Jérémie 17:8 - Mbeti ti Nzapa - Tënë so amu fini

⁸ Lo yeke tongana keke so a lu na tere ti ngu, keke so agunda ni ali sese na tere ti kete ngu. Tongana ndo-wâ aga, mbeto ti mbeni ye asara lo oko pepe; akugbe ti keke ni angba lakue fini ni. Ataa ngu apika pepe na ya ti ngu oko, lo yeke gi be ti lo pepe, me lo yeke le lakue.”

Jérémie 17:8 Iomraidhean Croise

Mbeti ti Job 29:19

Mbi yeke tongana keke so agunda ni ague, awara ngu. Na bi, ngu ti pere aduti na ndö ti maboko ti keke ni.

Mbeti ti Job 8:16

Lo yeke tongana keke so ngu ti ya ni asi singo na gbe ti lâ; amaboko ti lo agbara na ndö ti yaka.

Abia (Psaumes) 1:3

Lo yeke tongana keke so a lu na tere ti ngu: keke so ayeke le na ngoi ti lengo ni, akugbe ti lo angba fini lakue. Aye so kue zo ni ayeke sara ayeke ga nzoni.

Amato 11:28

Zo so azia be ti lo na ndö ti amosoro ti lo, fade lo yeke ti; me azo ti mbirimbiri ayeke mai tongana keke so akugbe ni angba fini ni.

Ésaïe 58:11

KOTA GBIA ayeke ngba lakue ti fa lege na mo. Ataa na benyama, lo yeke mu na mo kobe, mo te ya ti mo asi, lo yeke kiri ti mu ngangu na mo. Mo yeke ga tongana yaka so a tuku ngu daa, mo yeke ga tongana li ti ngu so ngu ni ayeke hole pepe.

Ésaïe 61:3

Ala yeke na mua ndali ti *Sion, me Nzapa atokua mbi ti zia na li ti ala ye ti pendere na plase ti mburu ti wâ; ti kpaka na tere ti ala mafuta so afa ngia ti ala, me afa mua pepe; ti yu na ala bongo ti matanga na plase ti be so awoko. Tongaso, a yeke haka ala na akeke so afa mbirimbiri ti Nzapa, a yeke haka ala na yaka so afa gonda ti KOTA GBIA.

Jérémie 39:18

Fade mbi yeke soo mo biani; mo yeke kui kuâ ti yongoro zeme pepe, me mo yeke ngba na fini, ngbanga ti so mo zia be ti mo na ndö ti mbi; so tënë ti yanga ti KOTA GBIA laa.’ ”

Ezekiel 31:3

Mo kpa keke ti sedre ti Liban so amaboko ni apendere mingi, so asara gbe ti de nzoni mingi; so ayo na nduzu mingi si li ti lo asi na ya ti ambinda.

Ezekiel 47:12

Na yanga ti ngu ni mbage na mbage, mara ti akeke nde nde so a yeke te ale ni asigigi daa. Akugbe ni ayeke hole pepe; alengo ni ayeke hunzi na ndö ti amaboko ti keke ni pepe. Na ya ti nze oko oko, akeke ni ayeke le afini lengo, ngbanga ti so ala wara ngu so alondo na da so ayeke nde si ayeke nzoni kue. Ale ti keke ni ayeke ti tengo ni si akugbe ni ayeke ti kaingo na kobela.”