Jérémie 2:13 - Mbeti ti Nzapa - Tënë so amu fini

¹³ Azo ti mbi asara asioni ye use: ala do mbi azia, mbi so mbi yeke li ti ngu so ayeke mu fini na zo; ala gue ti zi du ti ngu ndali ti ala wani; andaa du ti ngu ni akoro korongo; du ni alingbi ti bata ngu pepe.”

Jérémie 2:13 Iomraidhean Croise

2 Agbia 22:17

Azo ti gbata ni azia mbi awe si ala zö dukani na anzapa nde; anzapa nde so ala leke so azia ngonzo na be ti mbi. Ndani laa ngonzo ti mbi ayeke londo tongana wâ na tere ti gbata so; ngonzo ni ayeke kai ande pepe.

Abia (Psaumes) 36:9

Anzoni kobe asi singo na ya ti da ti mo, azo ayeke te ni ya ti ala asi; anzerengo ye ti mo ayeke tongana ngu ti *bale, azo ayeke nyon na ngia.

Zo ti bongbingo azo 1:14

Mbi baa aye so kue a yeke sara na ndö ti sese so. Me ye kue ayeke gi senge senge si ayeke tumbango peko ti pupu senge.

Zo ti bongbingo azo 1:2

Ye kue ayeke senge senge; Zo ti bongbingo azo atene: ye kue ayeke senge senge, ye kue ayeke gi senge senge.

Zo ti bongbingo azo 12:8

Zo ti bongbingo azo atene: “Ye kue ayeke senge senge; ye kue gi senge senge.”

Zo ti bongbingo azo 2:11

Tongaso, mbi kiri mbi gbu li ti mbi na ndö ti akua so kue mbi sara na pasi so kue mbi baa na sarango ni. Mbi baa so aye so kue ayeke gi senge senge si ayeke tumbango peko ti pupu senge. Aye so kue azo ayeke sara na ndö ti sese so, ala yeke wara ye na pekoni pepe.

Zo ti bongbingo azo 2:21

Mbeni zo abaa pasi na sarango kua na ndara, na kode si kua ni aga nzoni. Me a mu ye ti lo ni na zo so asara kua ndali ni oko pepe. Ye so nga ayeke gi senge senge; so ayeke sioni ye mingi.

Zo ti bongbingo azo 2:26

Nilaa, zo so ayeke nzoni na le ti Nzapa, Nzapa ayeke mu na lo ndara, hingango ndo na ngia. Me ti zo ti siokpari, Nzapa ayeke mu na lo kua ti bongbingo ye ndali ti zo so ayeke nzoni na le ti lo. Ye so nga ayeke gi senge senge si ayeke tumbango peko ti pupu senge.

Zo ti bongbingo azo 4:4

Mbi kiri mbi baa so akua so azo ayeke baa pasi na sarango ni, ala ye ti ga nzoni ti hon amba ti ala. Ye so nga ayeke gi senge senge si ayeke tumbango peko ti pupu senge.

Ésaïe 1:3

Bagara ahinga wa ti lo; lele ahinga ndo so wa ti lo ayeke mu na lo kobe ti tengo ni daa. Me azo ti Israel ahinga ndo pepe, li ti azo ti mbi ayeke daa pepe.”

Ésaïe 1:4

Ae! Ala azo ti mara ti sarango siokpari, ala azo ti fango zo, ala *ahale ti sioni, ala amolenge ti kirikiri! Ala zia *KOTA GBIA awe; ala ke Nzapa ti Israel, lo so lo yeke nde si lo yeke nzoni kue; ala zia peko ti ala na lo.

Ésaïe 12:3

Ala yeke to ngu na ngia na li ti ngu so ayeke soo zo na kuâ.

Ésaïe 5:13

Ndani laa KOTA GBIA atene: “Fade a yeke gbu azo ti mbi ti gue na ala na kodro wande, ngbanga ti so ala hinga ndo pepe. Akota zo ayeke kui nzara si asenge zo ayeke kui nzara ti ngu.”

Ésaïe 55:2

Ndani nyen si ala yeke buba nginza ndali ti ye so ayeke kobe pepe so? Ndani nyen si ala yeke baa pasi ndali ti ye so ayeke si ya ti zo pepe so? Ala ma mbi nzoni, fade ala yeke duti na nzoni kobe ti tengo ni, ala yeke te anzerengo kobe.

Ésaïe 63:8

Lo tene tënë ti azo ti Israel, lo tene: “Biani, ala yeke azo ti mbi; amolenge ti mbi so alingbi ti handa mbi pepe.” Lo laa lo yeke wasongo ala.

Jérémie 1:16

Mbi yeke fâ ngbanga na li ti azo ti Juda ndali ti asioni sarango ye ti ala. Biani, ala zia mbi awe, ala zö dukani na anzapa nde, ala kuku ti voro ye so maboko ti ala wani asara.

Jérémie 14:3

Akota zo atokua azo ti kua ti ala ti to ngu, azo ti kua ni ague na du ti ngu, me ala wara ngu pepe. Ala mu lege akiri, ya ti ata ti ala senge; kamene agbu le ti ala, ala yeke na vundu si ala ba li ti ala na sese.

Jérémie 15:6

So tënë ti yanga ti KOTA GBIA laa: Mo laa mo zia mbi, mo zia peko ti mo na mbi. Nilaa mbi yoro maboko ti mbi ti fâ mo. Mbi baa mawa ti mo alingbi awe.

Jérémie 17:13

*KOTA GBIA, mo laa azo ti Israel azia be ti ala ti ku mo. Azo so kue ado mo azia, ayeke nzoni kamene agbu le ti ala. Azo so azia lege ti mo, ala yeke tongana azo so a su iri ti ala na ya ti fuku ti sese. Biani, ala do mo azia mo awe, KOTA GBIA, mo so mo yeke li ti ngu so ayeke mu fini na zo.

Jérémie 18:14

Ngu so alondo na ya ti *neze ti Liban, na ngu so asigigi na ya ti têne si ayeke sua na ya ti ngonda, laoko azo ado ni azia? Pendere ngu ti de so alondo yongoro si ayeke sua so, laoko ala baa ni ahole?

Jérémie 19:4

Biani, azo ti Juda ado mbi, azia awe; ala buba ndo so kue awe, zo alingbi ti hinga ni mbeni pepe: na ndo ni so, ala zö dukani na ambeni nzapa nde. Ataa ala wani, ataa akotara ti ala, ataa agbia ti Juda ahinga anzapa ni so kozoni pepe. Ala sara si ndo ni asi singo na mene ti azo so tënë ayeke na li ti ala pepe.

Jérémie 2:11

Laoko ala baa mbeni mara so azia anzapa ti lo ti mu ambeni nde? Ataa so ala yeke anzapa pepe! Me azo ti mbi azia mbi, mbi so mbi yeke nengo ti ala, ala mu peko ti ye so alingbi ti sara mbeni ye oko pepe.

Jérémie 2:17

Ye so kue asi na mo gi ndali ti mo wani pepe? Ye ni asi ndali ti so mo zia KOTA GBIA, Nzapa ti mo na ndembe so lo yeke fa lege na mo.

Jérémie 2:26

Legeoko tongana zo ti nzi so kamene ayeke sara lo na ndembe so a gbu lo, fade kamene ayeke sara azo ti Israel, ala na agbia ti ala, na akota zo ti kodro ti ala, na awayango-sandaga na awayanga-Nzapa ti ala.”

Jérémie 4:22

KOTA GBIA atene: “Biani, li ti azo ti mbi ayeke daa pepe, ala hinga mbi pepe. Ala yeke amolenge so li ti ala ayeke daa pepe; ala hinga ye oko pepe. Ala yapu na sarango sioni ye; me ala hinga ti sara nzoni ye pepe.”

Jérémie 5:26

Na popo ti azo ti mbi, azo ti sioni ayeke daa. Ala honde tere ti ala ti ku tongana zo ti gingo andeke. Ala sara akuku ti gbu na azo.

Jérémie 5:31

awayanga-Nzapa ayeke tene peko ti atënë ti mvene; awayango-sandaga ayeke gi ti wara aye ndali ti ala wani si azo ti mbi ayeda na sarango aye tongaso. Na ndani, fade ala yeke sara nyen?”

Ezekiel 14:5

Tongaso, fade tënë ti mbi ayeke ndu be ti azo ti Israel, ala so kue ague yongoro na mbi ndali ti ayanda ti ala so.

Ezekiel 47:1

Koli ni amu mbi, akiri na mbi na yanga ti kota da ti Nzapa ni. Mbi baa ngu ayeke sigigi na gbe ti yanga ti kota da ni na mbage ti To, ngbanga ti so dawa ti kota da ni ayeke na mbage ti To. Ngu ni ayeke sua na mbage ti maboko ti koli ti da ni si ayeke hon na mbage ti Mbongo ti gbalaka.

Mishe 2:8

Me KOTA GBIA atene na ala: “Biri, ala sara ye tongana awato ti azo ti mbi. Azo so alondo na bira si ayeke kiri na siriri, ala mu kota bongo so azo ni ayu na ndö ti abongo ti ala.

Mishe 6:3

lo tene: “Ala azo ti mbi, nyen laa mbi sara na ala, nyen? Ye so mbi sara si awoko ngangu ti ala so ayeke nyen? Ala kiri tënë na mbi!

Zakarii 13:1

“Na lango ni so, fade mbeni li ti ngu ayeke sigigi ti sukula asiokpari na asioni ti *ahale ti David na ti azo ti Jérusalem.”

Jean 4:10

Jésus akiri tënë na lo: “Tongana mo hinga fade ye so Nzapa ayeke mu na zo si mo hinga zo so ayeke hunda ngu ti nyongo ni na maboko ti mo so, ka mo wani laa mo yeke hunda na lo ngu so ayeke sara titene zo angba na fini.”

Jean 4:11

Wali ni atene na lo: “Kota zo, mo yeke na ye ti to na ngu pepe si du ti ngu ni ali mingi. Mo yeke wara ngu so ayeke sara titene zo angba na fini so tongana nyen?

Jean 4:14

me zo so ayeke nyon ande ngu so mbi yeke mu na lo, nzara ti ngu ayeke kiri ti sara lo pepe. Ngu so mbi yeke mu na lo ayeke ga li ti ngu so fini so angba lakue lakue ayeke sigigi daa.”

Jean 7:37

Tanga ti lango ti matanga ni ayeke mbeni kota lango mingi. Jésus aluti na nduzu si lo tene tënë na kota go, lo tene: “Tongana nzara ti ngu asara mbeni zo, ayeke nzoni lo ga na mbi, lo nyon ngu.

Ndia ti fani use ni 31:16

KOTA GBIA atene na Moïse: “Mo ga nduru ti gue na peko ti ababâ ti mo so akui so awe. Na peko ti mo, fade azo so ayeke to nda ti kpe na peko ti anzapa ti awande ti voro ala, anzapa ti kodro so ala, azo ti Israel, ala yeke li daa. Fade azo so ayeke ke mbi si ala yeke buba ya ti *mbuki so mbi na ala e sara ni.

2 Pierre 2:17

Awafango-ye ti mvene so ayeke tongana ali ti ngu so ahole, ala yeke tongana ambinda so kota pupu ayeke hon na ni. Nzapa aleke ndo so avuko pitipiti ti ku na ala.

Aye so Nzapa afa 21:6

Lo kiri lo tene na mbi: “Awe! Mbi yeke *Alfa na *Omega, mbi yeke tongo nda ti aye kue si mbi yeke nga kongo nda ti aye kue. Zo so nzara ti ngu asara lo, fade mbi yeke mu na lo ngu senge senge, ngu ti li ti ngu so ayeke mu fini na zo.

Aye so Nzapa afa 22:1

Na pekoni, *ange ni afa na mbi kota *bale so ayeke mu fini na zo; zo ayeke baa ndo na ya ti bale ni kue. Ngu ni alondo na mbage ti mbata ti Gbia Nzapa na ti Molenge ti Taba si ayeke sigigi.

Aye so Nzapa afa 22:17

Yingo-Vuru na wali so amu koli na fini ni atene: “Ga!” Ayeke nzoni zo so ama tënë so, atene: “Ga!” Zo so nzara ti ngu asara lo, ayeke nzoni lo ga. Zo so ayeda, ayeke nzoni lo mu ngu senge senge lo nyon, ngu so ayeke mu fini na zo.

Awafango-ngbanga 10:13

Me ti ala, ala do mbi azia ti voro anzapa nde. Ndani laa mbi yeke kiri ti soo ala pepe.

1 Samuel 12:10

Akotara ti ala akiri atoto na KOTA GBIA, atene: ‘KOTA GBIA, e sara siokpari awe, ngbanga ti so e zia mo si e sara kua na ayanda ti *Baal na ti *Astarte. Me fadeso, zi e na maboko ti awato ti e si fade e sara kua na mo.’