Jérémie 19:5 - Mbeti ti Nzapa - Tënë so amu fini

⁵ Ala leke mbeni ndo na li ti hoto ndali ti *Baal. Kâ, ala yeke gbi amolenge ti ala na wâ ti mu na *sandaga. Andaa, so ayeke mbeni ye so mbi mu yanga laoko pepe titene ala sara ni, mbi tene tënë tongaso oko pepe, mbeni tënë tongaso aga na li ti mbi laoko pepe.

Jérémie 19:5 Iomraidhean Croise

2 Agbia 17:17

Ala gbi amolenge ti ala ti koli na amolenge ti ala ti wali na wâ ti mu na *sandaga. Ala gi nda ti aye, ala sara aye ti mazi nde nde. Ala mu tere ti ala ti sara ye so ayeke sioni na le ti KOTA GBIA ti zia ngonzo na be ti lo.

2 Agbia 21:6

Lo gbi molenge ti lo ti koli na wâ ti mu na *sandaga; lo gi nda ti aye, lo sara mazi; lo zia azo titene ala hunda yingo ti akuâ si ala fa nda ti aye so ayeke na hondengo ni. Lo kiri lo sara sioni so ague guengo na nduzu ti ke KOTA GBIA, ye so azia ngonzo na be ti lo.

2 Mbai 28:3

Lo wani, lo zö dukani na popo-hoto ti Molenge ti Hinom si lo gbi amolenge ti lo ti koli na wâ ti mu na *sandaga. Lo mu peko ti asioni sarango ye ti amara nde, asioni ye so zo alingbi ti baa na le ti lo fani use pepe. Ando KOTA GBIA atumba amara ni na ndö ti sese ni si lo mu na azo ti Israel.

Jérémie 32:35

Na popo-hoto ti Hinom, ala leke ndo na li ti ahoto ndali ti Baal. Kâ, ala yeke gbi amolenge ti ala ti koli na ti wali na wâ ti mu na sandaga na nzapa Molek. Mbi mu yanga na ala laoko pepe ti sara ye tongaso! Mara ti ye tongaso aga na li ti mbi laoko pepe. Na sarango mara ti sioni ye tongaso, so zo alingbi ti baa na le ti lo fani use pepe so, ala pusu azo ti Juda ti sara sioni.

Ezekiel 16:36

Tënë so Kota Gbia NZAPA atene ayeke so: Mo zia tere ti mo ti wali na gigi, mo sara si tere ti mo angba ndumbu na sarango ye ti ndumba na andeko ti mo nga na afungo yanda ti mo. Ataa mene ti amolenge ti mo, mo tuku ni ti mu na sandaga na ayanda ti mo ni.

Ezekiel 20:26

Mbi zia ala titene ala ga *sioni na lege ti akozo molenge ti ala so ala yeke gbi na wâ ti mu na *sandaga. Mbi sara tongaso titene ala baa pasi si ala hinga atene, mbi laa mbi yeke KOTA GBIA.”

Ezekiel 38:10

“Tënë so mbi Kota Gbia NZAPA, mbi tene ayeke so: Na lango ni so, fade atënë mingi mingi ayeke ga na be ti mo; mo yeke leke pialo so ayeke sioni.

Daniel 2:29

Gbia, na ndembe so mo yeke na ndö ti gbogbo ti mo, mo gbu li ti mo na ndö ti aye so ayeke si gbanda. Lo so lo yeke fa nda ti aye ti ndima afa na mo awe ye so ayeke si gbanda.

Awayango-sandaga 18:21

“Alingbi mo mu mbeni molenge ti mo oko pepe titene a gbi lo na wâ na *sandaga na nzapa Molek. So fade ayeke sara si iri ti mbi, Nzapa ti mo abuba: mbi laa mbi yeke KOTA GBIA.

Wungo ti azo 22:41

Na ndaperere, Balak amu Balaam si lo na lo ague na Bamot-Baal. Kâ, zo alingbi ti baa mbeni mbage ti azo ti Israel.

Ndia ti fani use ni 12:31

Ala azo ti Israel, tongana ala yeke voro KOTA GBIA Nzapa ti ala, alingbi ala sara ye tongana ti amara ni so pepe. Biani, amara ni so ayeke sara asioni ye nde nde na nzapa ti ala, asioni ye so zo alingbi ti baa na le ti lo fani use pepe, aye so be ti KOTA GBIA ake ni: azo ni amu amolenge ti ala ti koli na ti wali ti gbi ala na wâ ti mu na *sandaga na anzapa ti ala nga!