Jérémie 16:9 - Mbeti ti Nzapa - Tënë so amu fini

⁹ Biani, tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Na ndo so, mbi yeke kai bia ti azo so tere ti ala anzere, bia ti azo so ayeke na ngia nga na bia ti koli na wali so amu tere fini fini. Mbi yeke sara ni na gbe ti le ti ala, na ndembe so ala ngba na fini.’

Jérémie 16:9 Iomraidhean Croise

Abia (Psaumes) 78:63

Wâ agbi amaseka-koli ti ala; ti amaseka-wali, zo oko akiri ahe bia ti gondango na ala pepe.

Jérémie 25:10

Mbi yeke zi na popo ti ala bia ti azo so tere ti ala anzere, bia ti azo so ayeke na ngia nga na bia ti koli na wali so amu tere fini fini; mbi yeke zi na popo ti ala toto ti têne ti nikango na ye nga na wâ ti lamba.

Jérémie 7:34

Mbi yeke kai ngia ti azo na ya ti agbata ti Juda nga na ndö ti alege ti Jérusalem; mbi yeke kai nzerengo tere ti azo so ayeke he bia; mbi yeke kai bia ti koli na wali so ayeke sara matanga ti mungo tere. Biani, ngia ti ala ni ayeke kai, ngbanga ti so kodro ni abuba kue.

Ezekiel 12:25

Biani, mbi yeke KOTA GBIA; tënë so mbi yeke tene, peko ni ayeke ninga pepe ti ga taa-tënë. Ala azo ti mara ti ngangu li so, na ndembe so ala de na fini, mbi yeke sara aye so kue mbi tene tënë ni. So tënë ti yanga ti Kota Gbia NZAPA laa.”

Ezekiel 26:13

Mbi yeke kai abia ti mo; zo ayeke kiri ti ma go ti akundi ti mo pepe.

Osée 2:11

Ndani laa, na ngoi ti fango ale ti kobe, fade mbi yeke ga ti zi na maboko ti lo aye so kue mbi mu na lo: ale ti ble na fini vin; mbi yeke zi na tere ti lo bongo so a sara na kua ti tere ti taba, na bongo ti len so ahonde fade tere ti lo so ayeke ndumbu so.