Jérémie 19:1 - Mbeti ti Nzapa - Tënë so amu fini

¹ Tënë so *KOTA GBIA atene ayeke so: “Gue na ndo ti wasarango-ta, mo vo ta ti sese. Mo mu na tere ti mo ambeni *kangba na popo ti azo ti kodro nga na ambeni kangba na popo ti awayango-sandaga.

Jérémie 19:1 Iomraidhean Croise

2 Agbia 19:2

Na pekoni, lo tokua Eliakim, makonzi ti yangbo ti gbia, lo na wakuasu Shebna nga na ambakoro awayango-sandaga na ndo ti wayanga-Nzapa Ésaïe, molenge ti Amoz. Ala kue ayu bongo ti mua.

Ésaïe 30:14

Ya ti dere ni afâ kete kete tongana ta ti wasarango-ta; zo alingbi ti kiri ti leke ni pepe. Zo alingbi ti mu mbeni fango ni ti mu na le ti wâ na ya ti duke pepe wala ti to na ngu na ya ti du ti ngu pepe.”

Jérémie 13:1

Tënë so *KOTA GBIA atene na mbi ayeke so: “Gue mo vo kamba ti ndö ti bongo so a sara na *len, mo kanga ni na ngbonda ti mo, me mo yoro ni na ya ti ngu pepe.”

Jérémie 26:17

Na pekoni, ambeni *kangba ti kodro ni alondo; ala tene na azo so kue abongbi so, atene:

Jérémie 32:14

‘Tënë so KOTA GBIA so ayeke na ndö ti dunia kue, Nzapa ti Israel atene ayeke so: Mu ambeti use so, ti so mbi kpo nzoroko ti mbi daa na ti so a kanga yanga ni pepe so, mo zia ni na ya ti ta ti sese, tongaso si ambeti ni alingbi ti ninga.’

Abia ti demango tere 4:2

Anzoni molenge ti *Sion alingbi lani na ngere ti lôro ti nzoni ni. Nyen asara si ala kiri aga fadeso tongana ta ti sese so-oo? Nyen asara si ala ga tongana senge ta so wasarango-ta asara ni so-oo? Azo-oo, azo!

Ezekiel 4:1

*KOTA GBIA akiri atene na mbi: “Ti mo, *molenge ti zo, mo mu mbeni biriki oko, mo zia na sese na dawa ti mo; mo kpaka limo ti mbeni gbata na ndö ni, so ti tene Jérusalem.

Ezekiel 5:1

“Ti mo, *molenge ti zo, mo mu mbeni yongoro zeme so yanga ni aza mingi, mo kio na kua ti li ti mo nga na kua ti yanga ti mo. Na pekoni, mo zia kua ti li ti mo na kua ti yanga ti mo ni na ndö ti kilo ti haka ni; mo kangbi ya ni.

Ezekiel 9:6

Ataa ambakoro, ataa amaseka-koli wala amaseka-wali, ataa amolenge wala awali, ala fâ ala, ahunzi ala kue. Me azo so nzoroko ayeke na ndö ti le ti ala, ala ndu ala pepe. Ala to nda ni ge na ndo so a zia ni nde ndali ti mbi.” Nilaa akoli ni ato nda ti fâ *akangba so ayeke na dawa ti kota da ti Nzapa.

Wungo ti azo 11:16

KOTA GBIA akiri tënë na Moïse: “Mo bongbi na mbi azo balembarambara na popo ti *akangba ti Israel, ala so mo hinga, mo tene, ala yeke akangba nga na azo so ayeke baa ndo na ndö ti azo ti Israel. Mo ga na ala kue na ya ti da so mbi na azo ti mbi, e yeke wara tere daa. Mo na ala kue ayeke luti na nduzu na dawa ti mbi.

Matthieu 26:3

Tongaso akota wayango-sandaga na *akangba ti azuife abongbi tere na ya ti gbagba ti kota wayango-sandaga so iri ti lo Kaife.

Matthieu 27:1

Na ndaperere, akota wayango-sandaga kue na *akangba ti azuife abongbi ti fâ ngbanga ti kuâ na li ti Jésus.

Awatokua 21:11

Lo ga ti baa e. Lo mu kamba ti ndö ti bongo ti Paul, lo kanga gere ti lo na maboko ti lo na ni si lo tene: “Ala ma tënë so Yingo-Vuru atene: fade azuife ayeke kanga wa ti kamba so tongaso na Jérusalem si ala yeke zia lo na maboko ti azo so ahinga Nzapa pepe.”

2 Korente 4:7

Ye so ayeke kota mosoro so alondo na Nzapa, me e so e yeke yo mosoro ni, e yeke tongana asenge ta ti sese. Tongaso si azo ahinga atene, kota ngangu so ahon angangu kue alondo na Nzapa, me na e pepe.