Jérémie 2:32 - Mbeti ti Nzapa - Tënë so amu fini

³² Maseka-wali alingbi ti girisa aye ti pendere ti lo? Wali so ayeke ku ti mu koli alingbi ti girisa bongo ti matanga ti mungo tere ni? Oko pepe! Me azo ti mbi agirisa mbi lango mingi, zo alingbi ti diko wungo ni pepe.”

Jérémie 2:32 Iomraidhean Croise

Tongo nda ti aye 24:22

So azambala ni anyon ngu ni awe, koli ni amu mbeni *kati ti lôro so nengo ni aga nduru na grame omene, na aye ti maboko use so a sara na lôro, nengo ti oko aga nduru na grame ngbangbo oko, lo mu na maseka-wali ni.

Tongo nda ti aye 24:30

Lo baa kati, na aye ti maboko so ayeke na maboko ti ita ti lo ti wali so. Lo ma nga peko ti atënë so koli ni atene na Rébecca. Nilaa lo gue, lo wara koli ni, lo na azambala ti lo na tere ti du ti ngu ni.

Tongo nda ti aye 24:53

Zo ti kua ni asigigi na apendere ye so a sara ni na lôro, na wen ti nginza, lo sigigi nga na abongo si lo mu na Rébecca. Lo mu nga aye ti ngangu ngere na ita ti Rébecca nga na mama ti lo.

2 Samuel 1:24

Amaseka-wali ti Israel, ala toto Saul maa! Lo so lani lo yeke mu na ala apendere bongo, na aye ti pendere si lo yeke zia lôro ti pendere na tere ti bongo ti ala so.

Abia (Psaumes) 106:21

Ala girisa Nzapa, wasongo ala, lo so lo sara akota ye na Ezipte,

Abia (Psaumes) 9:17

KOTA GBIA asara si azo ahinga lo, lo fâ ngbanga awe: lo gbu zo ti sioni na ya ti kuku ti zo ni wani. Kete mozoko. Luti kete

Ésaïe 17:10

Biani, Israel, be ti mo agirisa na Nzapa, wasongo mo awe. Lo so lo yeke Kota Têne, ndo so mo kpe daa ti bata tere ti mo, mo dabe ti mo na lo mbeni pepe. Ndani laa mo sara si apendere kongo amai, mo lu ale ti kobe ti awande.

Ésaïe 57:11

Zo wa laa azia lani mbeto na be ti mo, zo wa laa mo sara mbeto ti lo si mo handa mbi, be ti mo agirisa na mbi so? Mo kiri mo dabe ti mo na mbi pepe so? Aninga mingi mbi zi yanga pepe, ndani laa mo yeke kpe mbeto ti mbi pepe so?

Ésaïe 61:10

Mbi yeke na ngia mingi ndali ti *KOTA GBIA. Be ti mbi asi singo na ngia ndali ti Nzapa ti mbi. Biani, lo soo mbi na kuâ si aga tongana bongo ti matanga na tere ti mbi. Lo yu mbirimbiri na tere ti mbi tongana kota bongo. Mbi kpa koli so amu wali na fini ni si lo zia kpoto ti gbia na li ti lo tongana ti wayango-sandaga, wala wali so amu koli na fini ni si lo yu aye ti pendere.

Jérémie 13:10

Ala yeke mara ti asioni zo so ake ti ma tënë ti mbi. Ala ngba ti sara gi ye so be ti ala afa na ala; ala mu peko ti anzapa nde ti sara na ala, ti kuku ti kpo li ti ala na sese na dawa ti ala. Ayeke nzoni ala ga tongana kamba ti ndö ti bongo so mbeni ye ti sara na ni ayeke daa pepe!

Jérémie 13:25

Jérusalem, ye so ayeke ku mo laa, ye so mbi bata ndali ti mo laa. Biani, mo girisa mbi awe ti zia be ti mo na anzapa ti mvene; so tënë ti yanga ti KOTA GBIA laa.

Jérémie 18:15

Me be ti azo ti mbi agirisa na mbi awe! Ala zö dukani na anzapa so ayeke taa Nzapa pepe. Na ndö ti alege so ala yeke hon daa, anzapa ni asara si ala ti. Lege so ando ala mu ni, anzapa ni ague na ala na mbeni lege nde; ambeni lege so azo ade asuru ni pepe.

Jérémie 2:11

Laoko ala baa mbeni mara so azia anzapa ti lo ti mu ambeni nde? Ataa so ala yeke anzapa pepe! Me azo ti mbi azia mbi, mbi so mbi yeke nengo ti ala, ala mu peko ti ye so alingbi ti sara mbeni ye oko pepe.

Jérémie 2:33

“Mo hinga kode ti tumbango peko ti andeko! Ti si na nda ti ye ti mo ni, mo gue daa ngbii ti sara sioni ahon ndoni si aga ye ti tere ti mo.

Jérémie 23:27

Ala baa ti ala atene, na lege ti abango-li ti ala so ala yeke tene peko ni na amba ti ala so laa, ala lingbi ti sara si iri ti mbi akai na yanga ti azo ti mbi? Ala ye ti sara legeoko tongana akotara ti ala so agirisa ando iri ti mbi ndali ti *Baal so?

Jérémie 3:21

A ma go ti azo na li ti ahoto kâ: azo ti Israel laa ayeke toto si ayeke dema tere so, ngbanga ti so ala sara aye ti kirikiri mingi; ala girisa KOTA GBIA, Nzapa ti ala awe.

Ezekiel 22:12

Na ndo ti mo, azo ayeke mu goro titene ala tuku mene. Ala sara boon ti nginza na amba ti ala si na pekoni, ala yeke hunda gba ti nginza na ndö ni; ala yeke te aye ti amba ti ala na ngangu. Ti mbi, be ti ala agirisa na mbi biani biani; so tënë ti yanga ti Kota Gbia NZAPA laa.

Osée 8:14

“Be ti azo ti Israel agirisa na lo so asara ala, ala sara gi ayangbo. Ti azo ti Juda, ala kiri asara agbata gbani gbani so ngangu gbagba ayeke na tere ni. Me fade mbi yeke tokua wâ na ya ti agbata ti ala ni si wâ ni ayeke gbi apendere da ti ala.”

Ndia ti fani use ni 32:15

Tongaso Yeshurun ate kobe ti mafuta mingi, lo te kobe, ya ti lo asi, lo te kobe ti mafuta mingi, lo kono pendere, lo yeke na mafuta mingi. Na pekoni, lo zia Nzapa so asara lo, lo baa Kota Têne ti songo lo na kuâ tongana buba ye.

Aye so Nzapa afa 21:2

Mbi baa gbata so ayeke nde si ayeke nzoni kue, fini Jérusalem, so alondo na yayu na tere ti Nzapa si ayeke zu ti ga. Gbata ni aleke tere ti lo tongana mbeni wali so aye ti mu koli na fini ni si ayu aye ti pendere ti yamba na koli ti lo.

Awafango-ngbanga 8:34

Ala girisa KOTA GBIA, Nzapa ti ala so azi ala na maboko ti awato so kue ayeke nduru na ala.