Jérémie 13:21 - Mbeti ti Nzapa - Tënë so amu fini

²¹ Azo so lani mo mu lege na ala ti ga akamarade ti mo so, na ndembe so ala yeke ga ti so na ndö ti mo, fade mo yeke tene nyen? Mo yeke baa pasi tongana wali na ndembe ti dungo ni.

Jérémie 13:21 Iomraidhean Croise

2 Agbia 16:7

Ahaz atokua azo na Teglat-Falasar, gbia ti Asirii ti tene na lo, atene: “Mbi yeke zo ti kua ti mo, mbi yeke nga molenge ti mo. Ga mo zi mbi na maboko ti gbia ti Sirii nga na maboko ti gbia ti Israel so alondo ti tiri bira na mbi so!”

Ésaïe 10:3

Na lango ti fango ngbanga, fade ala yeke sara nyen? Na ngoi so kota pupu so ayeke buba ye kue alondo yongoro ti ga, fade ala yeke sara nyen? Ala yeke kpe na ndo ti zo wa titene lo mu maboko na ala? Ala yeke zia amosoro ti ala na ndo wa?

Ésaïe 13:8

Kota mbeto agbu ala, gere ti ala akui, ya ti tere ti ala aso songo. Ala yeke ba tere ti ala tongana wali so ayeke du molenge. Ala yeke baa le ti tere si li ti ala kue akpe, le ti ala kue gi na ngonzo.

Ésaïe 21:3

Ndani laa tere ti mbi ayeke do na mbeto, tere ti mbi ayeke so tongana ti wali so aga nduru ti du. Ye so mbi ma so asara si li ti mbi aga kirikiri, ye so mbi baa so azia kota mbeto na be ti mbi.

Jérémie 2:25

‘Israel, mo sara hange! Tongana mo kpe loro tongaso, fade gbe ti poro ti mo ayeke te kue; lege ti go ti mo ayeke hole kasakasa.’ Me mo kiri tënë, mo tene: ‘Mo zia mbi na tënë ti mo so! Mbi ye gi anzapa ti awande, mbi yeke ngba ti kpe na peko ti ala’.

Jérémie 22:23

Mo so lani mo duti kpoo na ndö ti hoto ti Liban; lani mo sara da ti mo na ya ti keke ti sedre tongana ti ndeke, fade mo yeke dema na ndembe so pasi ayeke ga na ndö ti mo; ye ayeke gboto mo si mo yeke do tere ti mo tongana wali na ndembe ti dungo ni!”

Jérémie 30:6

Ala hunda ndo si ala baa ndo: Koli adu molenge laoko awe? Me ngbanga ti nyen si mbi baa akoli kue azia maboko na ndö ti ngbonda ti ala tongana wali na ndembe ti dungo ni so? Ngbanga ti nyen si le ti ala kue gi na mawa so?

Jérémie 38:22

awali so kue angba na yangbo ti gbia ti Juda, fade a yeke mu ala ti gue na ala na aturugu ti kota kamba ti gbia ti Babilone; awali ni ayeke he bia so na iri ti mo, atene: ‘Ataa azo so aye mo mingi, ala handa mo alingbi ala awe! Mo linda na ya ti potopoto awe, ala do mo azia!’

Jérémie 4:30

Ti mo Jérusalem, azo abuba mo awe! Mo yeke yu bengba bongo ti ngangu ngere, mo yeke yu aye ti pendere ti lôro si mo yeke kpaka aye ti baba na ndö ti le ti mo ti sara na nyen? Mo yeke sara aye ti pendere so gi senge senge; akoli so ayeke kpe lani na peko ti mo so, ala ke mo awe, ala ye gi kuâ ti mo.

Jérémie 4:31

Mbi ma mbeni go; go ni akpa ti wali so ya ti lo ayeke so ti du si lo yeke dema tere ti lo. Go ni akpa ti wali so ayeke du kozo molenge ti lo; go ni so ayeke go ti *Sion, pendere gbata: lo wu pupu gbaa si lo yeke dema; lo yoro maboko ti lo na nduzu si lo tene: “Ti mbi awe! Azo ti fango zo afâ mbi awe!”

Jérémie 48:41

A mu agbata na bira awe, ando so ngangu gbagba ayeke na tere ni, a mu ni awe. Tongaso, be ti angangu turugu ti Moab afun kue tongana ti wali na ndembe ti dungo ni.

Jérémie 5:31

awayanga-Nzapa ayeke tene peko ti atënë ti mvene; awayango-sandaga ayeke gi ti wara aye ndali ti ala wani si azo ti mbi ayeda na sarango aye tongaso. Na ndani, fade ala yeke sara nyen?”

Jérémie 6:24

“Na mango tënë so, e woko kue si be ti e afun kue. E baa pasi tongana wali na ndembe ti dungo ni.

Ezekiel 28:9

Na dawa ti zo so ayeke fâ ande mo, mo lingbi ti tene: ‘Mbi yeke nzapa’? Andaa na gbe ti maboko ti azo so ayeke fâ mo so, mo yeke gi senge zo, mo yeke nzapa lawa!

Matthieu 24:8

Fade aye so kue ayeke duti tongana kozo songo ya ti wali so aga nduru ti du.

1 Tesalonike 5:3

Na ndembe so azo ayeke tene ande, atene: “E yeke na siriri, mbeni ye ti sarango e ayeke daa pepe!”, gi na ndembe so laa kota kpale ayeke ti na ndö ti ala fafade tongana songo ya ti mama ti ngo so aga nduru ti du. Fade ala yeke wara lege ti sigigi na ya ni pepe.