Jérémie 2:14 - Mbeti ti Nzapa - Tënë so amu fini

¹⁴ “Israel ayeke ngbaa? A du lo ngbaa? Ndani nyen si lo ga tongana ngbaa so azo agbu lo na peko ti bira?

Jérémie 2:14 Iomraidhean Croise

Tongo nda ti aye 15:3

Mo sara si mbi du molenge ti ya ti mbi wani pepe; mbeni zo ti gbe ti mbi si ayeke mu ande aye ti peko ti mbi.”

Sigingo 12:49

“Ndia oko so ayeke ndali ti zo ti Israel so a du lo na ya ti kodro ni nga ndali ti wande so aduti na popo ti ala.”

Sigingo 4:22

Tongaso, fade mo yeke tene na lo: Tënë so KOTA GBIA atene ayeke so: ‘Israel ayeke kozo molenge ti mbi ti koli.

Zo ti bongbingo azo 2:7

Mbi vo angbaa ti koli na ti wali; amolenge so ala du ayeke sara kua na da ti mbi. Mbi wara gba ti abagara, ataba na angasa ahon ti azo so kue ale-gbia na Jérusalem kozo ti mbi.

Ésaïe 50:1

Tënë so *KOTA GBIA atene ayeke so: “Ala tene: mbi tumba Jérusalem, mama ti ala. Me mbeti ti kangbingo tere ni ayeke na ndo wa? Ala fa ni na mbi! Ala tene nga: mbi ka ala na ngbaa ti futa boon na li ti mbi; zo wa laa mbi ka ala na lo, zo wa? Tongana a ka ala, ayeke ndali ti sioni ti ala; tongana a tumba mama ti ala, ayeke ndali ti ngangu li ti ala.

Jérémie 17:4

Kodro so lani mbi mu na mo si aga ye ti mo, fade mo yeke do ni ti zia. Mbi yeke sara si mo ga ngbaa ti awato ti mo na ya ti mbeni kodro so mo hinga ni pepe. Biani, mo sara si wâ ti ngonzo ti mbi alondo; wâ ni ayeke gbi kpu na kpu.”

Jérémie 5:19

Tongana ala tene: ‘KOTA GBIA Nzapa ti e asara ye so kue na e ngbanga ti nyen?’, fade mo yeke kiri tënë na ala, mo tene: Na ya ti kodro ti ala wani, ala zia mbi ti sara na anzapa ti awande. Ndani laa, fade ala yeke sara na awande na ya ti kodro so ayeke ti ala, azo ti Israel pepe.”