Jérémie 2:3 - Mbeti ti Nzapa - Tënë so amu fini

³ Israel, mo yeke ando ye so a bata nde gi ndali ti KOTA GBIA. Mo yeke tongana akozo le ti kobe so ayeke ti lo; tongana ambeni zo ate ni, ala yeke wara tënë: sioni ye ayeke wara ala.’ So tënë ti yanga ti KOTA GBIA laa.”

Jérémie 2:3 Iomraidhean Croise

Sigingo 22:29

“Fade ala sara gi mara ti ye so na kozo molenge ti bagara ti ala nga na kozo molenge ti taba ti ala. Fade molenge ti nyama ni ayeke ngba na tere ti mama ti lo lango mbarambara; na lango miombe ni, ala mu lo na mbi.

Sigingo 23:16

Na pekoni, fade ala yeke sara matanga ti ale ti kobe na ndembe so ala yeke fâ akozo le ti kobe so ala lu na yaka. Na peko ti so, na hunzingo ti ngu, tongana ala hunzi fango ale ti kobe ni awe, fade ala yeke sara matanga ti bongbingo ale ti kobe ni.

Ésaïe 41:11

Baa, azo so kue asara ngonzo na tere ti mo, fade kamene ayeke gbu le ti ala si ala yeke ti buba. Azo so agi tënë na mo, ala yeke kiri ti ngba pepe, ala yeke kui.

Ésaïe 47:6

Mbi sara lani ngonzo na tere ti azo ti mbi. Tongaso mbi zia kamene na le ti azo so ayeke ti mbi si mbi zia ala na maboko ti mo. Me mo baa mawa ti ala oko pepe, mo sara si komandema ti mo ane tongana *zuge na ndö ti ambakoro.

Jérémie 12:14

Tënë so KOTA GBIA atene ayeke so: “Asioni zo so ayeke lango nduru na azo ti mbi, ala ndu ye so aga ye ti mbi, ala ndu sese so mbi mu ando na Israel, azo ti mbi. Fade mbi yeke gboto azo ni na ndö ti sese ti ala tongana ti so a yeke gboto pere; mbi yeke gboto nga azo ti Juda na popo ti ala.

Jérémie 2:4

Ala, *ahale ti Jacob na ala, akete mara kue ti Israel, ala ma tënë so KOTA GBIA atene.

Jérémie 30:16

Me azo so kue ate mo, fade a yeke te ala; azo so kue be ti ala ake mo, fade a yeke gbu ala ti gue na ala na kodro wande; azo so anzi aye ti mo, fade a yeke nzi aye ti ala; azo so kue agbu aye ti mo, fade a yeke gbu aye ti ala.

Jérémie 50:7

Azo so kue awara ala ayeke te ala. Awato ti ala ayeke tene: ‘E sara ti e sioni oko pepe! Biani, azo ni laa asara siokpari ti ke KOTA GBIA, lo so lani lo yeke ndo ti dutingo mbirimbiri ti ala, lo so akotara ti ala azia ando be ti ala ti ku lo.’

Joël 1:3

Ala azo, ala fa peko ti ye so na amolenge ti ala, amolenge ti ala afa peko ni na amolenge ti ala si amolenge ti amolenge ti ala afa peko ni na azo so ayeke du ala na peko.

Amos 6:1

Mawa na ala, azo so alango kpoo na gbata ti *Sion! Mawa na ala, azo so alango na ndö ti hoto ti Samarii si ala baa atene, mbeni sioni ye ti sarango ala ayeke daa pepe so! Azo ayeke baa ala tongana akota zo mingi na popo ti amara si azo ti Israel ayeke ga gi na mbage ti ala!

Habakuk 1:11

Ala hon tongana ngangu pupu, ala yeke hon ti ala hongo, tongaso tënë aga na li ti ala. Ngangu ti ala wani laa ayeke nzapa ti ala.”

Zakarii 1:15

Me be ti mbi aso mingi na amara so abaa tere ti ala tongana amara so alingbi awe so. Na ndembe so lani mbi sara ngonzo gi kete na tere ti azo ti Israel, ti ala, ala sara si mawa ti Israel akiri ahon ndoni.

Zakarii 2:8

Kozo ange ni atene na mbeni so, atene: “Kpe loro, mo tene na maseka-koli so kâ so, mo tene: Fade gbata ti Jérusalem ayeke ngba senge tongaso, a yeke sara gbagba na tere ni pepe, ngbanga ti so azo na anyama so ayeke lango na ya ni ayeke wu ahon ndoni.

Wungo ti azo 18:12

Mbi yeke mu nga na ala akozo le ti kobe so azo ti Israel ayeke mu ka na mbi: nzoni mafuta, nzoni vin nga na nzoni *ble.

Rome 11:16

Tongana a zia akozo mapa nde ndali ti Nzapa, tanga ti mapa ni kue ayeke ti lo. Tongana zo amu gunda ti keke na Nzapa, amaboko ti keke ni kue ayeke nga ti lo.

Rome 16:5

Ala bara na mbi azo ti Eglize so ayeke bongbi na da ti Priscille na Akilas. Ala bara na mbi Epainete so mbi ye lo mingi; lo yeke kozo zo ti sese ti Azii so ama na be na Christ.

Efeze 1:4

Kozo si dunia abaa gigi, Nzapa asoro e titene e ga azo ti lo na lege ti gango so e ga oko na Christ, tongaso si e ga azo so ayeke nde si ayeke nzoni kue, azo so na le ti lo, tënë ayeke na li ti ala pepe. Na lege ti ndoye ti lo,

Ndia ti fani use ni 14:2

Biani, ala yeke azo ti mara so a zia ala nde ndali ti KOTA GBIA Nzapa ti ala. Na popo ti amara ti sese kue, gi ala laa KOTA GBIA Nzapa ti ala asoro ala titene ala ga azo ti lo wani.

Ndia ti fani use ni 26:19

Biani, KOTA GBIA Nzapa ti ala aye ti mu iri ti ala na nduzu, ti ne ala, ti sara titene ala wara gonda ahon tanga ti amara so kue lo sara ala. Lo ye titene ala ga azo ti lo wani so ayeke nde si ayeke nzoni kue, tongana ti so lo tene na ala.

Ndia ti fani use ni 7:6

Biani, ala azo ti Israel, ala yeke azo so a zia ala nde ndali ti KOTA GBIA Nzapa ti ala. Ala yeke azo so lo soro ala na popo ti amara kue ti sese ti ga azo ti lo wani.

Jacques 1:18

Tongana ti so be ti lo wani aye, lo mu na e fini na lege ti tënë ti lo so ayeke taa-tënë, tongaso si e ga tongana akozo zo ti lo na popo ti aye so kue lo sara.

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.

Aye so Nzapa afa 14:4

Azo ni so abuba tere ti ala pepe na lege ti bongbingo na awali. Ala yeke mu peko ti Molenge ti Taba na ndo so kue lo yeke gue daa. Nzapa asoo ala na popo ti amba ti ala, azo si ala ga tongana akozo nzoni ye so a mu na lo nga na Molenge ti Taba.