Jérémie 16:4 - Mbeti ti Nzapa - Tënë so amu fini

⁴ Fade ngangu kobela ayeke fâ ala; zo ayeke toto kuâ ti ala pepe, zo ayeke lu nga kuâ ti ala pepe. Me ala yeke ga tongana puru na ndö ti sese. Fade bira na nzara ayeke fâ ala si kuâ ti ala ayeke ga kobe ti andeke ti nduzu na ti anyama ti sese.”

Jérémie 16:4 Iomraidhean Croise

2 Agbia 9:10

Ti Yezabel, fade ambo ayeke te kuâ ti lo na yaka ti Yizreel; fade zo ti lungo kuâ ti lo ayeke duti daa pepe.’ ” Na pekoni, wayanga-Nzapa ni azi yanga ti da si lo kpe, lo hon.

Abia (Psaumes) 78:64

A fâ awayango-sandaga na yanga ti bira, awali-mua atoto kuâ pepe.

Abia (Psaumes) 83:10

Sara na ala tongana ti so mo sara na Madian, tongana ti so mo sara na Sisra nga na Yabin na yanga ti ngu ti Kishon.

Ésaïe 18:6

Fade a yeke do aye so kue ti zia na *angoalo ti li ti hoto nga na asioni nyama ti ngonda. Angoalo ni ayeke gue ti duti kâ na ngoi ti ndo-wâ; asioni nyama ni ayeke gue ti duti kâ na ngoi ti de.

Ésaïe 5:25

Ndani laa ngonzo ti *KOTA GBIA alondo tongana wâ na tere ti azo ti lo. Lo yo maboko ti lo na nduzu ti pika ala. Ahoto ayingi, kuâ ti azo ni alango na ndö ti lege tongana zende. Ataa so kue, ngonzo ti KOTA GBIA akai pepe, maboko ti lo angba gi na nduzu.

Jérémie 19:7

Na ndo so, fade mbi yeke sara si poroso ti azo ti Juda na ti Jérusalem aga senge senge ye. Mbi yeke sara si ala ti na gbe ti awato ti ala si awato ni afâ ala na ya ti bira, awato ti ala ni ayeke baa mawa ti ala oko pepe. Mbi yeke sara si kuâ ti ala aga kobe ndali ti andeke ti nduzu na anyama ti sese.

Jérémie 21:6

Fade mbi yeke fâ azo ti gbata so, ala na anyama ti ala kue; ala yeke kui kuâ ti sioni kobela ti bubango kodro.

Jérémie 25:33

Na lango ni so, azo so KOTA GBIA afâ ala, kuâ ti ala ayeke lango na sese, ti londo na yanga ti sese asi na mbeni yanga ni; a yeke toto kuâ ti azo ni pepe; a yeke ro akuâ ti ala pepe, a yeke lu ni pepe. Akuâ ni ayeke ga tongana puru na ndö ti sese.

Jérémie 34:17

“Baa, tënë so KOTA GBIA atene ayeke so: Ala oko oko kue alingbi fade ti to mbela titene a zi a-ita ti ala na amba ti ala na gbe ti ngbaa; me ala ma yanga ti mbi pepe. Ndani laa, mbi KOTA GBIA, mbi to mbela titene a zi lege na bira, na sioni kobela ti bubango kodro nga na nzara ti ga na tere ti ala; so tënë ti yanga ti KOTA GBIA laa. Fade akodro-gbia kue ti sese ayeke do na kota mbeto na bango ala.

Jérémie 34:20

fade mbi yeke zia ala na maboko ti awato ti ala, azo so aye gi kuâ ti ala. Kuâ ti ala ayeke ga kobe ti andeke ti nduzu na ti anyama ti sese.

Jérémie 36:30

Tongaso, tënë so KOTA GBIA atene na tere ti Yoakim, gbia ti Juda ayeke so: Fade mbeni zo oko ti sewa ti lo ayeke duti pepe na ndö ti mbata ti gbia David. Kuâ ti lo ayeke lango na gigi na gbe ti sungo ti lâ nga na ya ti de ti bi.

Jérémie 44:12

Mbi yeke mu tanga ti azo ti Juda so angba si ala ye ti gue na Ezipte ti honde tere ti ala kâ, fade ala yeke kui kue. Na ya ti kodro so laa ala yeke kui kuâ ti bira wala ti kota nzara, ti londo na akete zo asi na akota zo. Biani, fade ala yeke kui na lege ti bira na kota nzara; ala yeke ga tapande ndali ti azo so ayeke deba amba ti ala; ala yeke ga ye ti dongo be, ye ti dengo ba na ye ti ziango kamene na le ti zo.

Jérémie 44:27

Fade le ti mbi ayeke kpengba na ndö ti ala ti sara sioni na ala, me ti sara nzoni pepe. Azo ti Juda so kue ayeke na kodro ti Ezipte, fade ala yeke kui na lege ti bira na kota nzara ngbii, ala hunzi kue.

Jérémie 7:33

Fade kuâ ti azo ni ayeke ga kobe ti andeke ti nduzu na ti anyama ti sese; zo ti ga ti tumba ala na tere ti kuâ ni ayeke daa pepe.

Jérémie 9:22

Tënë so KOTA GBIA atene ayeke so: “Ayeke nzoni zo ti ndara agonda tere ti lo pepe ndali ti ndara so lo yeke na ni! Ayeke nzoni zo ti ngangu agonda tere ti lo pepe ndali ti ngangu so lo yeke na ni! Ayeke nzoni zo ti mosoro agonda tere ti lo pepe ndali ti mosoro so lo yeke na ni!

Abia ti demango tere 4:9

Ala so akui kuâ ti bira, pasa ti ala ahon ti ala so akui na nzara. Ala yeke kui gi yeke-yeke ngbii ala hunzi kue, ngbanga ti so ala wara mbeni ye ti te pepe.

Ezekiel 24:21

Tene na azo ti Israel, mo tene: Tënë so Kota Gbia NZAPA atene ayeke so: Mbi yeke sara si ndo so a zia ni nde ndali ti mbi aga sioni. Andaa da ti mbi ni ayeke ye so ala yeke pika kate ti ala ndali ni, ye so apendere na le ti ala, ye so ala zia be ti ala daa ndali ti fini ti ala. Amolenge ti ala ti koli na ti wali so ala zia ala na Jérusalem, fade a yeke fâ ala na yongoro zeme.

Ezekiel 5:12

Fade a yeke kangbi ya ti ala ota: kozo kangbi ni ayeke kui ande na sioni kobela ti bubango kodro nga na kota nzara taa na ya ti gbata ni; use kangbi ni ayeke kui kuâ ti yongoro zeme na tere ti gbata ni. Fade mbi yeke kangbi tanga ti azo ni kirikiri na ndo kue si mbi yeke gboto yongoro zeme ti mbi ti tumba peko ti ala.

Sofonii 1:17

“Fade mbi yeke sara titene ye ti ngangu aga na ndö ti azo, ala yeke tatara ndo tongana awaziba, ngbanga ti so ala sara siokpari ti ke mbi KOTA GBIA. Fade a yeke tuku mene ti ala tongana fuku ti sese, a yeke tuku kuâ ti ala tongana zende.”

Ndia ti fani use ni 28:22

Fade KOTA GBIA ayeke sara si ala nge ngengo na nduzu; lo yeke tokua kobela ti wâ, kobela ti sukungo tere; aye ayeke gbi tere ti ala. Lo yeke tokua sioni buru; akobela ayeke sara gere ti akobe ti ala na yaka si akobe ni ayeke fun si ahole. Asioni ye so ayeke si ngbii ala hunzi kue.

Ndia ti fani use ni 28:26

Akuâ ti ala, azo ti Israel, ayeke ga kobe ti andeke ti nduzu na ti anyama ti sese; zo oko ti ga ti tumba anyama ni ayeke daa pepe.