Jérémie 19:3 - Mbeti ti Nzapa - Tënë so amu fini

³ Fade mo yeke tene: Agbia ti Juda na azo so ayeke lango na Jérusalem, ala ma tënë ti KOTA GBIA si! Tënë so KOTA GBIA so ayeke na ndö ti dunia kue, Nzapa ti Israel atene ayeke so: Fade mbi yeke sara si mbeni kota kpale ati na ndo so. Azo so kue ayeke ma tënë ni, fade ayeke toto na mê ti ala tongana sungbango ti bekpa.

Jérémie 19:3 Iomraidhean Croise

Abia (Psaumes) 102:15

Ataa so atêne ti gbata ni atuku awe, be ti azo ti kua ti mo angba ti ye atêne ni; ala ngba ti baa mawa ti fuku ti sese ti gbata ni.

Abia (Psaumes) 110:5

Kota Gbia ayeke na mbage ti maboko ti mo ti koli; na lango ti ngonzo ti lo, lo nika agbia.

Abia (Psaumes) 2:10

Ala, agbia, fadeso ala sara ye na ndara si! Ala, amakonzi ti sese, ala ga azo ti mango ndo si!

Ésaïe 28:19

Na ngoi so kue ye ti ngangu ni ayeke si, fade ayeke wara ala. Biani, ye ni ayeke hon na ndaperere, na kota lâ nga na bi. Gi so azo ayeke ma tënë ni, kota mbeto ayeke hon ndö ti ala.

Jérémie 13:18

Tene na gbia nga na kota gbia-wali, mo tene: “Ala duti na sese! Biani, pendere kpoto ti ala ti gbia alondo na li ti ala ati awe.

Jérémie 17:20

Fade mo yeke tene na ala: ‘Ala agbia ti Juda, ala azo ti Juda kue, ala so kue ayeke lango na Jérusalem na ala so kue ayeke hon na ndo so, ala ma tënë ti KOTA GBIA si!

Jérémie 18:11

“Fadeso, ayeke nzoni mo tene na azo ti Juda na ala so ayeke lango na Jérusalem, mo tene: ‘Tënë so KOTA GBIA atene ayeke so: Mbi yeke leke na be ti mbi mbeni ye ti sara na ala, mbi yeke leke mbeni sioni kpale na tere ti ala. Ayeke nzoni zo oko oko azia sioni lege ti sarango ye ti lo. Ala sara si lege ti dutingo ti ala na sarango ye ti ala akiri aga nzoni!’ ”

Jérémie 19:15

“Tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Akpale so kue mbi tene tënë ni so, fade mbi yeke sara si ati na ndö ti gbata so nga na ndö ti akete kodro so kue ayeke na tere ni. Biani, azo ti gbata ni asara ngangu li si ala ke ti ma tënë ti mbi.’ ”

Jérémie 25:29

Biani, gbata so a zia nde ndali ti mbi, mbi yeke to nda ti tokua kota kpale ti ti na ndö ni. Ala baa ti ala atene, ala yeke sigigi na ya ni? Oko pepe, fade ala yeke sigigi na ya ni pepe. Me gi bira laa mbi yeke tokua na tere ti azo ti dunia kue; so tënë ti yanga ti KOTA GBIA laa.”

Jérémie 35:17

Jérémie akiri atene: “Ndani laa, tënë so KOTA GBIA so ayeke na ndö ti dunia kue, Nzapa ti Israel atene ayeke so: Ala azo ti Juda na ala, azo ti Jérusalem, akpale so kue mbi tene tënë ni so, mbi yeke sara titene aga na ndö ti ala. Biani, mbi tene tënë na ala, me ala ma mbi pepe; mbi iri ala, me ala ke ti yeda.”

Jérémie 44:3

Ye ni asi, ngbanga ti so azo ni azia ngonzo na be ti mbi na lege ti sioni so ala sara. Biani, ala gue ti zö dukani na anzapa nde si ala voro anzapa ni, anzapa so ala hinga ala kozoni pepe. Ataa ala, azo ti Juda, ataa akotara ti ala ahinga nga anzapa ni so pepe.

Jérémie 6:19

Ala ma si, ala azo ti sese kue: mbi yeke sara titene kota kpale ati na ndö ti azo ni, so ayeke futa ti asioni gbungo-li ti ala laa. Ala dingi mê ti ala ti ma atënë ti mbi pepe; ala baa atënë ti ndia ti mbi tongana mbumbuse ye.

Ezekiel 7:5

“Tënë so Kota Gbia NZAPA atene ayeke so: Kpale ayeke ga! Mbeni kpale ti lingbi na ni ayeke daa pepe!

Matthieu 10:18

Fade azo ni ayeke mu ala ti gue na ala na gbe ti akomanda na agbia ndali ti mbi si ala, adisiple ti mbi, ala yeke tene ye so ala hinga na ndö ti mbi na azo ni nga na azo ti amara nde.

Aye so Nzapa afa 2:29

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize!”

1 Samuel 3:11

KOTA GBIA atene na Samuel: “Baa, mbi yeke bi mbeni kota kpale na sese ti Israel. Azo so kue ayeke ma tënë ni, fade ayeke toto na mê ti ala tongana sungbango ti bekpa.