Jérémie 16:16 - Mbeti ti Nzapa - Tënë so amu fini

¹⁶ “So tënë ti yanga ti KOTA GBIA laa: Mbi yeke tokua gba ti azo ti gingo susu ti gbu azo ni tongana ti so zo ayeke gbu susu. Na pekoni, mbi yeke tokua gba ti azo ti gingo nyama ti gi azo ni na ndö ti akota hoto kue, na ndö ti akete hoto kue nga na ya ti adu ti têne tongana ti so zo ayeke gi nyama.

Jérémie 16:16 Iomraidhean Croise

Tongo nda ti aye 10:9

Lo yeke mbeni ngangu zo ti gingo nyama na dawa ti KOTA GBIA. Ndani laa, azo ayeke tene ka, atene: “Mo yeke tongana Nemrod, ngangu zo ti gingo nyama na dawa ti KOTA GBIA!”

Ésaïe 2:21

Na ngoi so lo yeke londo ti zia mbeto na be ti azo ti sese so, ala yeke li na ya ti adu ti têne nga na popo ti atêne so ya ni asuru, ti kpe kota ngonzo ti KOTA GBIA nga na gonda ti lo so ayeke kota ahon ndoni.

Ésaïe 7:19

Ala yeke ga si ala kue ayeke duti na popo ti ahoto so têne ayeke daa, na popo ti atêne so asuru, na popo ti akeke so agbu tere nga na ando so kue anyama ayeke te pere daa.

Jérémie 25:9

mbi yeke tokua titene a gi amara ti mbage ti Banga kue, so tënë ti yanga ti KOTA GBIA laa. Mbi yeke iri zo ti kua ti mbi Nabukodonosor, gbia ti Babilone, titene lo ga. Mbi yeke sara titene azo ni aga atuku na ndö ti kodro so; ala ga na tere ti azo ti kodro ni nga na tere ti amara so kue angoro kodro ni. Mbi yeke hunzi ala na amara ni kue. Mbi yeke sara si kodro ni ati biani biani si aga ye ti dongo be. Na bango kodro ni, fade azo ayeke huru yanga ti ala; so tënë ti yanga ti KOTA GBIA laa.

Jérémie 4:29

Azo ti agbata kue ama wuluwulu ti azo ti kpengo na mbarata; ala ma dekongo ti azo ti pikango kokora si ala kpe ahon; ala li na ya ti agbako, ala ma na li ti akota têne. Ya ti agbata ni kue angba senge, zo oko ayeke na ya ni mbeni pepe.

Jérémie 49:5

Mbi yeke sara titene kota mbeto aga na ndö ti mo; mbeto ni ayeke londo mbage na mbage kue si aga na ndö ti mo; so tënë ti yanga ti Kota Gbia NZAPA so ayeke na ndö ti dunia kue laa. Fade ala yeke kangbi kirikiri si zo oko oko akpe, lo baa ndo na peko pepe. Azo so ayeke kpe, zo oko ti bongbingo ala ayeke daa pepe.

Jérémie 6:9

Tënë so *KOTA GBIA so ayeke na ndö ti dunia kue atene ayeke so: “Tongana ti so a yeke ro ale ti *vinye so angba na ya ti keke, ayeke nzoni ala ro azo ti Israel so angba na fini so. Ala gi ndo mbirimbiri tongana ti so zo ti kongo ale ti vinye ayeke gi ndo na tere ti amaboko ti keke ti vinye.”

Abia ti demango tere 4:18

Awato ti e ayeke gi peko ti e gingo; e lingbi ti fono senge na le ti kodro pepe. E ga nduru ti kui awe, lango ti e alingbi awe; biani, ti e ahunzi awe!

Abia ti demango tere 4:19

Awato ti e so ayeke tumba peko ti e, ala kpe loro ngangu ahon *ngoalo so ayeke huru na le ti nduzu. Ala tumba peko ti e na ndö ti ahoto; na benyama, ala honde tere ti ala ti ku e.

Osée 10:10

KOTA GBIA atene: “Fade mbi yeke pika ala tongana ti so be ti mbi aye; gba ti amara ayeke bongbi na ndö ti ala ti tiri bira na ala ndali ti asioni use so ala sara.

Amos 4:2

*KOTA GBIA adeba yanga ti lo, atene: “Na iri ti mbi so ayeke nde si ayeke nzoni kue, baa alango ayeke ga so a yeke gboto ala na yango ti hon na ala, a yeke gboto ala oko oko kue ti hon na ala tongana susu so akpo lo na likongo.

Amos 5:19

Lango ni ayeke duti tongana lango ti mbeni zo so akpe bamara si lo gue, lo tengbi na ze; na pekoni, zo ni asi na da ti lo, lo zia maboko ti lo na tere ti dere ti da si ngbo ate lo.

Mishe 7:2

Azo so abata be ti ala na Nzapa ayeke na ya ti kodro ni mbeni pepe. Mbeni zo ti mbirimbiri oko ayeke na popo ti azo ti kodro ni pepe. Azo kue ayeke gi gi lege ti fâ amba ti ala; zo oko oko ayeke gi lege titene mba ti lo ati na ya ti gbanda.

Sofonii 1:12

Na ngoi ni so, fade mbi yeke mu lamba ti gi ndo na ya ti gbata ti Jérusalem; mbi yeke ga na tere ti azo so ayeke duti senge senge na ndö ti mosoro ti ala so; ala yeke tene na be ti ala, atene: ‘KOTA GBIA alingbi ti sara mbeni ye oko pepe, ataa nzoni ye wala sioni ye!’

1 Samuel 24:11

Laso, mo baa na le ti mo wani awe; laso KOTA GBIA azia mo na maboko ti mbi na ya ti du ti têne so. Azo atene na mbi ti fâ mo, me mbi ke si mbi tene: ‘Maboko ti mbi alingbi ti ndu kota zo ti mbi pepe, ngbanga ti so KOTA GBIA atuku mafuta na li ti lo awe.’

1 Samuel 26:20

Fadeso mbi ye titene mene ti mbi atuku na sese yongoro na le ti KOTA GBIA pepe. Gbia ti Israel amu azo na tere ti lo ti tumba peko ti buba mandere tongana ti so azo ayeke tumba peko ti dodoro na li ti ahoto so.”