Jérémie 2:10 - Mbeti ti Nzapa - Tënë so amu fini

¹⁰ “Ala gue na zoa ti Kitim, ala baa ye si! Ala tokua azo na Kedar titene ala hunda ndo mbirimbiri si! Tongaso si ala baa wala mbeni ye tongana ti so asi kâ awe.

Jérémie 2:10 Iomraidhean Croise

Tongo nda ti aye 25:13

Iri ti amolenge ti Ismael ti koli na lege ti molongo ti dungo ala ayeke so: Nebayot, kozo molenge ti Ismael, na Kedar, Adbeel, Mibsam,

1 Agbia 9:9

Fade a yeke kiri tënë na lo, atene: ‘Ye ni asi tongaso, ngbanga ti so azo ti Israel azia KOTA GBIA Nzapa ti ala so asara si akotara ti ala asigigi na sese ti Ezipte. KOTA GBIA asara si aye ti ngangu so asi na ala, ngbanga ti so ala mu peko ti ambeni nzapa nde, ala kuku na gbe ti anzapa ni si ala voro ala.’ ”

1 Mbai 1:7

Amolenge ti Yavan ayeke Elisha, Tarsis, Kitim na Rodanim.

1 Mbai 23:1

David ate gigi si lo ga mbakoro awe, lo zia molenge ti lo Salomon gbia ti Israel.

1 Mbai 23:12

Kehat adu amolenge-koli osio: Amram, Isar, Hebron na Uziel.

Abia (Psaumes) 120:5

Mawa na mbi so mbi lango na popo ti awande, mawa na mbi so mbi duti na popo ti azo ti sarango sioni so!

Ésaïe 21:16

Biani, *KOTA GBIA atene tënë tongaso na mbi: “Na ya ti ngu oko, so ti tene mbeni lango oko ayeke ti na ndö ni pepe, fade gonda ti Kedar ayeke hunzi.

Ésaïe 23:1

Nengo tënë na ndö ti Tir. “Ala amangboko ti Tarsis, ala he bia ti demango tere! Biani, a buba ndo ti lutingo ti amangboko ti Tir awe, ada ayeke daa mbeni pepe.” So ala londo na zoa ti Shipre, ala kiri laa ala ma tënë ni.

Ésaïe 23:12

Lo tene: “Ala azo ti Sidon, ngia ti ala ahunzi awe, ala yeke tongana maseka-wali so koli asuru lo awe. Ataa ala gue, afâ kota ngu-ingo ngbii ala si na Shipre, kâ, ala lingbi nga ti wu tere ti ala pepe.

Jérémie 49:28

Tënë na ndö ti a-arabu ti Kedar na akodro-gbia ti Hasor so Nabukodonosor, gbia ti Babilone, akinda ala na ya ti bira. Tënë so *KOTA GBIA atene ayeke so: “Ala azo, ala londo! Ala gue na tere ti Kedar ti mu ni na bira! Ala buba ye kue na ndo ti azo ti benyama!

Ezekiel 16:16

Mo mu ambeni bongo ti mo, mo zia na ndo so azo aleke na nduzu ti voro anzapa nde daa titene ndo ni aga pendere si mo sara ye ti ndumba ti mo na ndö ni. Mara ti ye tongaso ade ti si laoko pepe, ayeke kiri ti si laoko pepe!

Ezekiel 27:21

Mo na azo ti Arabii na amakonzi kue ti sese ti Kedar ayeke de nga buze. Ala yeke ga na akete taba, ataba nga na angasa ti vo na akungba ti mo.

Ezekiel 27:6

Ala mu akeke ti shene ti Bashan si ala sara na akâî ti mo; ala mu akeke ti sedre ti azoa ti agreke, ala zia pembe ti doli na tere ni si ala leke na ndö ti mo.

Ezekiel 5:7

Nilaa, tënë so mbi Kota Gbia NZAPA, mbi tene ayeke so: Ala sara aye ti kirikiri mingi ahon amara nde so angoro ala, ala sara ye alingbi na atënë ti ndia ti mbi pepe nga na aye so mbi fa; ataa atënë ti ndia ti mbi na ti amara nde so angoro ala, ala azo ti Jérusalem, ala sara ye alingbi na ni pepe.

Daniel 11:18

Na pekoni, gbia ti Banga ayeke zia le ti lo na mbage ti azoa si lo yeke mu akodro mingi na lege ti bira. Me mbeni makonzi ayeke kanga lege na zonga ti lo; lo yeke sara si zonga ni akiri gi na ndö ti gbia ti Banga ni wani.

Daniel 11:30

Azo ti mbage ti Do ayeke mu amangboko si ayeke ga ti tiri bira na lo. Be ti lo ayeke woko si lo yeke mu lege ti kiri. Na kiringo ni, lo yeke de ngonzo ti be ti lo na ndö ti azo so Nzapa aga mbuki na ala. Me azo so azia lege ti mbuki ti ala na Nzapa, lo na ala ayeke ma tere.

Wungo ti azo 24:24

Amangboko alondo na mbage ti zoa ti Shipre ti ga. Azo ayeke sara ngangu na azo ti mara ti Asirii nga na azo ti mara ti Eber. Ataa azo ti mara ti Eber ni kue, gigi ti ala ayeke gue ande ti buba.”

1 Korente 5:1

Na ndo kue, azo ayeke ma a tene, gingo wali wala gingo koli kirikiri ahon ndoni na popo ti ala. Ataa na popo ti azo so ahinga Nzapa pepe, mbeni zo ti sarango mara ti ye tongaso ayeke daa pepe! Azo atene, mbeni zo na popo ti ala ayeke duti na wali ti babâ ti lo!

Awafango-ngbanga 19:30

Azo so kue abaa ye so, atene: “Ti londo na ndembe so azo ti Israel alondo na sese ti Ezipte asigigi ngbii asi laso, zo ade ti baa mara ti ye so laoko pepe! Ye tongaso ade ti si laoko pepe! Ayeke nzoni ala gi nda ti tënë ni, ala ma tere si ala fa ye so ala lingbi ti sara.”