Jérémie 17:4 - Mbeti ti Nzapa - Tënë so amu fini

⁴ Kodro so lani mbi mu na mo si aga ye ti mo, fade mo yeke do ni ti zia. Mbi yeke sara si mo ga ngbaa ti awato ti mo na ya ti mbeni kodro so mo hinga ni pepe. Biani, mo sara si wâ ti ngonzo ti mbi alondo; wâ ni ayeke gbi kpu na kpu.”

Jérémie 17:4 Iomraidhean Croise

1 Agbia 9:7

fade mbi yeke zi ala, azo ti Israel, na sese so mbi mu na ala. Kota da so mbi zia ni nde ndali ti mbi, fade mbi yeke bi ni yongoro na le ti mbi si azo ti Israel aga mbeni ye ti *mato nga na ye so azo kue ayeke he na ngia.

2 Agbia 25:21

Gbia ti Babilone afâ ngbanga ti kuâ na li ti ala si lo fâ ala na Ribla, na sese ti Hamat. Lege so a mu azo ti Juda ague na ala na kodro wande, yongoro na sese ti ala laa.

Néhémie 9:28

Me gi so ala wara lege ti duti na siriri awe, ala kiri ato nda ti sara siokpari so ake mo. Nilaa mo zia ala na maboko ti awato ti ala so asara komandema na ndö ti ala. Tongaso ala kiri atoto na mo si kâ na yayu, mo ma ala. Na lege ti kota nzoni be ti mo, mo zi ala fani mingi.

Ésaïe 14:3

Israel, na peko ti apasi so mo baa, na aye ti ngangu nde nde so asi na mo nga na ngangu kua ti ngbaa so lani a zia mo na gbe ni, mbeni lâ, *KOTA GBIA ayeke sara titene mo wu tere ti mo.

Ésaïe 30:33

A leke gba ti keke ti wâ kozoni awe; keke ni ayeke nga ndali ti gbia. Na ya ti du so akono si alinda mingi, a zia gba ti akeke angoro na ni ti tingo na wâ. Tongaso, pupu ti yanga ti KOTA GBIA so ayeke tongana *sufre so ayeke sua ayeke bi wâ daa.

Ésaïe 5:25

Ndani laa ngonzo ti *KOTA GBIA alondo tongana wâ na tere ti azo ti lo. Lo yo maboko ti lo na nduzu ti pika ala. Ahoto ayingi, kuâ ti azo ni alango na ndö ti lege tongana zende. Ataa so kue, ngonzo ti KOTA GBIA akai pepe, maboko ti lo angba gi na nduzu.

Ésaïe 50:11

Me ti ala so kue ayeke tingo wâ, ala so agbu ale ti kokora so wâ ayeke na yanga ni, ala gue na ya ti menga ti wâ ti ala ni nga na popo ti ale ti kokora so ala tingo wâ daa so. Ye so KOTA GBIA aleke ti ku na ala laa; ala yeke kui na ya ti kota pasi.

Ésaïe 66:24

Na sigingo ti ala, fade ala lingbi ti baa kuâ ti azo so atomboka na tere ti mbi. Angusu so ayeke te ala ayeke kui pepe; wâ so ayeke gbi ala ayeke mingo pepe. Ala yeke ga ye so ayeke sioni mingi ndali ti azo kue.

Jérémie 12:7

“Mbi do da ti mbi, mbi zia awe; ye so ayeke ti mbi, mbi ke ni awe. Mara so mbi ye lo na be ti mbi kue, mbi zia lo na maboko ti awato ti lo awe.

Jérémie 15:14

Fade mbi yeke sara si mo ga ngbaa ti awato ti mo na ya ti kodro so mo hinga ni pepe. Biani, wâ ti ngonzo ti mbi alondo awe; wâ ni ayeke gbi ti ga na ndö ti ala.”

Jérémie 16:13

Ndani laa, mbi yeke tumba ala na kodro so ti bi ala na ya ti mbeni kodro nde so ala hinga ni pepe; ataa akotara ti ala ahinga kodro ni so pepe. Kâ, bi na lâ, fade ala yeke voro anzapa nde. Biani, mbi yeke sara nzoni be na ala oko pepe.’ ”

Jérémie 18:23

Mo KOTA GBIA, mo hinga apialo so kue ala leke na tere ti mbi ti fâ mbi. Mo zi sioni na li ti ala pepe, sara si siokpari ti ala ahon na le ti mo pepe. Ayeke nzoni ala ti na sese na dawa ti mo. Na ndembe ti ngonzo ti mo, mo sara sana na ala.

Jérémie 2:14

“Israel ayeke ngbaa? A du lo ngbaa? Ndani nyen si lo ga tongana ngbaa so azo agbu lo na peko ti bira?

Jérémie 21:12

ala asewa ti David! Tënë so KOTA GBIA atene ayeke so: Lakue na ndaperere, ayeke nzoni ala fâ ngbanga mbirimbiri. Azo so ayeke te amba ti ala na mbana so, ala zi azo ni na maboko ti ala. Tongaso pepe, fade ngonzo ti mbi ayeke londo tongana wâ so ayeke gbi ye kue; zo alingbi ti mingo ni pepe. So ayeke futa ti asioni sarango ye ti ala laa.

Jérémie 22:28

Azo ayeke hunda ndo, atene: “Koli so, Konia so, lo yeke mbeni ta so ya ni afâ awe? So ti tene mbeni ta so zo alingbi ti sara na kua pepe? Lo ga mbeni ta so zo aye ni mbeni pepe? Ngbanga ti nyen si a tumba lo, lo na amolenge ti lo si a bi ala na ya ti mbeni kodro so ala hinga ni pepe so?”

Jérémie 5:19

Tongana ala tene: ‘KOTA GBIA Nzapa ti e asara ye so kue na e ngbanga ti nyen?’, fade mo yeke kiri tënë na ala, mo tene: Na ya ti kodro ti ala wani, ala zia mbi ti sara na anzapa ti awande. Ndani laa, fade ala yeke sara na awande na ya ti kodro so ayeke ti ala, azo ti Israel pepe.”

Jérémie 5:29

Fade mbi yeke ga na tere ti azo tongaso pepe? Ti mara ti azo tongaso, mbana alingbi na mbana pepe? So tënë ti yanga ti KOTA GBIA laa.

Jérémie 7:20

Ndani laa, tënë so Kota Gbia NZAPA atene ayeke so: “Fade mbi yeke tuku ngonzo ti mbi ti wâ na ndö ti gbata so, na ndö ti azo na anyama, na ndö ti akeke nde nde ti yaka na ale ti kobe so asigigi na sese. Ngonzo ti mbi ayeke duti tongana wâ so ayeke mingo pepe.”

Abia ti demango tere 1:12

Ala ga abaa, ala azo so kue ayeke hon na lege so, ayeke nzoni amara ti ye tongaso asi na ala pepe! Pasi ti mbi alingbi na pasi ti mbeni zo-oo? Pasi so KOTA GBIA azia mbi na ya ni so ayeke ngangu mingi; KOTA GBIA azia pasi ni na tere ti mbi na lango so ngonzo ti lo alondo tongana wâ.

Abia ti demango tere 5:2

Asese so ayeke ti e wani so, akiri aga ti awande. Ada ti lango ti e akiri aga ti azo so e hinga le ti ala laoko pepe.

Ezekiel 21:31

Tënë so mbi Kota Gbia NZAPA, mbi tene ayeke so: Fade a yeke zi bongo so a yeke kanga na li ti mo tongana kpoto, a yeke zi kpoto ti mo ti gbia. Ye kue ayeke ga nde! Asenge zo ayeke duti na kota ndo, akota zo ayeke ga asenge zo.

Ezekiel 7:24

Fade mbi yeke sara titene amara so ayeke sioni ahon ndoni aga amu ada ti ala. Mbi yeke kai baba ti angangu zo, awato ni ayeke sara si ando ti vorongo anzapa ti ala aga sioni.

Ndia ti fani use ni 28:25

Fade KOTA GBIA ayeke sara si awato ti ala akinda ala na ya ti bira. Tongana ala, azo ti Israel, ala mu lege oko ti ga ti tiri bira na ala, fade ala yeke mu alege nde nde ti kpe kirikiri na dawa ti awato ni. Fade kota mbeto ayeke gbu akodro-gbia ti sese ni na bango aye so asi na ala, azo ti Israel.