Jérémie 2:24 - Mbeti ti Nzapa - Tënë so amu fini

²⁴ Mo yeke tongana mama ti lele ti ngonda so aye gi ya ti benyama. Tongana nzara ti koli agbu lo, lo yeke gboto pupu na mbage kue; zo wa laa alingbi ti kanga lege na nzara ti lo? Akoli-zambala so kue ayeke gi lo alingbi ti woko pepe; ala yeke wara lo tongana nze ti lo alingbi awe.

Jérémie 2:24 Iomraidhean Croise

Mbeti ti Job 11:12

Me zo so ahinga ndo pepe, lo yeke hinga ande ndo laoko pepe; lo yeke hinga ndo gi na lango so lele ti ngonda ahinga ndo nzoni si.

Mbeti ti Job 39:2

Mo lingbi ti diko nze ti ngo ti ala? Mo hinga lango so ala yeke du na ni?

Jérémie 14:6

Alele ti ngonda ayeke luti na ndö ti ahoto so ndö ni angba senge, ala yeke gboto pupu tongana *anzagua; le ti ala aye ti vuko na gingo pere, me pere ni ayeke daa mbeni pepe.”

Jérémie 2:27

“Ala yeke tene na keke: ‘Mo laa mo yeke babâ ti mbi!’ Ala yeke tene nga na têne: ‘Mo laa mo du mbi!’ Titene ala zia le ti ala na mbage ti mbi, ala zia gi peko ti ala na mbi! Me tongana ye ti ngangu asi na ala awe, ala yeke londo ti iri mbi, atene: ‘Ga mo soo e maa!’

Ezekiel 16:33

Awali-ndumba kue ayeke wara futa; me ti mo, mo laa mo mu kadoo na andeko ti mo kue. Mo futa ala titene ala londo na ando nde nde aga ti lango na mo.

Osée 5:15

“Fade mbi *KOTA GBIA, mbi yeke gue, mbi yeke kiri na ndo ti mbi ngbii asi na ngoi so ala hinga sioni ti ala, ala gi le ti mbi si. Na ndembe so ye ti ngangu ayeke si na ala, fade ala yeke gi mbi.”

Osée 8:9

Azo ti Efraim amu lege ague na sese ti Asirii. Ti lele ti ngonda, lo ye ti sara ye gi lo oko, me azo ti Efraim amu nginza ti vo na andeko.