Jérémie 2:16 - Mbeti ti Nzapa - Tënë so amu fini

¹⁶ Ataa azo ti gbata ti Manfis na ti Tapanes asuru ya ti kangu ti li ti mo.

Jérémie 2:16 Iomraidhean Croise

2 Agbia 18:21

Baa, fadeso mo zia be ti mo na ndö ti Ezipte so ayeke tongana sosongo so afâ awe. Tongana zo agbu ni ti luti daa, ayeke kpo ya ti maboko ti lo. Faraon, gbia ti Ezipte ayeke nga tongaso ndali ti azo so kue azia be ti ala na ndö ti lo.

2 Agbia 23:33

Faraon Neko agbu lo si abi lo na da ti kanga na Ribla, na sese ti Hamat titene lo kiri lo le-gbia na Jérusalem pepe. Faraon Neko agbu azo ti Juda na ngangu ti futa na lo lapo: kilo saki ota ti wen ti nginza, kilo baleota ti lôro.

Ésaïe 19:13

Amakonzi ti Soan aga azo ti buba awe, amakonzi ti Manfis ahanda tere ti ala. Amakonzi ti akete mara laa ayeke gue na Ezipte na sioni lege.

Ésaïe 59:13

e ke ndia ti mo, e bere tënë ti mo, e ke ti mu peko ti mo, Nzapa ti e, e tene gi atënë ti sarango ngangu na zo nga na sarango ngangu li. Ye so e leke na be ti e na ye so e gbu li ti e daa ayeke gi atënë ti mvene.

Ésaïe 8:8

Ngu ni ayeke sua na ya ti kodro ti Juda, ayeke suku, ayeke mu ya ti kodro ni, ayeke suku ngbii agbu zo na go ti lo. Ngu ni ayeke suku mbage na mbage si ayeke mu ndö ti kodro ti mo kue, Emmanuel.”

Jérémie 44:1

Tënë ti Nzapa asi na Jérémie ndali ti azuife so kue aduti na sese ti Ezipte, na gbata ti Migdol, ti Tapanes, ti Manfis nga na ala so ayeke na sese ti Patros. Tongaso Jérémie atene na ala:

Jérémie 46:14

“Ala azo, ala fa tënë ni na Ezipte; ala sara si azo ama tënë ni na Migdol, na Manfis nga na Tapanes. Ala tene na ala, atene: ‘Ala londo! Ala leke tere ti ala!’ Biani, azo so ayeke nduru na tere ti ala, bira ahunzi ala awe!

Jérémie 46:19

Azo ti kodro ti Ezipte, ngoi titene ala ro akungba ti ala ti gue na kodro wande alingbi awe. Biani, fade gbata ti Manfis ayeke ga ngonda, wâ ayeke gbi ni, zo ayeke kiri ti duti daa pepe.

Jérémie 48:45

Azo so akpe, ngangu ti ala ahunzi awe, nilaa ala luti ti wu tere ti ala na Heshebon. Me mbeni wâ asigigi na ya ti gbata ni; na yangbo ti gbia Sihon, mbeni menga ti wâ ague, agbi kodro ti azo ti sarango wusuwusu ni so, ti londo na katikati ti Moab ngbii asi na be ti kodro ni.

Ezekiel 30:13

“Tënë so mbi Kota Gbia NZAPA, mbi tene ayeke so: Mbi yeke buba ayanda si mbi yeke zi abuba nzapa so ayeke na gbata ti Manfis. Mbeni makonzi ayeke kiri ti duti na Ezipte pepe; mbi yeke sara titene mbeto amu ya ti kodro ni kue.

Ezekiel 30:16

Mbi yeke bi wâ na Ezipte. Tere ti azo ti Sin ayeke do na mbeto. A yeke koro du na tere ti gbagba ti No si ngu ayeke suku amu ya ti gbata ti Manfis kue.

Osée 9:6

Baa, ala yeke kpe kodro ti ala so abuba so, Ezipte laa ayeke yamba ala; me gbata ti Manfis ayeke ga ndo ti lungo ala. Fade akeke ti ki ayeke kanga ndö ti mosoro ti ala ti kota nginza, akamba ti ki ayeke kanga ndö ti ada ti lango ti ala.

Ndia ti fani use ni 33:20

Ndali ti mara ti Gad, Moïse atene: “Mbi mu singila na KOTA GBIA so amu kota sese na mara ti Gad! Gad alango na sese tongana bamara. Nyama so lo gbu, lo yeke suru ya ti maboko ti lo nga na ya ti li ti lo.