Jérémie 14:7 - Mbeti ti Nzapa - Tënë so amu fini

⁷ “Tongana asioni ti e ayeke bi tënë na li ti e, ayeke nzoni KOTA GBIA, mo sara mbeni ye ndali ti iri ti mo. Biani, e zia mo fani mingi; e sara sioni so ake mo.

Jérémie 14:7 Iomraidhean Croise

Esdras 9:15

KOTA GBIA, Nzapa ti Israel, mo yeke mbirimbiri! Laso, mo sara si ambeni zo na popo ti e angba na fini. Baa, e laa na gbe ti mo na asioni ye ti e na li ti e so! Ndali ti aye tongaso, zo oko alingbi ti luti fade na le ti mo pepe.”

Abia (Psaumes) 115:1

*KOTA GBIA, e pepe; e laa e lingbi na gonda pepe, me gonda ni alingbi na mo, ndali ti nzoni be ti mo nga ndali ti batango tënë ti yanga ti mo so mo yeke bata.

Abia (Psaumes) 25:11

KOTA GBIA, ndali ti iri ti mo, mo zi siokpari ti mbi, siokpari ti mbi so ayeke kota mingi.

Abia (Psaumes) 79:9

Nzapa, wasongo e, mu na e maboko si fade azo agonda iri ti mo. Zi e na ya ti aye ti ngangu, zi siokpari na li ti e si fade azo ane iri ti mo.

Ésaïe 48:11

Ndali ti mbi wani, ndali ti mbi wani laa, mbi sara aye ni so. Biani, mbi ke titene a buba iri ti mbi; mbi ke nga titene gonda ti mbi aga ti mbeni zo nde.”

Ésaïe 59:12

Biani *KOTA GBIA, fani mingi, e ke ndia ti mo. Asiokpari ti e abi tënë na li ti e; lakue kengo ndia ti e agbu tere ti e si aga ye oko; e hinga asioni ti e:

Jérémie 10:19

“So mawa na mbi! So kota kpale ti nyen! Ka ti mbi ayeke hunzi pepe. Mbi tene lani na be ti mbi, mbi tene: Pasi ti mbi ni ayeke ngangu pepe, mbi yeke kanga be ti mbi daa senge.

Jérémie 2:19

Fade sioni ti mo wani ayeke kiri na li ti mo. Mo zia mbi awe; fade mo yeke wara ye ti peko ni! Tongaso si mo hinga, mo tene, ziango KOTA GBIA Nzapa ti mo, ayeke sioni si ayeke ye ti vundu mingi; tongana mo kpe mbeto ti mbi pepe, so ayeke ye ti vundu mingi!” So tënë ti yanga ti KOTA GBIA so ayeke na ndö ti dunia kue laa.

Jérémie 3:25

Ayeke nzoni e lango na sese ndali ti kamene ti e, sarango ye ti buba ti e akanga ndö ti e, ngbanga ti so e na akotara ti e, e sara ye so ayeke sioni ti ke KOTA GBIA, Nzapa ti e; e sara ni ti londo na ngoi so e de molenge ngbii asi laso. E ma yanga ti KOTA GBIA, Nzapa ti e pepe.”

Jérémie 3:6

Na ngoi ti gbia Yosias, *KOTA GBIA atene na mbi: “Mo baa ye so Israel-wali-pupulenge asara so? Lo gue na li ti ahoto so kue ayo na nduzu, lo si na gbe ti afini keke so kue kugbe ni ayeke gbani gbani ti sara aye ti ndumba kâ.

Jérémie 5:25

Sioni ti ala laa abuba lege ti aye so kue, siokpari ti ala laa akanga lege na ala ti wara anzoni ye so.

Jérémie 5:6

Ndani laa fade abamara ti gbako ayeke gbu ala, ambo ti benyama ayeke suru ya ti ala. Aze ayeke ku ala na tere ti agbata ti ala. Azo so kue alondo na ya ti agbata ni ti sigigi, aze ni ayeke gbu ala si ayeke suru ya ti ala, ngbanga ti so ala sara ngangu li ahon ndoni; ala sara aye gbani gbani so ake Nzapa.

Jérémie 8:14

“E ngba ti duti dutingo ngbanga ti nyen? E londo, e bongbi tere, e li na ya ti agbata so gbagba ti bira ayeke na tere ni, e duti kâ ti ku kuâ ti e ma! Biani, KOTA GBIA, Nzapa ti e aye gi kuâ ti e; lo ye titene e nyon gi ngu so sioni yoro ayeke daa, ngbanga ti so e sara siokpari ti ke lo.

Jérémie 8:5

Biani, azo ti Jérusalem agirisa lege awe; ngbanga ti nyen si ala ngba ngbango na ndö ti sioni lege so ala mu ni so? Ala gbu tënë ti anzapa ti mvene ti ala ni ngangu; ala ke ti kiri na mbi.

Ezekiel 20:14

Mbi sara ye ni ti bata nengo ti mbi si iri ti mbi abuba pepe na le ti amara nde so abaa mbi na ngoi so mbi sara si azo ti Israel asigigi na sese ti Ezipte.

Ezekiel 20:22

Me mbi kiri na maboko ti mbi; mbi sara ye ni ti bata nengo ti mbi si iri ti mbi abuba pepe na le ti amara nde so lani abaa mbi na ngoi so mbi sara si akotara ti ala asigigi na Ezipte so.

Ezekiel 20:9

Mbi sara tongaso ti bata nengo ti mbi si iri ti mbi abuba pepe na le ti amara nde so akotara ti ala alango ando na popo ti ala. Biani, na le ti amara ni so laa mbi sara si ala hinga mbi, na lege so mbi sara si azo ti Israel asigigi na Ezipte.

Osée 5:5

Baba ti azo ti Israel laa afa sioni ti ala na le ti azo. Azo ti Israel na azo ti Efraim ati ndali ti sioni ti ala; azo ti Juda ati nga legeoko na ala.

Osée 7:10

Baba ti azo ti Israel ayeke fa sioni ti ala na le ti azo; me ala kiri na *KOTA GBIA, Nzapa ti ala pepe. Ataa so kue, ala gi lo pepe.

Amos 7:2

So agbadola ni ate apere ti ya ti kodro ni kue awe, mbi tene: “Kota Gbia NZAPA, mbi gbu gere ti mo, mo zi sioni ti azo ti mo maa! Fade Jacob alingbi ti gbu le ni? So lo ngba kete mingi so!”

Mishe 7:9

Ayeke nzoni mbi kanga be ti mbi na ngonzo ti KOTA GBIA, ngbanga ti so mbi sara siokpari ti ke ti lo. Me mbeni lango ayeke ga so fade lo yeke mu tënë ti mbi na maboko ti lo, lo yeke sara si fango ngbanga ti mbi aduti na legeni. Lo yeke zi mbi na ya ti vukongo ndo ti zia mbi na ya ti lumiere si fade mbi yeke baa aye ti lo so lo sara ni na lege ti mbirimbiri.

Efeze 1:12

Tongaso, e sepela gonda ti Nzapa, e so e yeke akozo zo ti zia be ti e ti ku Christ!

Efeze 1:6

Ayeke nzoni e sepela gonda ti Nzapa ndali ti anzoni ye so lo mu na e gbani gbani na nzoni be na lege ti molenge ti lo so lo ye lo mingi.

Ndia ti fani use ni 32:27

Me mbi sara mbeto titene awato ti ala ahe ala; mbi sara mbeto titene azo ti kengo ala ahanda tere ti ala pepe, atene: ngangu ti maboko ti e laa asara ye so, KOTA GBIA laa asara ni pepe!

Josué 7:9

Fade azo ti Kanaan na azo ti kodro ni kue ayeke ma tënë ni; ala yeke bongbi ti ga na ndö ti e si ala yeke hunzi e kue. Nyen laa mo yeke sara ande ti fa atene, mo yeke kota?”