Jérémie 16:5 - Mbeti ti Nzapa - Tënë so amu fini

⁵ Biani, tënë so KOTA GBIA atene ayeke so: “Da so azo abongbi daa ti toto kuâ, mo li na ya ni pepe. Mo gue ti toto kuâ pepe, mo kangbi vundu ti azo ni pepe, ngbanga ti so siriri so mbi mu na ala, mbi zi ni awe; nzoni be so mbi sara na ala nga na bango mawa ti ala, mbi zi ni awe; so tënë ti yanga ti KOTA GBIA laa.

Jérémie 16:5 Iomraidhean Croise

Abia (Psaumes) 25:6

KOTA GBIA, dabe ti mo na nzoni be ti mo, nga na ndoye ti mo so mo to nda ni giriri.

Ésaïe 27:11

Tongana amaboko ti keke ahole, a yeke fâ ni si awali ayeke ga ti ro ni ti sara na wâ. Biani, azo so ahinga ndo pepe. Ndani laa lo so lo sara ala abaa mawa ti ala pepe, lo so lo sara ala azi tënë na li ti ala pepe.

Jérémie 12:12

Na ndö ti alege so kue ayeke na benyama, azo ti bubango ye ayeke ga. Yongoro zeme ti KOTA GBIA ayeke fâ aye, ti londo na mbeni yanga ti kodro asi na mbeni yanga ni; zo oko ayeke na siriri mbeni pepe.

Jérémie 13:14

Mbi yeke pika ala na tere ti tere titene ya ti ala akungbi, mbi yeke pika ababâ na amolenge na tere ti tere; so tënë ti yanga ti KOTA GBIA laa. Mbi yeke zia zo oko pepe, mbi yeke sara nzoni be na zo oko pepe, mbi yeke baa mawa ti zo oko pepe. Mbeni ye oko ayeke kanga lege na mbi pepe ti fâ ala kue ti hunzi ala.’ ”

Jérémie 16:13

Ndani laa, mbi yeke tumba ala na kodro so ti bi ala na ya ti mbeni kodro nde so ala hinga ni pepe; ataa akotara ti ala ahinga kodro ni so pepe. Kâ, bi na lâ, fade ala yeke voro anzapa nde. Biani, mbi yeke sara nzoni be na ala oko pepe.’ ”

Abia ti demango tere 3:17

Lo sara si siriri akpe mbi biani; mbi girisa anzerengo ye ti dunia kue awe.

Zakarii 8:10

Kozoni, zo ayeke wara futa ti kua ti lo pepe, nyama ayeke wara nga futa ti kua ti lo pepe. Ndali ti awato, azo alingbi ti fono na siriri pepe. Biani, mbi zia zo oko oko ti tiri na mba ti lo.

Ndia ti fani use ni 31:17

Ndani laa, fade ngonzo ti mbi ayeke londo na tere ti ala tongana wâ na lango ni so. Mbi yeke zia ala, mbi yeke honde le ti mbi na ala. Tongaso, fade amara nde ayeke te ala kue, akpale mingi na aye ti ngangu mingi ayeke si na ala, azo ti Israel si ala yeke tene: ‘Akpale so kue asi na e, ngbanga ti so Nzapa ti e ayeke na popo ti e mbeni pepe!’

Aye so Nzapa afa 6:4

Tongaso, mbeni mbarata ni asigigi, tere ti lo abe tongana wâ. A mu ngangu na zo so aduti na ndö ti mbarata ni ti zi siriri na ndö ti sese titene azo afâ tere na popo ti ala. A mu nga na lo yongoro zeme.