Jérémie 15:13 - Mbeti ti Nzapa - Tënë so amu fini

¹³ “Mo Juda, anzoni ye ti mo na amosoro ti mo, mbi yeke mu azo titene ala gbu ahon na ni, fade mo yeke wara ye oko na peko ni pepe. So ayeke ye ti peko ti asioni ye ti mo kue laa, asioni so kue mo sara na ndö ti sese ti mo mobimba.

Jérémie 15:13 Iomraidhean Croise

Abia (Psaumes) 44:12

Mo zia e na maboko ti ala tongana ataba ti fango ni; mo kangbi e kirikiri na popo ti amara nde.

Ésaïe 52:3

Biani, tënë so *KOTA GBIA atene ayeke so: “Lani so a ka ala tongana angbaa, a futa mbeni ye pepe; fade a yeke futa nginza nga pepe ti zi ala.”

Ésaïe 52:5

Fadeso, nyen laa mbi yeke wara na peko ni, nyen? A mu azo ti mbi a gue na ala na ngbaa, a futa mbeni ye pepe. Azo so asara komandema na ndö ti ala adekongo ti songo benda – so tënë ti yanga ti KOTA GBIA laa. Lakue, ala yeke zonga iri ti mbi.

Jérémie 15:8

Mbi sara si awali-mua ti ala akiri aga gbani gbani tongana mbutu ti yanga ti kota ngu-ingo. Taa na kota lâ, mbi tokua mbeni zo ti bingo kpale ti ga na ndö ti mama ti ngangu zo ti bira. Gi hio tongaso, mbi bi na ndö ti lo kota ye ti vundu na ye ti mbeto.

Jérémie 17:3

Mo, mara ti Juda, mo so mo yeke voro anzapa nde na ndö ti ahoto nga na yaka so, fade mbi yeke zia azo titene ala ga agbu anzoni ye ti mo na amosoro ti mo kue; ala yeke gbu aye na ando so mo leke na nduzu. Mbi yeke sara ye ni ndali ti asioni ye so mo sara na sese ti mo kue.

Jérémie 20:5

Amosoro ti gbata ni kue, aye ti peko ti kua ti azo ti gbata ni, aye ti ala ti ngangu ngere nga na amosoro kue ti agbia ti Juda, mbi yeke zia ni na maboko ti awato ti ala. Awato ni ayeke nzi aye ni si ala yeke ro ti gue na ni na Babilone.

Ezekiel 38:13

Azo so alango na Saba nga na Dedan, azo ti dengo buze ti Tarsis na agbata so ayeke na tere ni ayeke hunda ande mo, atene: ‘Mo ga ti gbu aye? Mo ga ti nzi ye laa mo bongbi aturugu ti mo so? Mo ga ti mu wen ti nginza na lôro, anyama nga na amosoro; mo ye ti gbu gba ti aye na peko ti bira ti gue na ni?’

Sofonii 1:13

Fade a yeke nzi amosoro ti ala, a yeke buba ada ti ala; ala yeke sara ada, me ala yeke lango na ya ni pepe; ala yeke fâ ayaka ti *vinye, me ala yeke nyon vin ni pepe.”