Jérémie 13:19 - Mbeti ti Nzapa - Tënë so amu fini

¹⁹ A kanga lege ti lingo na ya ti agbata ti mbage ti Mbongo awe; zo oko ti zingo ayanga ni ayeke daa pepe. A gbu azo ti Juda kue, a gue na ala na kodro wande; a gue na ala kue kue kue na kodro wande.”

Jérémie 13:19 Iomraidhean Croise

2 Agbia 25:21

Gbia ti Babilone afâ ngbanga ti kuâ na li ti ala si lo fâ ala na Ribla, na sese ti Hamat. Lege so a mu azo ti Juda ague na ala na kodro wande, yongoro na sese ti ala laa.

1 Mbai 9:1

A diko wungo ti azo ti Israel kue si a su ni na ya ti mbeti ti agbia ti Israel na lege ti asewa ti ala. A gbu azo ti Juda ague na ala na Babilone, ngbanga ti so ala ke Nzapa.

Mbeti ti Job 12:14

Tongana Nzapa abuba ye, zo oko ti kiri ti leke ni ayeke daa pepe; tongana lo bi mbeni zo na da ti kanga, zo oko ti zi lo ayeke daa pepe.

Jérémie 17:26

Tongaso nga, fade azo ayeke londo na ya ti agbata ti Juda, na ya ti akodro so angoro Jérusalem nga na sese ti Benjamin ti ga; ambeni ayeke londo na *Kodro-ti-gbeni, na Kodro-ti-nduzu nga na sese ti Negev ti ga. Ala yeke ga na ya ti kota da ti Nzapa ti mu na KOTA GBIA amara ti *sandaga nde nde: sandaga so a yeke gbi ni kue na wâ, asenge sandaga, sandaga ti ale ti kobe wala ti dukani na sandaga ti mungo singila.

Jérémie 20:4

Biani, tënë so KOTA GBIA atene ayeke so: ‘Mbi yeke sara si mo ga zo ti ziango mbeto na be ti mo wani nga na be ti amba ti mo so mo na ala aye tere mingi. Amba ti mo ni ayeke kui kuâ ti yongoro zeme na maboko ti awato ti ala. Ti mo, mo yeke luti ande ti baa ye ni na le ti mo. Mbi yeke sara si azo ti Juda kue ati na maboko ti gbia ti Babilone; lo yeke gbu ala ti gue na ala na Babilone si lo yeke fâ ala na yongoro zeme.

Jérémie 24:1

*KOTA GBIA afa na mbi asakpa use ti fige so a zia na dawa ti kota da ti Nzapa. Ye ni so asi na peko ti so Nabukodonosor, gbia ti Babilone agbu Yekonia, molenge ti Yoakim, gbia ti Juda, na gbata ti Jérusalem, lo na akota zo ti sese ti Juda, azo ti sarango ye na kode na azo ti pikango ndao si a gue na ala na Babilone.

Jérémie 28:4

Mbi yeke kiri nga na Yekonia ge, Yekonia, molenge ti Yoakim, gbia ti Juda, lo na azo so kue a gbu ala lani na sese ti Juda si a gue na ala na Babilone; so tënë ti yanga ti KOTA GBIA laa. Biani, komandema so gbia ti Babilone ayeke sara na ndö ti ala si ane tongana zuge so, mbi yeke fâ ya ni.’ ”

Jérémie 32:44

Biani, fade azo ayeke kiri ti vo ayaka na sese ti Benjamin, na ya ti akodro so angoro Jérusalem, na ya ti agbata ti Juda, na ya ti agbata ti Kodro-ti-nduzu, agbata ti *Kodro-ti-gbeni na ti Negev. Ala yeke su ambeti ti vongo yaka ni, ala yeke kpo anzoroko na ndö ti ambeti ni ti kanga na yanga ni, ala yeke iri azo ti duti na tere ni. Biani, fade mbi yeke kiri na agbata ni na kozo ndo ti ala; so tënë ti yanga ti KOTA GBIA laa.”

Jérémie 33:13

Na ya ti agbata ti Kodro-ti-nduzu na ti agbata ti *Kodro-ti-gbeni na ti Negev, na sese ti Benjamin, na ya ti akodro so angoro Jérusalem nga na ya ti agbata ti Juda, fade ataba na angasa ayeke kiri na gbe ti maboko ti wabatango ala so ayeke diko ala”; tënë so KOTA GBIA atene laa.

Jérémie 39:9

Na pekoni, Nebuzaradan, makonzi ti aturugu ti batango gbia agbu tanga ti azo so angba na ya ti gbata ni, ala na azo so lani azia tere ti ala na gbia ti Babilone nga na tanga ti azo so angba si lo gue na ala na Babilone.

Jérémie 52:27

Gbia ti Babilone afâ ngbanga ti kuâ na li ti ala si lo fâ ala na Ribla, na sese ti Hamat. Lege so a gbu azo ti Juda a gue na ala na kodro wande, yongoro na sese ti ala laa.

Jérémie 52:28

Wungo ti azo so Nabukodonosor agbu ala ague na ala na kodro wande ayeke tongaso: na ngu mbarambara ni: azo ti Juda 3 023;

Jérémie 52:30

na ngu baleuse na ota ni, Nebuzaradan, makonzi ti aturugu ti batango gbia agbu azo ti Juda 745 si ague na ala na kodro wande. Wungo ti azo ni kue ayeke 4 600.

Abia ti demango tere 1:3

Mara ti Juda laa aga taa buba mara awe so? Ala gbu lo na ngangu, ague na lo na kodro wande; sarango kua ti ngbaa ahon ngangu ti lo awe! Lo yeke lango na popo ti amara nde. Lo wara lege ti duti na siriri oko pepe. Azo so ayeke sara ngangu na lo so, ala tumba peko ti lo, ala wara lo awe; mara ti Juda ayeke na ya ti kota pasi.

Zakarii 7:7

Ando, KOTA GBIA azia mara ti atënë tongaso na yanga ti awayanga-Nzapa ti tene ni awe. Ala tene tënë ni na ngoi so Jérusalem na agbata so angoro ni ayeke na siriri si na sese ti mbage ti Mbongo nga na ti *Kodro-ti-gbeni, azo asi singo daa.

Ndia ti fani use ni 28:15

Moïse atene: Me tongana ala ma yanga ti *KOTA GBIA Nzapa ti ala pepe, tongana ala sara kue ti sara ye alingbi na atënë ti ndia nga na andia ti lo so mbi yeke fa na ala laso pepe, baa asioni kpale so ayeke ga na ndö ti ala si ayeke ngba na ala ayeke so:

Ndia ti fani use ni 28:52

Azo ni ayeke ngoro ala na bira na ya ti agbata kue ti kodro so KOTA GBIA Nzapa ti ala ayeke mu na ala. Azo ni ayeke tiri na ala ngbii ayongoro ngangu gbagba ti ala so ala zia be ti ala na ndö ni so akungbi na sese.

Josué 18:5

Fade ala yeke kangbi ya ti sese ni mbarambara. Azo ti mara ti Juda ayeke duti na sese ti ala na mbage ti Mbongo, ala ti Joseph ayeke duti na sese ti ala, na mbage ti Banga.