Jérémie 15:8 - Mbeti ti Nzapa - Tënë so amu fini

⁸ Mbi sara si awali-mua ti ala akiri aga gbani gbani tongana mbutu ti yanga ti kota ngu-ingo. Taa na kota lâ, mbi tokua mbeni zo ti bingo kpale ti ga na ndö ti mama ti ngangu zo ti bira. Gi hio tongaso, mbi bi na ndö ti lo kota ye ti vundu na ye ti mbeto.

Jérémie 15:8 Iomraidhean Croise

Ésaïe 3:25

Jérusalem, fade akoli ti mo ayeke kui kuâ ti yongoro zeme, akpengba turugu ti mo ayeke kui na ya ti bira.

Ésaïe 3:26

Na ya ti gbata ni kue, gi demango tere na totongo akuâ. Gbata ni aga tongana wali so aye ti lo kue agirisa si lo yeke duti na sese.

Ésaïe 4:1

Na lango ni so, fade awali mbarambara ayeke gbu koli oko si ala tene na lo, atene: “E wani, e yeke gi kobe ti yanga ti e; e wani, e yeke vo bongo ti yungo ti e. Me e hunda gi ye oko: mo zia iri ti mo na ndö ti e ti zi kamene na le ti e.”

Jérémie 16:3

Biani, tënë so KOTA GBIA atene ndali ti amolenge-koli na amolenge-wali so fade a yeke du ala na ya ti kodro so, nga ndali ti ababâ na amama so adu amolenge ni na ya ti kodro ni ayeke so:

Jérémie 18:21

Ndani laa, mo zia amolenge ti ala akui na nzara. Mo sara si ala wani akui na lege ti yongoro zeme. Ayeke nzoni awali ti ala aga awali-mua si amolenge ti ala akui. Ayeke nzoni kuâ amu akoli ti ala si amaseka-koli ti ala akui na ya ti bira.

Jérémie 22:7

Mbi yeke tokua azo ti ga na tere ti mo, ala yeke ga ti buba aye ti mo kue; zo oko oko ayeke ga na ye ti bira ti lo. Angbongboro pendere keke ti sedre ti mo so, ala yeke de ni na sese si ala bi na le ti wâ.

Jérémie 4:16

Ala dabe ti amara nde na tënë so; ala sara titene azo ti Jérusalem ahinga tënë ni: azo alondo na mbeni kodro yongoro, ala ga ti mu gbata ni na bira. Ala yeke dekongo ti bira si ala yeke ga na tere ti agbata ti Juda.

Jérémie 5:6

Ndani laa fade abamara ti gbako ayeke gbu ala, ambo ti benyama ayeke suru ya ti ala. Aze ayeke ku ala na tere ti agbata ti ala. Azo so kue alondo na ya ti agbata ni ti sigigi, aze ni ayeke gbu ala si ayeke suru ya ti ala, ngbanga ti so ala sara ngangu li ahon ndoni; ala sara aye gbani gbani so ake Nzapa.

Jérémie 6:26

“Ala azo ti mbi, ayeke nzoni ala yu bongo ti mua, ala rule tere ti ala na ya ti fuku ti sese, ala sara aye so kue zo ayeke sara na ngoi ti mua, ala toto na ngu ti le tongana ti so zo ayeke toto ndali ti oko molenge ti lo ti koli so akui. Biani, gi hio tongaso, wato ayeke ga ti hunzi e kue!”

Abia ti demango tere 5:3

E yeke anyindu, ababâ ti e ayeke daa mbeni pepe; amama ti e ayeke tongana awali-mua.

Ezekiel 22:25

Awayanga-Nzapa ti gbata ti ala ayeke ma tere na hondengo ni. Ala yeke tongana bamara so atoto si ayeke suru ya ti nyama so lo gbu. Awayanga-Nzapa ni ayeke fâ azo, ala yeke nzi amosoro na anzoni ye ti azo; ala sara si awali mingi aga awali-mua na ya ti gbata ni.

Osée 4:5

Na kota lâ, fade mo yeke pika gere ti mo ti ti, na bi, mo na wayanga-Nzapa ayeke pika gere ti ala ti ti; mbi yeke sara si mama ti mo akui.

Nzoni Tënë so Luc asu na mbeti 21:35

tongana ti so gbanda ayeke gbu nyama. Biani, lango ni so ayeke si ti wara azo ti sese kue tongana ti so gbanda ayeke gbu nyama.