Jérémie 13:18 - Mbeti ti Nzapa - Tënë so amu fini

¹⁸ Tene na gbia nga na kota gbia-wali, mo tene: “Ala duti na sese! Biani, pendere kpoto ti ala ti gbia alondo na li ti ala ati awe.

Jérémie 13:18 Iomraidhean Croise

2 Agbia 24:12

Tongaso Yoakin, gbia ti Juda, lo na mama ti lo, na amakonzi ti lo, na aturugu ti lo ti kota kamba nga na akota zo ti yangbo ti lo ague, awara gbia ti Babilone. Na ngu miombe ni so Nabukodonosor ayeke gbia ti Babilone laa lo gbu Yoakin si lo bi lo na da ti kanga.

2 Agbia 24:15

Lo gbu Yoakin, mama ti lo, awali ti lo, akota zo ti yangbo ti lo nga na akota zo ti kodro ti lo; lo gbu ala na Jérusalem si lo gue na ala na Babilone.

2 Mbai 33:12

So lo yeke na ya ti pasi, lo voro tere ti lo na KOTA GBIA, Nzapa ti lo; lo sara tere ti lo kete mingi na gbe ti Nzapa ti akotara ti lo.

2 Mbai 33:19

Tënë ti sambela ti lo, lege so Nzapa azia ti sara ngonzo na tere ti lo, asiokpari ti lo nga na aye so lo sara ti ke Nzapa, a su tënë ni na ya ti mbeti ti Hozai. Na ya ti mbeti ni, a su nga iri ti ando so lo leke na ndö ti ahoto titene azo avoro anzapa nde daa, ando so lo leke akeke daa aluti na nduzu ndali ti nzapa-wali *Ashera nga na ayanda nde nde; lo sara aye ni so kozo titene lo sara tere ti lo kete.

2 Mbai 33:23

Me lo sara tere ti lo kete pepe na dawa ti KOTA GBIA tongana ti so babâ ti lo Manase asara. Ti Amon ni, lo kiri lo sara sioni mingi ahon ti babâ ti lo.

Sigingo 10:3

Moïse na Aaron ague na ndo ti Faraon si ala tene na lo: “Tënë so KOTA GBIA, Nzapa ti ahebro atene ayeke so: ‘Mo yeke ke ti sara tere ti mo kete na dawa ti mbi ngbii asi lawa? Zia lege na azo ti mbi titene ala gue, avoro mbi.

Sigingo 39:28

mbeni bongo so a yeke kanga na li tongana kpoto na akpoto so a sara na len, akilote so a sara na len, akamba ti len so akpengba kpengbango;

Amato 27:24

Biani, mosoro ayeke ngba lakue pepe; kpoto ti gbia alondo na babâ ti si na molenge wala na ata ti lo pepe.

Ésaïe 3:20

abongo so a yeke kanga na li tongana kpoto, aye ti go so ayeke za zango, akamba ti ndö ti bongo, awaraga na akamba ti batango na tere,

Ésaïe 3:26

Na ya ti gbata ni kue, gi demango tere na totongo akuâ. Gbata ni aga tongana wali so aye ti lo kue agirisa si lo yeke duti na sese.

Ésaïe 47:1

*KOTA GBIA atene: “Babilone, pendere gbata, mo zu, mo duti na ya ti fuku ti sese; kua ti mo ti gbia-wali ahunzi awe! Gbata ti azo ti Babilone, mo duti taa na sese, ngbanga ti so a yeke kiri ti iri mo pepe: ‘Babilone, wali so maboko ti lo ayeke ndu ye oko pepe’, ‘Babilone, *wali-ndomo’.

Jérémie 22:24

“Fade mo yeke tene na Konia, molenge ti Yoakim, gbia ti Juda, mo tene: ‘Fini ti mbi! Ataa mo yeke fade tongana *ye ti kpongo na nzoroko so a yeke kpo na ndö ti mbeti si mbi zia na maboko ti mbi ti koli, ka mbi yeke gboto mo ti zi mo na li ti maboko ti mbi; so tënë ti yanga ti KOTA GBIA laa.

Jérémie 22:26

Mo na mama ti mo, mbi yeke bi ala na ya ti mbeni kodro so a du ala daa pepe; fade ala yeke kui kâ.

Jérémie 29:2

Lo tokua mbeti ni na peko ti so gbia Yekonia, na gbia-wali, na akota zo ti yangbo ti gbia, akota zo ti sese ti Juda na ti Jérusalem, azo ti pikango ndao nga na azo ti sarango ye na kode alondo na Jérusalem awe.

Jérémie 36:16

So akota zo ti kodro ni ama atënë so kue, kota mbeto agbu ala, ala baa le ti tere si ala tene na Baruk: “Biani, fade e yeke fa peko ti atënë so kue na gbia.”

Abia ti demango tere 1:6

Gbata ti Sion, pendere kodro so! Aye so ayeke sara gonda ti lo so, aye ni ahon kue awe, azo! Agbenyogbia ti gbata ni aga tongana atagba, atagba so awara pere ti te pepe. Ala mu loro na le ti awato ti ala, me ngangu ahunzi na ala kue na le ti awato ti ala ni.

Abia ti demango tere 1:9

Sioni ti lo avuko yanga ti bongo ti lo. Ye ni so asi fade na lo so, lo gbu li ti lo na ndö ni kozoni pepe. Gbata ti Jérusalem ati ngangu; mbeni zo ti de be ti lo ayeke daa pepe. Lo tene: “KOTA GBIA, baa mbi ga buba ahon ndoni! Mo baa, wato ayeke hon ndö ti mbi.”

Abia ti demango tere 2:10

*Akangba ti gbata ti Sion aduti gi na sese, tënë ahunzi na yanga ti ala awe; ala yu abongo ti mua, ya ti li ti ala kue gi na fuku ti sese. Amaseka-wali ti gbata ti Sion aduti aba li ti ala na sese.

Abia ti demango tere 5:16

Nengo ti e ti amolenge ti gbia ati awe. E sara siokpari awe; so mawa na e, azo!

Ezekiel 16:12

Mbi zia kati na hon ti mo, mbi zia aye ti mê na mê ti mo nga na pendere kpoto ti gbia na li ti mo.

Ezekiel 21:26

Gbia ti Babilone aluti na sangbi-lege ni, na ndo so alege use so atengbi daa ti bi zeke. Lo yingi ale ti kokora, lo hunda anzapa ti lo, lo baa be ti anyama.

Ezekiel 24:17

Mo dema gi na be ti mo, mo sara mua pepe; me mo kanga na li ti mo bongo so a yeke kanga na li tongana kpoto, mo yu poro ti mo. Mo mu bongo, mo kanga na kua ti yanga ti mo pepe, mo te kobe so a to ndali ti totongo na kuâ pepe.”

Ezekiel 24:23

Fade ala yeke bata na li ti ala bongo so a yeke kanga na li tongana kpoto, ala yeke bata poro ti ala na gere ti ala. Ala yeke dema tere ti ala pepe, ala yeke toto kuâ pepe; me fade ala yeke nge ngengo na ya ti asioni ti ala si ala yeke dema na popo ti ala.

Ezekiel 44:18

Ala yeke yu na li ti ala kpoto so a sara na len, ala yeke yu na ngbonda ti ala kilote so a sara na len. Ala yeke kanga kamba na ndö ti bongo pepe titene gbiki amu ala mingi pepe.

Daniel 5:20

Me na pekoni, pikango kate ahon ndö ti lo si lo baa tere ti lo kota ahon azo kue. Tongaso Nzapa azi lo na ndö ti mbata ti gbia si azo akiri ane lo pepe.

Jonas 3:6

So gbia ti Ninive ama tënë ti ye so asi, lo londo na ndö ti mbata ti lo ti gbia, lo zi bongo ti gbia na tere ti lo, lo yu bongo ti mua si lo duti na ya ti mburu ti wâ.

Matthieu 18:4

Kota zo ti Kodro-gbia ti yayu ayeke zo so asara tere ti lo kete si lo ga tongana molenge so.

Jacques 4:10

Ala sara tere ti ala kete na gbe ti *Kota Gbia si fade lo yeke mu ala na nduzu.

1 Pierre 5:6

Ala sara tere ti ala kete na gbe ti Nzapa so ayeke na ngangu, tongaso si fade lo yeke zia ala na kota ndo tongana ngoi ni alingbi.