Jérémie 2:6 - Mbeti ti Nzapa - Tënë so amu fini

⁶ Ala hunda tere ti ala pepe, atene: ‘KOTA GBIA ayeke na ndo wa? Lo so asara si e sigigi na kodro ti Ezipte si lo fa lege na e na ya ti benyama so? Benyama ni ayeke gi ndo ti gba ti mbutu na adu; ndo so ahole kasakasa, ndo so avuko pitipiti, ndo so zo ayeke hon daa pepe, ndo so zo ayeke lango daa pepe.’

Jérémie 2:6 Iomraidhean Croise

2 Agbia 2:14

Lo zi kota bongo ti de so alondo na ndö ti go ti Élie si ati so, lo pika na le ti ngu ni si lo tene: “KOTA GBIA, Nzapa ti Élie ayeke na ndo wa?” Élisée akiri apika le ti ngu ni si ya ti ngu ni akangbi mbage na mbage si lo hon daa.

Mbeti ti Job 3:5

Ayeke nzoni vukongo ndo na ndo so avuko ahon ndoni akanga ndö ti lango ni so! Vukongo mbinda amu ndö ti lo! Na kota lâ, ndo so avuko vukongo azia kota mbeto na be ti lango ni so!

Mbeti ti Job 35:10

Me mbeni oko atene pepe: “Nzapa so asara mbi so ayeke na ndo wa? Lo so lo zia abia na yanga ti e si e yeke he na bi so, lo yeke na ndo wa?

Abia (Psaumes) 23:4

Ataa mbi hon na popo-hoto so avuko pitipiti, mbeto ti sioni ye oko asara mbi pepe, ngbanga ti so mo KOTA GBIA, mo yeke na mbi. Na keke ti mo ti wabatango-taba, mo yeke fa lege na mbi, mo yeke bata mbi; ye so ayeke mu ngangu na be ti mbi laa!

Abia (Psaumes) 77:5

Mo sara si lango agbu le ti mbi pepe; li ti mbi aga kirikiri, mbi hinga ye so mbi lingbi ti tene pepe.

Sigingo 20:2

“Mbi laa mbi yeke KOTA GBIA, Nzapa ti mo; mbi laa mbi sara si mo sigigi na Ezipte, ndo so lani mo yeke ngbaa daa.

Ésaïe 63:9

Na ya ti aye ti ngangu ti ala kue, lo soro mbeni zo wala mbeni watokua ti soo ala pepe, me lo wani laa lo soo ala. Na lege ti ndoye ti lo nga na lege nzoni be ti lo, lo zi ala; lo gbu ala si lo yo ala na ya ti angoi so kue ahon.

Ésaïe 64:7

Andaa mo KOTA GBIA laa, mo yeke babâ ti e. E yeke tongana sese ti sarango na ta si mo yeke tongana wasarango-ta; e kue, maboko ti mo laa asara e.

Jérémie 13:16

Ala gonda KOTA GBIA, Nzapa ti ala kozo titene lo tokua vukongo ndo, kozo titene ala pika gere ti ala na li ti ahoto so ndo avuko daa. Ala yeke ku vurungo ndo, me KOTA GBIA asara si vurungo ndo ni aga ndo so avuko pitipiti; lo sara si aga vuko mbinda.

Jérémie 2:2

“Gue mo to mbela na tënë so na mê ti azo ti Jérusalem, mo tene: Tënë so KOTA GBIA atene ayeke so: ‘Mbi dabe ti mbi na be ti mo so mo mu na mbi na ndembe so mo de maseka. Mo ye mbi ando tongana wali so amu koli fini fini. Mo yeke mu peko ti mbi na benyama, ndo so kâ zo alingbi ti lu ye daa pepe.

Jérémie 2:8

Awayango-sandaga ahunda ndo pepe, atene: ‘KOTA GBIA ayeke na ndo wa?’ Azo so ahinga nda ti *Ndia ahinga mbi pepe. Azo ti li ti kodro ake mbi awe; awayanga-Nzapa ayeke tene peko ti tënë ti yanga ti Baal si ala mu peko ti aye so alingbi ti sara mbeni ye oko pepe.

Jérémie 5:12

Azo ti Juda abere tënë ti KOTA GBIA, ala tene: “Lo yeke daa lawa! Fade mbeni ye ti sioni ayeke wara e pepe; bira wala nzara ayeke si na e pepe.

Jérémie 5:2

Ala yeke deba yanga ti ala, atene: “*KOTA GBIA ayeke na fini!” Andaa so ayeke dengo ba ti mvene.

Jérémie 51:43

Agbata ti Babilone aga ngonda; kodro ni ahole kue, lando so ahole kasakasa, zo ayeke lango daa mbeni pepe, zo ayeke hon daa pepe.

Osée 12:13

Jacob akpe ague na sese ti Mezopotamii ti nduzu, Israel asara kua na mbeni koli titene lo wara wali. Ndali ti wali, lo ga zo ti batango anyama.

Osée 13:4

“Mbi laa, mbi yeke *KOTA GBIA, Nzapa ti mo, Israel, ti to nda ni na sese ti Ezipte ngbii asi fadeso. Mo hinga mbeni Nzapa nde pepe, gi mbi oko; mbeni wasongo mo ayeke daa pepe, gi mbi oko.

Amos 2:10

Kozoni, mbi mu ala, azo ti Israel na kodro ti Ezipte mbi sigigi na ala, mbi fa lege na ala na ya ti benyama ngu baleosio titene ala gue, amu kodro ti mara ti Amori titene aga ti ala.

Matthieu 4:16

Azo so aduti na ya ti vukongo ndo abaa kota lumiere! Ndo ahan na ndö ti azo so aduti ando na ya ti vukongo ndo, na kodro ti akuâ.”

Ndia ti fani use ni 1:19

Na pekoni, e londo na hoto ti Horeb alingbi na yanga so *KOTA GBIA Nzapa ti e amu na e. E fâ ya ti kota benyama so ayeke mu mbeto na zo, benyama so ala baa ni so; e mu lege so ague na mbage ti sese ti ahoto so azo ti mara ti Amori ayeke daa. Na pekoni, e si na Kades-Barnea.

Ndia ti fani use ni 32:10

KOTA GBIA awara azo ti Israel na benyama, na ndo so zo ayeke daa pepe, na ndo so a yeke ma gi toto ti *anzagua daa. Lo gbu ala na kate ti lo, lo bata ala nzoni, lo bata ala tongana mboma ti le ti lo.

Ndia ti fani use ni 8:2

Ayeke nzoni ala dabe ti ala na yongoro lege so KOTA GBIA Nzapa ti ala asara si ala tambula daa na ya ti ngu baleosio na ya ti benyama so. Lo sara tongaso titene aye ti ngangu asi na ala, tongaso si lo lingbi ti tara be ti ala ti hinga ye so ayeke na ya ti be ti ala; lo lingbi ti baa, wala ala ye ti sara ye alingbi na atënë ti ndia ti lo, wala ala ye pepe.

Awafango-ngbanga 6:13

Gédéon atene na lo: “Babâ, mbi gbu gere ti mo! Tongana KOTA GBIA ayeke na e, ngbanga ti nyen laa aye so kue asi na e? Aye ti dongo be so lo sara si akotara ti e atene tënë ni ando so ayeke na ndo wa? Ala yeke tene ka na e biani, ala tene: ‘KOTA GBIA laa asara si e sigigi na sese ti Ezipte!’ Fadeso, KOTA GBIA ado e azia awe; lo zia e na maboko ti azo ti Madian!”