Jérémie 17:9 - Mbeti ti Nzapa - Tënë so amu fini

⁹ “Be ti zo ayeke handa zo ahon tanga ti aye kue; zo alingbi ti kai kobela ni pepe. Zo wa laa alingbi ti hinga be ti zo?”

Jérémie 17:9 Iomraidhean Croise

Tongo nda ti aye 6:5

KOTA GBIA abaa so sioni ti zo ahon ndoni na ndö ti sese. Ti londo na ndaperere ngbii asi na lakui, be ti lo aye gi ti sara sioni.

Tongo nda ti aye 8:21

KOTA GBIA ama nzoni fion ti sandaga ni, anzere na lo si lo tene na be ti lo, lo tene: “Mbi yeke kiri ti deba sese ndali ti zo pepe. Biani, ti londo na ndembe so zo ade maseka, be ti lo aye ti sara gi ye ti sioni. Tongaso mbi yeke kiri ti buba aye so ayeke na fini so tongana ti so mbi sara so pepe.

2 Samuel 11:15

Lo su na ya ti mbeti ni, lo tene: “Ala zia Urii na mbeni ndo so bira ayeke kporo daa ngangu; ala kiri ti ala na peko, ala zia gi lo oko si awato apika lo afâ lo.”

Abia (Psaumes) 51:5

Mbi hinga so mbi buba lege ti ndia ti mo awe; siokpari ti mbi ayeke lakue na le ti mbi.

Abia (Psaumes) 64:7

Ala yeke gbu li ti ala ti sarango asioni ye, ala tene: “E wara taa lege ni awe. Zo alingbi ti hinga tënë so ayeke na be ti mba ti lo pepe!”

Amato 28:26

Zo so ayeke zia be ti lo na ndö ti gbungo-li ti lo wani, lo yeke zo ti buba; me zo so ayeke sara ye na lege ti ndara, fade lo yeke sigigi na ya ti kuâ.

Zo ti bongbingo azo 9:3

Na ndö ti sese so, mbeni sioni ye ayeke so: gi oko ye ayeke si na azo kue. Ndani laa be ti azo asi singo na aye ti sioni. So ala de na fini, ala sara ye tongana azo ti buba. Me na ndani, ala yeke gue na ndo ti akuâ.

Ésaïe 1:5

So ala ngba ti sara ngangu li so, fade lo yeke kiri ti pika ala na ndo wa? Li ti ala kue gi ka, be ti ala kue gi kobela.

Ésaïe 1:6

Ti londo na gere ti ala ngbii asi na li ti ala, mbeni ndo so angba nzoni ayeke daa pepe. Tere ti ala kue amboko na ka, tere ti ala kue asuru na ka, le ti aka ni azi kota, a sukula ni pepe, a kanga ni pepe, a zia yoro daa pepe.

Ésaïe 6:10

Mo sara si be ti azo ni akpengba, mo sara si mê ti ala na le ti ala akanga; mo sara si ala baa ndo pepe, ala ma ndo pepe. Tongaso si tënë ali be ti ala pepe, ala zia ngbene lege ti sarango ye ti ala pepe, ala kiri na mbi pepe si kobela ti ala akai pepe.”

Jérémie 16:12

Ti ala, ala sara sioni mingi ahon akotara ti ala; zo oko oko ayeke ngba ti sara sioni ye so be ti lo afa na lo, me lo ke ti ma mbi.

Jérémie 7:24

Me ala ke ti ma tënë ni; ala dingi mê ti ala kete pepe ti ma ni; ala sara gi ye so sioni be ti ala afa. Titene ala baa ndo na mbage ti mbi, ala zia gi peko ti ala na mbi.

Matthieu 13:15

Biani, be ti azo ni akpengba; ala kanga mê ti ala, ala kanga le ti ala titene ala baa ndo pepe, titene ala ma ndo pepe, titene ala ma ya ti atënë pepe si ala zia pepe ngbene lege ti sarango ye ti ala, tongaso si mbi kai kobela ti ala.’

Matthieu 15:19

Biani, aye tongana asioni tënë ti be ti zo, fango zo, gingo wali wala koli ti zo, sarango aye ti ndumba, nzi, tenengo mvene na le ti ngbanga na zongango ndo, alondo kue na be ti zo si asigigi.

Marc 2:17

Jésus ama ala si lo tene na ala: “Azo so ayeke na nzoni tere ayeke na nzara ti gue ti baa wanganga pepe; me gi azo ti kobela laa ayeke na nzara ti gue ti baa wanganga. Mbi ga ti iri azo so ayeke mbirimbiri pepe, me mbi ga ti iri azo ti siokpari.”

Rome 1:21

Ataa so ala hinga Nzapa, ala gonda lo pepe, ala mu singila na lo pepe so alingbi na Nzapa. Me gbungo-li ti ala aga kirikiri, ala hinga ndo pepe si ala yeke duti na ya ti vukongo ndo.

Rome 7:11

Biani, na lege ti tënë ti Ndia laa siokpari awara lege ti handa mbi si afâ mbi.

Efeze 4:22

Tongaso, alingbi ala zia ngbene lege ti dutingo ti ala. Ando, anzara ti be ti ala ayeke handa ala si ayeke buba ala. Alingbi ala zia ngbene dutingo ti ala ti zo tongana ti so zo ayeke zi gbagba bongo na tere ti lo.

Ahebro 3:12

A-ita, le ti ala akpengba! Mbeni zo oko na popo ti ala asara sioni be wala adekite pepe, tongaso si lo zia lege ti Nzapa pepe, lo so lo yeke na fini.