Jérémie 14:3 - Mbeti ti Nzapa - Tënë so amu fini

³ Akota zo atokua azo ti kua ti ala ti to ngu, azo ti kua ni ague na du ti ngu, me ala wara ngu pepe. Ala mu lege akiri, ya ti ata ti ala senge; kamene agbu le ti ala, ala yeke na vundu si ala ba li ti ala na sese.

Jérémie 14:3 Iomraidhean Croise

2 Samuel 15:30

David ayeke ma hoto ti a-olive na toto na yanga ti lo. Lo kanga bongo na li ti lo si lo yeke tambula gere senge. Azo so kue ayeke na tere ti lo ti gue na li ti hoto ni, ala nga akanga bongo na li ti ala si ala yeke toto.

2 Samuel 19:4

Na lango ni so, aturugu akiri na kodro na hondengo ni tongana aturugu so akpe bira si kamene ahon ndö ti ala.

1 Agbia 17:7

Me lango mingi ahon so ngu-Nzapa apika na ya ti kodro ni pepe, asara si ngu ti Kerit ahole.

2 Agbia 18:31

Ala ma tënë ti Ezekias pepe, me ala ma gi tënë so gbia ti Asirii ayeke tene na ala; lo tene: Ala sara songo na mbi, ala zia tere ti ala na maboko ti mbi si fade zo oko oko na popo ti ala ayeke te le ti *vinye ti lo na le ti keke ti fige ti lo si lo yeke nyon ngu ti du ti ngu ti lo.

Esther 6:12

Na pekoni, Mardochée akiri na ndo ti kua ti lo na yanga ti yangbo ni. Me Haman akiri na loro na ndo ti lo; kamene ahon ndö ti lo si lo kanga le ti lo na bongo.

Mbeti ti Job 6:20

Me kamene asara ala, ngbanga ti so ala zia be ti ala na ndö ti ngu ni; na ndembe so ala si kâ, kamene ahon ndö ti ala.

Abia (Psaumes) 109:29

Azo so ayeke bi tënë na li ti mbi so, ayeke nzoni nengo ti ala ati na sese si kamene aga tongana kota bongo so akanga tere ti ala.

Abia (Psaumes) 40:14

KOTA GBIA, mbi gbu gere ti mo, mo zi mbi maa! KOTA GBIA, ga hio mo mu maboko na mbi!

Jérémie 14:4

Sese kue asuru surungo, ngbanga ti so ngu apika pepe. Tongaso, kamene agbu le ti azo ti fango yaka si ala ba li ti ala na sese.

Jérémie 15:18

Ngbanga ti nyen laa pasi ti mbi ayeke hunzi pepe so? Ngbanga ti nyen laa ka ti mbi aye ti mu pepe so? A zia yoro daa gbaa so? Biani, mo ga tongana li ti ngu so ahanda mbi; na mbeni ngoi, ngu asi singo daa; na mbeni ngoi, ngu ni ahole; zo alingbi ti zia be ti lo daa pepe.

Jérémie 2:13

Azo ti mbi asara asioni ye use: ala do mbi azia, mbi so mbi yeke li ti ngu so ayeke mu fini na zo; ala gue ti zi du ti ngu ndali ti ala wani; andaa du ti ngu ni akoro korongo; du ni alingbi ti bata ngu pepe.”

Jérémie 2:37

Fade mo yeke londo kâ ti kiri, li ti mo aba na sese, ngbanga ti so KOTA GBIA ake azo so mo mu tere ti mo na ala so. So nzoni lege titene mo bata tere ti mo laa pepe.”

Jérémie 20:11

Me KOTA GBIA ayeke na mbi, lo yeke ngangu zo ti tiringo bira ndali ti mbi. Ndani laa, fade azo ti sarango ngangu na mbi ayeke ti; ala yeke sara ye oko na mbi pepe. Kamene ayeke hon ndö ti ala lakue lakue, ngbanga ti so ye ni akara ala; zo ayeke girisa tënë ni pepe.

Jérémie 3:3

Ndani laa le ti nduzu akanga si ngu-Nzapa ti ndani apika pepe. Me le ti mo angba ti za tongana ti wali-ndumba; kamene asara nga mo kete pepe.

Abia ti demango tere 4:4

Amolenge so angba ti nyon me, be ti ala ahole kue na nzara ti ngu. Akete molenge atoto nzara ti kobe; me zo ti mungo ni na ala ayeke daa pepe.

Osée 2:3

Ala tene na a-ita ti ala ti koli: “Ami!” Ala tene na a-ita ti ala ti wali: “Ruhama!”

Joël 1:20

Ataa anyama ti ngonda abaa ndo na mbage ti mo, ngbanga ti so ngu so ayeke sua ahole kue awe; wâ agbi apere kue ti ngonda.

Amos 4:7

“So angba na ala nze ota titene ala to nda ti fâ ale ti kobe ti ala, mbi laa, mbi gbanzi ngu-Nzapa na ala. Mbi sara si ngu-Nzapa apika na mbeni gbata si na mbeni gbata, ngu ni apika pepe. Mbi sara si ngu-Nzapa apika na ndö ti mbeni yaka si mbeni yaka angba na holengo ni, ngbanga ti so ngu ayeke daa pepe.

Amos 4:8

Azo alondo na ya ti agbata use wala ota, nzara ti ngu awoko ala kue si ala gue ti gi ngu ti nyongo ni na mbeni gbata, me ala wara ngu alingbi na ala pepe. Ataa ye so kue, ala kiri na mbage ti mbi pepe; so tënë ti yanga ti KOTA GBIA laa.

Zakarii 14:17

Tongana mbeni mara ti ndö ti sese so ake ti gue na Jérusalem ti voro KOTA GBIA, lo so lo yeke na ndö ti dunia kue so, fade ngu-Nzapa ayeke pika na ndö ti kodro ti lo pepe.