Jérémie 17:1 - Mbeti ti Nzapa - Tënë so amu fini

¹ “Tongana ti so a yeke de mbeti na wen na tere ti têne, wala na diaman so li ni ayeke tongana ti pondi, a su siokpari ti azo ti Juda legeoko tongaso na ndö ti be ti ala nga na tere ti adidi ti agbalaka ti ala.

Jérémie 17:1 Iomraidhean Croise

Amato 3:3

Ayeke nzoni mo zia ti sara nzoni be pepe, mo zia ti bata tënë ti yanga ti mo pepe; mo kanga ni na go ti mo tongana ye ti go, mo su ni na be ti mo tongana mbeti.

Amato 7:3

Kanga atënë so na ali ti maboko ti mo, su ni na be ti mo tongana mbeti.

Ésaïe 49:16

Baa, mbi kpaka iri ti mo na ya ti maboko ti mbi; agbagba ti bira ti mo ayeke na gbe ti le ti mbi lakue.

Jérémie 11:13

Biani, ala azo ti Juda, ala yeke na anzapa gbani gbani alingbi na wungo ti agbata ti ala. Kâ na Jérusalem, ala yeke na agbalaka gbani gbani ndali ti Kamene alingbi na wungo ti abalabala ti ya ti gbata ni, agbalaka so ala yeke ya *sandaga na ndö ni na *Baal.’

Jérémie 2:22

Ataa mo sukula tere ti mo na ngangu mokpakpa wa, ataa mo mu gba ti savon ti sukula na tere ti mo, sioni ti mo ayeke ngba na le ti mbi tongana mbeni sioni nzoroko. So tënë ti yanga ti Kota Gbia NZAPA laa.

Jérémie 31:33

So tënë ti yanga ti KOTA GBIA laa: Na peko ti alango ni so, mbuki so mbi na azo ti Israel e yeke sara ni ayeke so: mbi yeke su andia ti mbi taa na ya ti be ti ala, mbi yeke su ni na ndö ti be ti ala; mbi yeke duti Nzapa ti ala si ala yeke duti azo ti mbi.

Jérémie 4:14

“Jérusalem, tongana mo ye titene a soo mo, ayeke nzoni mo *sukula sioni na be ti mo. Sioni tënë ayeke ngba ande na be ti mo ngbii asi lawa?

Osée 12:11

Mbi tene tënë na awayanga-Nzapa, mbi sara si ala baa aye mingi na ya ti mbeni ye tongana bango-li. Na lege ti awayanga-Nzapa, mbi tene tënë na lege ti atoli.

Osée 7:2

Ala yeke tene na be ti ala pepe, atene: asioni ye so kue ala yeke sara so, mbi hinga ni pepe; fadeso asarango ye ti ala ni akanga ala mbage na mbage awe, aye ni kue ayeke na le ti mbi.

Osée 8:11

Azo ti Efraim akiri asara agbalaka gbani gbani ti zi siokpari ti ala, me agbalaka ni akiri amu lege na ala ti sara siokpari.

Awayango-sandaga 4:25

Wayango-sandaga ayeke yoro li ti maboko ti lo na ya ti mene ti koli-ngasa ni si lo yeke zia na tere ti adidi ti gbalaka so a yeke ya na ndö ni sandaga so a yeke gbi ni kue na wâ. Na pekoni, lo yeke tuku tanga ti mene ni na gere ti gbalaka ni.

Zakarii 7:12

Ala kiri akpengba be ti ala ngangu tongana diaman; ala ke ti ma atënë ti ndia na atënë ti KOTA GBIA; atënë so KOTA GBIA so ayeke na ndö ti dunia kue afa na ala na lege ti Yingo ti lo si akozo wayanga-Nzapa afa peko ni so. Tongaso ngonzo agbu KOTA GBIA mingi, lo so lo yeke na ndö ti dunia kue so.

2 Korente 3:3

Biani, ye ni ayeke na hondengo ni pepe: ala yeke tongana mbeti so Christ asu ni si e gue na ni na azo. A su mbeti ni na ngu ti sungo na mbeti pepe, me a su ni na Yingo ti Nzapa, lo so lo yeke na fini; a su ni na ndö ti têne pepe, me na ndö ti be ti azo.