Jérémie 19:2 - Mbeti ti Nzapa - Tënë so amu fini

² Na pekoni, mo sigigi na yanga ti gbagba ti gbata so iri ni ti Fango-ta. Yanga ti gbagba ni ayeke baa ndo na mbage ti popo-hoto ti Hinom. Kâ, fade mo yeke to mbela na tënë so mbi yeke tene na mo.

Jérémie 19:2 Iomraidhean Croise

2 Agbia 23:10

Yosias asara si Tofet so ayeke na popo-hoto ti Hinom aga *sioni, tongaso si azo akiri agbi amolenge ti ala ti koli na ti wali na wâ pepe ti mu na *sandaga na nzapa Molek.

2 Mbai 28:3

Lo wani, lo zö dukani na popo-hoto ti Molenge ti Hinom si lo gbi amolenge ti lo ti koli na wâ ti mu na *sandaga. Lo mu peko ti asioni sarango ye ti amara nde, asioni ye so zo alingbi ti baa na le ti lo fani use pepe. Ando KOTA GBIA atumba amara ni na ndö ti sese ni si lo mu na azo ti Israel.

2 Mbai 33:6

Lo gbi amolenge ti lo ti koli na wâ ti mu na *sandaga na ndo so ayeke na popo-hoto ti Hinom; lo gi nda ti aye, lo sara mazi, lo sara yoro; lo zia azo titene ala hunda yingo ti akuâ si ala fa nda ti aye so ayeke na hondengo ni. Lo kiri lo sara sioni so ague guengo na nduzu ti ke KOTA GBIA, ye so azia ngonzo na be ti lo.

Néhémie 3:29

Na peko ti ala kâ, Sadok, molenge ti Imer ayeke sara ti lo kua ni na ndo so abaa le na da ti lo wani. Na peko ti Sadok kâ, Shemaya, molenge ti Shekania, sanziri ti yanga ti gbagba ti mbage ti To.

Jérémie 1:7

Me KOTA GBIA atene na mbi: “Mo tene pepe: ‘Mbi de maseka mingi.’ Fade mo yeke gue na mbage ti azo so kue mbi yeke tokua mo na ala; mo yeke tene na ala atënë so kue mbi mu yanga na mo ti tene.

Jérémie 11:6

KOTA GBIA akiri atene na mbi: “To mbela na atënë so kue na ya ti agbata ti Juda nga na ndö ti alege ti Jérusalem, mo tene: ‘Ala ma atënë ti ya ti mbuki so, ala sara ye alingbi na ni!

Jérémie 18:2

“Londo mo gue na ndo ti wasarango-ta. Kâ, fade mbi yeke tene na mo atënë ti mbi.”

Jérémie 26:2

“Tënë so KOTA GBIA atene ayeke so: Gue mo luti na ya ti gbagba ti kota da ti KOTA GBIA, mo to mbela na tënë so na azo so kue alondo na ya ti agbata ti Juda si aga ti voro Nzapa na ya ti kota da so. Mo tene na ala atënë so kue mbi mu yanga na mo ti tene; mo zi mbeni tënë oko na ya ni pepe.

Jérémie 3:12

Gue mo to mbela na tënë so na mbage ti Banga, mo tene: KOTA GBIA atene: ‘Israel, wali-pupulenge, mo kiri maa! Tongana mo kiri na tere ti mbi, fade mbi yeke be le na mo pepe, ngbanga ti so nzoni be ti mbi angba lakue. Mbi yeke bata mo na be lakue pepe; so tënë ti yanga ti KOTA GBIA laa.

Jérémie 32:35

Na popo-hoto ti Hinom, ala leke ndo na li ti ahoto ndali ti Baal. Kâ, ala yeke gbi amolenge ti ala ti koli na ti wali na wâ ti mu na sandaga na nzapa Molek. Mbi mu yanga na ala laoko pepe ti sara ye tongaso! Mara ti ye tongaso aga na li ti mbi laoko pepe. Na sarango mara ti sioni ye tongaso, so zo alingbi ti baa na le ti lo fani use pepe so, ala pusu azo ti Juda ti sara sioni.

Jérémie 7:2

Mo luti na yanga ti da ti KOTA GBIA, mo to mbela na tënë so, mo tene: “Ala azo ti Juda kue, ala so ayeke li na yanga ti da so ti kuku na gbe ti KOTA GBIA, ala ma tënë ti lo si!

Jonas 3:2

“Londo, mo gue na Ninive, kota gbata so! Mo dekongo na azo ni na tënë ti yanga ti mbi so mbi yeke tene na mo.”

Matthieu 10:27

Tënë so mbi yeke tene na ala na ya ti vukongo ndo, ala tene tënë ni na kota lâ; tënë so a tene gi na ya ti mê ti ala, ala dekongo na ni na ndö ti da.

Awatokua 20:27

Biani, aye so kue Nzapa aleke na be ti lo so, mbi fa na ala awe, mbi honde ye oko pepe.

Awatokua 5:20

“Ala gue, aluti na ya ti kota da ti Nzapa si ala fa na azo atënë so kue ayeke mu fini na zo.”

Josué 15:8

Katikati ni akiri ahon na popo-hoto ti Hinom, na tere ti hoto ti mbage ti Mbongo ti azo ti mara ti Yebus, so ti tene Jérusalem. Na pekoni, katikati ni ague ngbii asi na li ti hoto so ayeke na Do ti popo-hoto ti Hinom, akiri ague ngbii asi na popo-hoto ti azo ti mara ti Refa, na mbage ti Banga.