Jérémie 19:7 - Mbeti ti Nzapa - Tënë so amu fini

⁷ Na ndo so, fade mbi yeke sara si poroso ti azo ti Juda na ti Jérusalem aga senge senge ye. Mbi yeke sara si ala ti na gbe ti awato ti ala si awato ni afâ ala na ya ti bira, awato ti ala ni ayeke baa mawa ti ala oko pepe. Mbi yeke sara si kuâ ti ala aga kobe ndali ti andeke ti nduzu na anyama ti sese.

Jérémie 19:7 Iomraidhean Croise

2 Agbia 21:14

Fade mbi yeke ke tanga ti azo ti mbi so ayeke ngba na fini si mbi yeke zia ala na maboko ti awato ti ala; awato ti ala ni ayeke nzi ala si ayeke gbu aye ti ala kue na peko ti bira.

Amato 21:30

Ataa ndara ti zo, ataa hingango ye ti zo, ataa gbungo-li ti zo, aye so kue ayeke ye oko pepe na le ti KOTA GBIA.

Ésaïe 29:14

Ndani laa, fade mbi yeke ngba ti sara si li ti azo so akpe na lege ti aye ti dongo be. Fade a yeke buba ndara ti azo ti ndara, a yeke honde hingango ndo ti azo ti hingango ndo.”

Ésaïe 8:10

Ala leke apialo ma, fade ayeke li ngu. Ala tene tënë mingi mingi ma, fade a yeke sara ye oko pepe, ngbanga ti so Nzapa ayeke na e.

Jérémie 15:2

Tongana azo ni ahunda mo, atene: ‘E yeke gue na ndo wa?’, fade mo yeke kiri tënë na ala: ‘Tënë so KOTA GBIA atene ayeke so: Zo so a diko lo ti kui, fade lo yeke kui! Zo so a diko lo ti kui na ya ti bira, lo yeke kui na ya ti bira! Zo so a diko lo ti kui kuâ ti nzara, lo yeke kui na nzara! Zo so a diko lo titene a gue na lo na kodro wande, a yeke gue na lo na kodro wande!’

Jérémie 15:9

Wali so lani azo ayeke gonda lo atene, lo yeke na amolenge mbarambara so, fadeso ngangu ti lo ahunzi kue, lo yeke wu gi na nduzu, na nduzu. Ti lo, taa na kota lâ, lâ akui awe. Kamene ahon ndö ti lo, kamene agbu le ti lo. Ti ala so angba na fini, fade mbi yeke sara si ala kui kuâ ti yongoro zeme taa na le ti awato ti ala.” So tënë ti yanga ti KOTA GBIA laa.

Jérémie 16:4

Fade ngangu kobela ayeke fâ ala; zo ayeke toto kuâ ti ala pepe, zo ayeke lu nga kuâ ti ala pepe. Me ala yeke ga tongana puru na ndö ti sese. Fade bira na nzara ayeke fâ ala si kuâ ti ala ayeke ga kobe ti andeke ti nduzu na ti anyama ti sese.”

Jérémie 18:21

Ndani laa, mo zia amolenge ti ala akui na nzara. Mo sara si ala wani akui na lege ti yongoro zeme. Ayeke nzoni awali ti ala aga awali-mua si amolenge ti ala akui. Ayeke nzoni kuâ amu akoli ti ala si amaseka-koli ti ala akui na ya ti bira.

Jérémie 21:7

Na pekoni, mbi yeke zia Sedesias, gbia ti Juda, lo na azo ti gbe ti lo, na maboko ti gbia ti Babilone. Mbi yeke zia nga na maboko ti gbia ni azo ti gbata ni, ala so angba na fini na peko ti sioni kobela ti bubango kodro, ala so angba na fini na peko ti bira na kota nzara. Biani, fade mbi yeke zia azo ni na maboko ti awato ti ala nga na maboko ti azo so aye gi kuâ ti ala. Gbia Nabukodonosor ayeke fâ azo ni kue, lo yeke zia zo oko pepe, lo yeke baa mawa ti zo oko pepe, lo yeke hinga zo oko pepe; so tënë ti yanga ti KOTA GBIA laa.’ ”

Jérémie 22:19

Fade a yeke lu kuâ ti lo tongana ti nyama, a yeke gboto kuâ ti lo na sese ti bi na gigi, yongoro na ayanga ti gbagba ti Jérusalem.”

Jérémie 22:25

Mbi yeke sara si mo ti na maboko ti azo so aye gi kuâ ti mo, azo so mo sara mbeto ti ala mingi, so ti tene gbia Nabukodonosor na aturugu ti lo.

Jérémie 32:28

Ndani laa, tënë so mbi KOTA GBIA, mbi tene ayeke so: mbi yeke zia gbata so na maboko ti azo ti Babilone nga na Nabukodonosor, gbia ti Babilone; fade lo yeke mu ni.

Jérémie 34:20

fade mbi yeke zia ala na maboko ti awato ti ala, azo so aye gi kuâ ti ala. Kuâ ti ala ayeke ga kobe ti andeke ti nduzu na ti anyama ti sese.

Jérémie 46:26

Mbi yeke zia ala na maboko ti azo so aye gi kuâ ti ala: Nabukodonosor, gbia ti Babilone, lo na aturugu ti lo. “Gbanda na pekoni, fade azo ayeke kiri ti lango na sese ti Ezipte tongana ti ando.” So tënë ti yanga ti KOTA GBIA laa.

Jérémie 7:33

Fade kuâ ti azo ni ayeke ga kobe ti andeke ti nduzu na ti anyama ti sese; zo ti ga ti tumba ala na tere ti kuâ ni ayeke daa pepe.

Jérémie 8:2

A yeke gbara abio ni na gbe ti lâ, na gbe ti nze nga na gbe ti gba ti atongoro. Aye le ti nduzu ni so, azo aye ala ando mingi; azo ni ayeke sara kua na ala, ala mu tere ti ala na ala, ala yeke kpe na peko ti ala; ala yeke voro ala. Abio ni so, a yeke ro ni pepe; a yeke lu nga ni pepe. Fade alango na ndö ti sese ti ga tongana puru na ndö ti sese.

Jérémie 8:8

Ala yeke tene: “E yeke azo ti ndara, *Ndia ti *KOTA GBIA ayeke ti e.” Taa-tënë, me ye ni asara tongana nyen si gi awafango-ndia ni wani akiri ayeke buba ya ti Ndia ni so?

Jérémie 8:9

So ye ti kamene ti nyen na azo ti ndara! Li ti ala aga kirikiri awe; ala ti na ya ti gbanda ti ala wani. So ala baa tënë ti KOTA GBIA tongana buba ye na le ti ala so, ndara ti nyen laa ala yeke na ni?

Abia ti demango tere 3:37

Zo wa laa atene gi tënë si mbeni ye abaa gigi, zo wa? KOTA GBIA laa ayeke mu yanga pepe?

Awayango-sandaga 26:17

Fade mbi yeke ga na tere ti ala; awato ti ala ayeke kinda ala. Azo so ake ala ayeke ga ti sara komandema na ndö ti ala; ti ala, ala yeke kpe, ataa so mbeni zo atumba peko ti ala pepe.

Awayango-sandaga 26:25

Ndali ti mbuki ti mbi so ala buba ni, fade mbi yeke tokua bira na tere ti ala, ala yeke honde tere ti ala na ya ti agbata ti ala, me mbi yeke tokua sioni kobela ti bubango kodro na tere ti ala si mbi yeke zia ala na maboko ti awato ti ala.

Rome 3:31

Tongaso, na lege ti mabe, e yeke baa Ndia tongana senge ye? Oko pepe! Me e mu nengo na Ndia.

Rome 4:14

Tongana ayeke fade gi azo so ayeke sara ye alingbi na Ndia laa ayeke wara ande aye so Nzapa amu zendo ni, ka mabe aga senge ye si zendo ti Nzapa aga buba ye.

1 Samuel 17:46

Laso, fade KOTA GBIA ayeke zia mo na maboko ti mbi; mbi yeke fâ mo, mbi yeke fâ li ti mo. Gi laso, fade mbi yeke mu kuâ ti aturugu ti Filistii na andeke ti nduzu nga na anyama ti ngonda titene ala te ni. Tongaso, fade azo ti dunia kue ahinga atene Nzapa ayeke na Israel.