Jérémie 2:8 - Mbeti ti Nzapa - Tënë so amu fini

⁸ Awayango-sandaga ahunda ndo pepe, atene: ‘KOTA GBIA ayeke na ndo wa?’ Azo so ahinga nda ti *Ndia ahinga mbi pepe. Azo ti li ti kodro ake mbi awe; awayanga-Nzapa ayeke tene peko ti tënë ti yanga ti Baal si ala mu peko ti aye so alingbi ti sara mbeni ye oko pepe.

Jérémie 2:8 Iomraidhean Croise

1 Agbia 18:22

Élie akiri atene: “Gi mbi oko, wayanga ti KOTA GBIA laa mbi ngba so. Awayanga ti nzapa Baal ayeke ngbangbo osio na baleoku!

1 Agbia 18:29

So bekombite ahon awe, ala to nda ti sara ye tongana azo so mbeni yingo agbu ala. Ala sara ye ni ngbii asi na ngbonga ti mungo sandaga. Me ala ma mbeni go oko pepe, zo akiri tënë na ala pepe, ye oko asara nga pepe.

1 Agbia 18:40

Élie atene na ala: “Ala gbu awayanga ti nzapa Baal! Mbeni zo oko na popo ti ala akpe pepe!” Azo agbu awayanga ti Baal ni kue. Élie amu ala, ague na ala na yanga ti ngu ti Kishon si lo fâ go ti ala.

Mbeti ti Job 35:10

Me mbeni oko atene pepe: “Nzapa so asara mbi so ayeke na ndo wa? Lo so lo zia abia na yanga ti e si e yeke he na bi so, lo yeke na ndo wa?

Ésaïe 28:7

Ndali ti vin so asara ala, ataa awayango-sandaga na awayanga-Nzapa agirisa lege. Ndali ti ngangu samba, ala yeke tambula kirikiri. Samba asara si ala girisa lege. Ndali ti vin, li ti ala aga kirikiri, tongana ala baa ye na ya ti mbeni ye tongana bango-li, ala yeke girisa lege, ala hinga li ti ala na ngbanga so ala yeke fâ pepe.

Ésaïe 29:10

Biani, *KOTA GBIA asara si yingo ti kota lango aga na ndö ti ala. Lo kanga le ti awayanga-Nzapa ti ala, lo bi bongo na le ti azo ti bango nda ti aye ti ala.

Ésaïe 30:5

Fade kamene ayeke gbu le ti ala kue ndali ti azo so alingbi ti sara ye oko ndali ti ala pepe. Azo ni ayeke mu maboko na ala pepe, azo ni ayeke sara nzoni ye oko na ala pepe, me azo ni ayeke zia gi kota kamene na le ti ala, ala yeke bi buba na tere ti ala.

Jérémie 10:21

Ndali ti azo ti li ni laa ye so asi: ala yeke azo so li ti ala ayeke daa pepe, ala gi lege ti KOTA GBIA pepe. Ndani laa, kua ti ala ali ngu si azo so lani ayeke na gbe ti ala, ala kue akangbi kirikiri.

Jérémie 12:10

Awabatango-taba mingi abuba yaka ti *vinye ti mbi; ala do na gbe ti gere ti ala yaka ti mbi, ala sara si pendere yaka so aga benyama, aga ngonda.

Jérémie 16:19

*KOTA GBIA, mo yeke ngangu ti mbi, mo yeke tongana ngangu gbagba na tere ti mbi, mo yeke ndo so mbi kpe daa ti bata tere ti mbi na ngoi ti ye ti ngangu. Fade amara nde ayeke londo na nda ti sese kue ti ga na mbage ti mo. Ala yeke tene: “Ye so akotara ti e awara ti ga ye ti ala, ye ni ayeke gi ye ti mvene; mbeni senge buba ye so alingbi ti sara kua oko pepe.

Jérémie 18:18

Tongaso azo ni atene: “Ala ga, e leke tënë na tere ti Jérémie. Awayango-sandaga ayeke daa, fade ala yeke ngba ti fa na e atënë ti ndia. Azo ti ndara ayeke daa, fade ala yeke mu na e awango senge. Awayanga-Nzapa atia pepe, fade ala yeke tene na e peko ti atënë ti yanga ti Nzapa senge. Ala ga, e tene asioni tënë ti buba iri ti Jérémie. Atënë so asigigi na yanga ti lo so, e dingi mê ti e ti ma ni oko pepe.”

Jérémie 2:11

Laoko ala baa mbeni mara so azia anzapa ti lo ti mu ambeni nde? Ataa so ala yeke anzapa pepe! Me azo ti mbi azia mbi, mbi so mbi yeke nengo ti ala, ala mu peko ti ye so alingbi ti sara mbeni ye oko pepe.

Jérémie 2:6

Ala hunda tere ti ala pepe, atene: ‘KOTA GBIA ayeke na ndo wa? Lo so asara si e sigigi na kodro ti Ezipte si lo fa lege na e na ya ti benyama so? Benyama ni ayeke gi ndo ti gba ti mbutu na adu; ndo so ahole kasakasa, ndo so avuko pitipiti, ndo so zo ayeke hon daa pepe, ndo so zo ayeke lango daa pepe.’

Jérémie 4:22

KOTA GBIA atene: “Biani, li ti azo ti mbi ayeke daa pepe, ala hinga mbi pepe. Ala yeke amolenge so li ti ala ayeke daa pepe; ala hinga ye oko pepe. Ala yapu na sarango sioni ye; me ala hinga ti sara nzoni ye pepe.”

Jérémie 5:31

awayanga-Nzapa ayeke tene peko ti atënë ti mvene; awayango-sandaga ayeke gi ti wara aye ndali ti ala wani si azo ti mbi ayeda na sarango aye tongaso. Na ndani, fade ala yeke sara nyen?”

Jérémie 7:8

“Me ala ngba ti zia be ti ala gi na ndö ti atënë ti handa so ayeke sara nzoni oko na zo pepe.

Jérémie 9:14

Ndani laa, tënë so KOTA GBIA so ayeke na ndö ti dunia kue, Nzapa ti Israel, atene ayeke so: Mbi yeke mu na azo ti kodro ni sengo kugbe titene aga kobe ti ala ti tengo ni, mbi yeke mu na ala ngu so sioni yoro ayeke na ya ni titene ala nyon.

Ezekiel 22:26

Awayango-sandaga ti ala asara ye alingbi na ndia ti mbi pepe; ndo so a zia nde ndali ti mbi, ala sara si aga sioni. Ye so a zia nde ndali ti mbi na ye so a zia nde pepe, ala kangbi popo ni pepe; ye so ayeke *nzoni na ye so ayeke *sioni, ala fa na azo ti hinga kangbi so ayeke na popo ni pepe. Ala baa *lango ti wungo tere tongana buba ye na le ti ala; ala sara si mbi ga mbumbuse ye na popo ti ala.

Ezekiel 34:2

“*Molenge ti zo, tene peko ti tënë ti yanga ti mbi na tere ti awabatango-zo ti Israel. Tene peko ti tënë ti yanga ti mbi na tere ti ala, mo tene: Tënë so Kota Gbia NZAPA atene ayeke so: Mawa na awabatango-zo ti Israel! Ala yeke gi kobe gi ndali ti ala wani! Awabatango-taba alingbi fade ti gi kobe ndali ti ataba pepe?

Osée 4:6

Azo ti mbi ayeke kui, ngbanga ti so ala hinga mbi pepe. So mo ke ti hinga mbi, fade mbi nga, mbi yeke ke mo, mo yeke kiri ti duti wayango-sandaga ti mbi pepe. So be ti mo agirisa na ye so Nzapa ti mo afa, fade be ti mbi nga ayeke girisa na amolenge ti mo.

Habakuk 2:18

Yanda so zo amu keke si aleke na ni, kua ti lo ayeke nyen? Wen so zo akporo na wâ si lo leke na limo ti yanda ni so, limo ni ayeke fa tënë ti mvene. Wakode-kua laa aleke aye ni so, ala yeke tene tënë pepe; lo zia be ti lo na ndö ti ayanda ni ngbanga ti nyen?

Matthieu 16:26

Tongana zo awara aye ti dunia so kue si lo girisa fini ti lo, nzoni ye ti nyen laa lo yeke wara na peko ni? Nyen laa zo alingbi ti mu ti vo na fini ti lo?

Nzoni Tënë so Luc asu na mbeti 11:52

“Mawa na ala, awafango-ndia! Ala mu kerere so a yeke zi na yanga ti hingango ndo; me ala wani, ala li na ndo ti hingango ndo ni pepe. Azo so aye ti li, ala kanga lege ni na ala.”

Jean 16:3

Azo ni ayeke sara ye so na ala, ngbanga ti so azo ni ahinga Babâ wala mbi pepe.

Jean 8:55

me ala hinga lo oko pepe. Mbi laa mbi hinga lo. Tongana mbi tene fade, mbi tene: ‘Mbi hinga lo pepe’, ka mbi yeke zo ti mvene tongana ala. Me mbi hinga lo si mbi yeke sara ye alingbi na tënë ti lo.

2 Korente 4:2

E ke tënë ti aye ti kamene so azo ayeke sara na gbe mingo; e yeke sara ye ti handa na azo pepe, e yeke buba ya ti tënë ti Nzapa pepe. Me e yeke fa taa-tënë na azo, tongaso si na le ti Nzapa, azo kue azia be ti ala na ndö ti e.

Ndia ti fani use ni 33:10

Ala yeke fa atënë ti ndia ti mo na azo ti mara ti Jacob, ala yeke fa ndia ti mo na azo ti Israel. Ala yeke zö dukani si ala yeke ya *asandaga so a yeke gbi ni kue na wâ na ndö ti gbalaka ti mo.

1 Samuel 12:21

Ala gue yongoro na lo pepe; tongaso pepe, fade ala yeke gue na peko ti anzapa so ayeke asenge ye, anzapa so alingbi nga ti zi ala na ya ti ye ti ngangu pepe, ngbanga ti so anzapa ni ayeke asenge ye.

1 Samuel 2:12

Amolenge ti Heli ayeke asioni zo mingi. Ala yeke kpe mbeto ti *KOTA GBIA pepe.