Jérémie 15:1 - Mbeti ti Nzapa - Tënë so amu fini

¹ *KOTA GBIA atene na mbi: “Ataa Moïse na Samuel aluti fade na dawa ti mbi ti sambela ndali ti mara so, ka tënë ti azo ti mara so ayeke so be ti mbi oko pepe. Mo tumba azo ni na dawa ti mbi, ala hon!

Jérémie 15:1 Iomraidhean Croise

Tongo nda ti aye 19:27

Na ndaperere so ndo angba kâ, Abraham alondo si lo gue na ndo so lo luti fade daa na le ti KOTA GBIA so.

2 Agbia 17:20

Ndani laa KOTA GBIA ake azo ti Israel kue; lo zia kamene na le ti ala, lo zia ala na maboko ti azo so ayeke gbu ye ti azo na ngangu. Na ndani, lo tumba ala yongoro na tere ti lo.

Abia (Psaumes) 106:23

Nilaa Nzapa atene, fade lo yeke fâ ala ti hunzi ala, me Moïse, zo so lo soro lo, aluti na le ti Nzapa ti sara si ngonzo ti lo akai si lo fâ ala pepe.

Abia (Psaumes) 99:6

Moïse na Aaron ayeke ando na popo ti awayango-sandaga ti lo; Samuel ayeke ando na popo ti azo so adi iri ti KOTA GBIA si lo yeke kiri tënë na ala.

Amato 14:35

Be ti gbia anzere na zo ti kua so ahinga kua ti lo; me lo yeke sara ngonzo na tere ti zo ti kua so azia kamene na le ti lo.

Jérémie 10:18

Biani, tënë so KOTA GBIA atene ayeke so: “Ti fadeso, mbi yeke bi azo ti kodro ni yongoro, tongana ti so a yeke bi ye na *mvingi; mbi yeke pete ala mbage na mbage si ala kpe ahon pepe.”

Jérémie 11:14

Ti mo Jérémie, mo sambela ndali ti azo so pepe, mo sambela wala mo voro tere ti mo na mbi ndali ti ala pepe, ngbanga ti so fade mbi yeke ma ni pepe, tongana ye ti ngangu asi na ala si ala iri mbi ti mu maboko na ala.”

Jérémie 14:11

KOTA GBIA atene na mbi: “Mo sambela mbi ndali ti nzoni ti azo so pepe.

Jérémie 14:12

Ataa ala ke kobe, fade mbi yeke ma dema ti ala pepe. Ataa ala ya na mbi asandaga so a yeke gbi ni kue na wâ nga na asandaga ti ale ti kobe, ayeke nzere na be ti mbi pepe. Me mbi yeke hunzi ala na lege ti bira, na lege ti nzara nga na lege ti sioni kobela ti bubango kodro.”

Jérémie 15:19

Ndani laa, tënë so KOTA GBIA atene ayeke so: “Tongana mo kiri na mbage ti mbi, fade mbi yeke kiri na mo na kua ti mbi. Tongana mo yeke tene anengo tënë, me abuba tënë pepe, fade mo yeke duti zo ti tenengo peko ti atënë ti yanga ti mbi. Alingbi azo ti Juda laa akiri na mbage ti mo; me ayeke ti mo ti gue na mbage ti ala pepe.

Jérémie 16:13

Ndani laa, mbi yeke tumba ala na kodro so ti bi ala na ya ti mbeni kodro nde so ala hinga ni pepe; ataa akotara ti ala ahinga kodro ni so pepe. Kâ, bi na lâ, fade ala yeke voro anzapa nde. Biani, mbi yeke sara nzoni be na ala oko pepe.’ ”

Jérémie 16:5

Biani, tënë so KOTA GBIA atene ayeke so: “Da so azo abongbi daa ti toto kuâ, mo li na ya ni pepe. Mo gue ti toto kuâ pepe, mo kangbi vundu ti azo ni pepe, ngbanga ti so siriri so mbi mu na ala, mbi zi ni awe; nzoni be so mbi sara na ala nga na bango mawa ti ala, mbi zi ni awe; so tënë ti yanga ti KOTA GBIA laa.

Jérémie 18:20

Zo ayeke kiri sioni ndali ti nzoni? Awato ti mbi ni asara kuku ti gbu na mbi. KOTA GBIA, mo dabe ti mo so mbi laa mbi luti na le ti mo ti tene na mo nzoni tënë ndali ti ala titene mo zia ti sara ngonzo na tere ti ala.

Jérémie 22:28

Azo ayeke hunda ndo, atene: “Koli so, Konia so, lo yeke mbeni ta so ya ni afâ awe? So ti tene mbeni ta so zo alingbi ti sara na kua pepe? Lo ga mbeni ta so zo aye ni mbeni pepe? Ngbanga ti nyen si a tumba lo, lo na amolenge ti lo si a bi ala na ya ti mbeni kodro so ala hinga ni pepe so?”

Jérémie 23:39

fade mbi yeke yo ala na ndö ti go ti mbi tongana nengo kungba si mbi yeke bi ala yongoro, ala na gbata so mbi mu ando na ala nga na akotara ti ala.

Jérémie 35:19

Ndani laa, tënë so KOTA GBIA so ayeke na ndö ti dunia kue, Nzapa ti Israel atene ayeke so: Na ya ti sewa ti Yonadab, molenge ti Rekab, fade mbeni zo ayeke duti daa lakue ti luti na dawa ti mbi.”

Jérémie 52:3

Akpale so aga na ndö ti Jérusalem nga na ndö ti Juda ndali ti ngonzo ti KOTA GBIA; ye so asara si lo tumba ala yongoro na tere ti lo. Sedesias atomboka na tere ti Nabukodonosor, gbia ti Babilone.

Jérémie 9:19

Ala awali, ayeke nzoni ala ma tënë so KOTA ayeke tene na ala; ala zi mê ti ala mbirimbiri ti ma tënë so lo yeke tene na ala. Ala fa na amolenge ti ala ti wali abia ti demango tere; ala awali, ala oko oko kue afa abia ti totongo kuâ na amba ti ala.

Ezekiel 14:14

Ataa akoli ota so, Noe, Daniel na Job ayeke fade na popo ti azo ti kodro ni, mbirimbiri ti ala ayeke soo gi fini ti ala wani. So tënë ti yanga ti Kota Gbia NZAPA laa.

Ezekiel 22:30

Mbi gi mbeni zo na popo ti ala titene lo leke gbagba ti bata na kodro ni, ti luti na dawa ti mbi na ndo so du akoro daa na tere ti gbagba ni; tongaso si mbi buba kodro ni pepe; me mbi wara zo oko pepe.

Osée 9:15

“Na Gilgal laa asioni ti ala kue asigigi polele; kâ laa be ti mbi ake ala. Ndali ti asioni sarango ye ti ala, fade mbi yeke tumba ala na da ti mbi, mbi yeke kiri ti ye ala pepe; amakonzi ti ala kue ayeke azo ti ngangu li.

Zakarii 3:3

Andaa Yeshua ayu bongo ti sarate si lo yeke luti na dawa ti ange ni.

Ndia ti fani use ni 9:26

Mbi sambela lo, mbi tene: “Kota Gbia NZAPA, mo fâ azo ti mo kue pepe, ala ga ye ti mo awe; mo zi ala na lege ti kota ngangu ti mo, mo sara si ala sigigi na Ezipte na lege ti ngangu ti maboko ti mo.

Ahebro 9:24

Da ti Nzapa so azo aleke ni lani na maboko ti ala so, ayeke gi limo ti taa ndo ti nzoni kue. Da so azo aleke ni, ni laa Christ ali lani na ya ni pepe, me lo li na yayu si lo luti na le ti Nzapa ndali ti nzoni ti e.

Awafango-ngbanga 5:9

Be ti mbi ayeke na ndö ti amakonzi ti Israel, na ndö ti azo so alondo na be ti ala wani ti gue na bira. Ayeke nzoni ala mu singila na KOTA GBIA!

1 Samuel 12:19

Azo ni kue atene na Samuel: “Sambela KOTA GBIA, Nzapa ti mo ndali ti e azo ti gbe ti mo si e kui pepe. Biani, na ndö ti asiokpari so kue e sara, e kiri e zia mbeni na ndö ni na lege ti so e hunda mbeni gbia.”

1 Samuel 12:23

Ti mbi, fade mbi yeke sambela KOTA GBIA lakue ndali ti ala; mbi yeke ngba ti fa na ala nzoni lege nga na lege so ayeke mbirimbiri. Tongana mbi sara tongaso pepe, andaa mbi sara sioni mingi na KOTA GBIA.

1 Samuel 7:9

Samuel amu kete taba so angba ti nyon me si lo mu na *sandaga so a yeke gbi ni kue na wâ na KOTA GBIA. Samuel avoro KOTA GBIA ndali ti azo ti Israel. KOTA GBIA ama lo.