Jérémie 17:5 - Mbeti ti Nzapa - Tënë so amu fini

⁵ Tënë so *KOTA GBIA atene ayeke so: “Deba aga na ndö ti zo so be ti lo ahon yongoro na mbi, lo so lo zia be ti lo na ndö ti azo si lo yeke gi ngangu ti lo na lege ti senge zo ti sese!

Jérémie 17:5 Iomraidhean Croise

2 Mbai 16:12

Na ngu baleota na gumbaya ni so Asa ale-gbia, mbeni ngangu kobela ti gere asara lo. Ataa na ya ti songo tere ti lo ni, lo gi *KOTA GBIA pepe, me lo gue ti baa awanganga.

2 Mbai 32:8

Ngangu ti gbia ni ayeke gi ngangu ti zo; me ngangu ti e ayeke KOTA GBIA, Nzapa ti e so ayeke mu maboko na e si lo yeke tiri bira ndali ti e.” Azo ni aluti na ndö ti tënë ti Ezekias, gbia ti Juda.

Abia (Psaumes) 18:21

KOTA GBIA asara na mbi aye so, ngbanga ti so sarango ye ti mbi ayeke mbirimbiri; lo sara nzoni na mbi, ngbanga ti so maboko ti mbi avuru.

Abia (Psaumes) 62:9

Ala azo, ala zia be ti ala lakue na ndö ti lo, ala fa tënë ti be ti ala na lo. Nzapa ayeke ndo so e yeke kpe daa ti bata tere ti e. Luti kete

Ésaïe 2:22

Ala zia be ti ala na ndö ti zo pepe! Fini ti lo ayeke gi pupu so ayeke sigigi na hon ti lo. Lo yeke nyen?

Ésaïe 20:5

Azo so azia be ti ala ando na ndö ti Etiopii, azo so ayeke pika kate ti ala ndali ti maboko so Ezipte ayeke mu na ala, fade kamene ayeke gbu le ti ala.”

Ésaïe 36:6

Baa, mo zia be ti mo na ndö ti Ezipte so ayeke tongana sosongo so afâ awe. Tongana zo agbu ni ti luti daa, ayeke kpo ya ti maboko ti lo. Faraon, gbia ti Ezipte ayeke nga tongaso ndali ti azo so kue azia be ti ala na ndö ti lo.

Ésaïe 59:15

Biani, taa-tënë ayeke daa mbeni pepe; tongaso, zo so ake ti sara sioni, azo ayeke nzi aye ti lo kue. *KOTA GBIA abaa aye so kue, aye ni ayeke sioni na le ti lo, fango ngbanga ti mbirimbiri ayeke daa pepe.

Jérémie 11:3

Fade mo yeke tene na ala: Tënë so KOTA GBIA, Nzapa ti Israel atene ayeke so: Deba aga na ndö ti zo so abata tënë ti ya ti mbuki so pepe!

Ezekiel 6:9

Azo so ayeke ngba na fini ayeke dabe ti ala na mbi kâ na popo ti amara nde, ndo so a gbu ala si a gue na ala daa. Azo ni ayeke dabe ti ala na lege so mbi sara si be ti ala afâ, be ti ala so ala mu na anzapa nde si ala ke mbi so. Ala yeke dabe ti ala nga na lege so mbi sara si le ti ala abuba, le ti ala so ala yeke baa na anzapa nde so. Tongaso, nzara ti aye ni ayeke sigigi na be ti ala ndali ti asioni ye so ala sara nga ndali ti aye so ala sara si zo alingbi ti baa na le ti lo fani use pepe so.

Osée 1:2

So ayeke tongo nda ti atënë so *KOTA GBIA azia na yanga ti Osée ti tene na azo ti lo laa. Lo tene na Osée: “Gue, mo mu mbeni wali-ndumba titene lo ga wali ti mo si lo du na mo amolenge ti ndumba. Biani, azo ti kodro ni ake KOTA GBIA; so sarango aye ti ndumba ti ala laa.”