ na yayu, ayeke nzoni lo yeke tokua ye ti songo mbi na kuâ. Biani, zo ti tumbango peko ti mbi ayeke zonga mbi. Luti kete Ayeke nzoni Nzapa afa na mbi so lo yeke sara nzoni be na mbi si lo yeke bata tënë ti yanga ti lo.

Amato 10:18

Zo so ahonde tënë ti kengo amba ti lo, lo yeke zo ti tenengo mvene; zo so adu mvene na li ti azo, lo yeke zo so li ti lo ayeke daa pepe.

Ésaïe 29:21

azo ni ayeke azo so ayeke bi tënë ti mvene na li ti azo, ala so ayeke zia kuku titene awafango-ngbanga ati daa, ala so ayeke fâ ngbanga na li ti azo so asara ye oko pepe.

Jérémie 1:19

Fade ala yeke tiri na mo, me ala yeke hon ndö ti mo pepe, ngbanga ti so mbi yeke na mo ti zi mo na maboko ti ala; so tënë ti yanga ti KOTA GBIA laa.”

Jérémie 11:19

Ti mbi, mbi yeke tongana molenge ti taba so a yeke gue na lo na ndo ti fango anyama. Mbi hinga pepe mbi tene, sioni mayere ti ala so ayeke ndali ti mbi. Ala tene: “E buba keke ni na ngangu ni kue! E zi lo na popo ti azo so ayeke na fini, e sara si zo oko akiri adabe na iri ti lo pepe!”

Jérémie 11:21

Ndani laa, tënë so KOTA GBIA atene na tere ti azo ti Anatot, azo so aye ti fâ mbi si ala tene: “Mo zia ti tene peko ti tënë ti yanga ti KOTA GBIA; tongaso pepe, fade e yeke fâ mo.”

Jérémie 18:18

Tongaso azo ni atene: “Ala ga, e leke tënë na tere ti Jérémie. Awayango-sandaga ayeke daa, fade ala yeke ngba ti fa na e atënë ti ndia. Azo ti ndara ayeke daa, fade ala yeke mu na e awango senge. Awayanga-Nzapa atia pepe, fade ala yeke tene na e peko ti atënë ti yanga ti Nzapa senge. Ala ga, e tene asioni tënë ti buba iri ti Jérémie. Atënë so asigigi na yanga ti lo so, e dingi mê ti e ti ma ni oko pepe.”

Jérémie 20:3

Na ndade ni, Pashehur azi Jérémie na ya ti olongbo ni. Jérémie atene na lo: “KOTA GBIA ayeke kiri ti iri mo Pashehur pepe, me lo yeke iri mo ‘Mbeto-mbage-na-mbage-kue’.

Jérémie 37:13

So lo si na yanga ti gbagba ti Benjamin, lo tengbi na mbeni makonzi ti aturugu ti batango gbia so iri ti lo Iria, molenge ti Shelemia, molenge ti Hanania. Iria agbu wayanga-Nzapa Jérémie si atene na lo: “Mo yeke kpe ti kiri na mbage ti azo ti Babilone laa!”

Jérémie 6:25

Ala sigigi ti gue na yaka pepe, ala fono na ndö ti alege pepe, ngbanga ti so wato ayeke kâ si lo yeke fâ azo; mbeto ayeke mbage na mbage kue.”

Ezekiel 22:9

Na ndo ti mo, azo ayeke du mvene na li ti amba ti ala ti pusu amba ti ala ni ti tuku mene. Azo ti mo ayeke te akobe ti ayanda na li ti ahoto; ala yeke sara aye ti potopoto na popo ti ala.

Daniel 6:4

Daniel ahon tanga ti agbenyogbia use so na amakonzi ni kue, ngbanga ti so hingango ndo ti lo ahon ti azo kue. Nilaa gbia aleke na be ti lo ti zia lo titene lo baa ndo na ndö ti kodro ni kue.

Nzoni Tënë so Luc asu na mbeti 20:20

Ala to nda ti *bembe ndo na tere ti Jésus. Ndani laa ala tokua ambeni zo na lo so asara tere ti ala tongana anzoni zo. Azo ni ague ti hunda lo na mbeni tënë titene na lege ti tënë ti yanga ti lo wani, lo ti na ya ti gbanda ti ala. Ala ye ti wara lege ti gbu lo ti zia lo na maboko ti akota zo ti kodro nga na govoronere.

Awatokua 24:13

Azo ni alingbi ti fa na mo pepe ye so afa atene, tënë so ala yeke bi na li ti mbi fadeso ayeke taa-tënë.

Awatokua 5:33

So azo ti fango ngbanga ni ama tënë so, ngonzo agbu ala ahon ndoni si ala ye ti fâ awatokua ni.

Awatokua 7:54

So azo ti *Kota Bongbi ti Fango Ngbanga ni ama tënë so, ngonzo ti ala alondo tongana wâ si ala yeke te pembe ti ala na tere ti Étienne.