Jérémie 13:16 - Mbeti ti Nzapa - Tënë so amu fini

¹⁶ Ala gonda KOTA GBIA, Nzapa ti ala kozo titene lo tokua vukongo ndo, kozo titene ala pika gere ti ala na li ti ahoto so ndo avuko daa. Ala yeke ku vurungo ndo, me KOTA GBIA asara si vurungo ndo ni aga ndo so avuko pitipiti; lo sara si aga vuko mbinda.

Jérémie 13:16 Iomraidhean Croise

Mbeti ti Job 3:5

Ayeke nzoni vukongo ndo na ndo so avuko ahon ndoni akanga ndö ti lango ni so! Vukongo mbinda amu ndö ti lo! Na kota lâ, ndo so avuko vukongo azia kota mbeto na be ti lango ni so!

Abia (Psaumes) 107:10

Ambeni ayeke lango na ndo so avuko pitipiti, a kanga ala na zingiri si pasi ahon ndö ti ala,

Abia (Psaumes) 107:14

Lo zi ala na ndo so avuko pitipiti si lo fâ ya ti azingiri ti ala.

Abia (Psaumes) 29:2

Ala mu na KOTA GBIA gonda so alingbi na iri ti lo! Ala kuku akpo li ti ala na sese na gbe ti KOTA GBIA na ndembe so gonda ti lo asigigi polele!

Abia (Psaumes) 44:19

E kiri na peko pepe, e ngba lakue ti tambula na lege ti mo;

Sigingo 10:21

KOTA GBIA atene na Moïse: “Yoro maboko ti mo na nduzu! Ayeke nzoni ndo avuko pitipiti na ndö ti sese ti Ezipte, vukongo ndo so zo ayeke tatara ndo tatarango daa!”

Amato 4:19

Me lege ti dutingo ti azo ti sioni ayeke tongana bi so avuko pitipiti. Ye so ala pika gere ti ala daa ti ti, ala baa ni pepe.

Zo ti bongbingo azo 11:8

Tongana zo alango ngu mingi, ayeke nzoni lo duti na ngia ndali ti angu ni oko oko kue. Me ayeke nzoni lo dabe ti lo so mingi ti alango ni ayeke ti vukongo ndo. Aye so kue ayeke si so ayeke gi senge senge.

Ésaïe 5:30

Me na lango ni so, mbeni toto ayeke londo ti ga na tere ti ala tongana toto ti kota ngu-ingo. Tongana zo abaa ndo na ndö ti sese, fade lo yeke baa gi vukongo ndo na ye ti ngangu; angbongboro mbinda ayeke kanga sungo ti lâ.

Ésaïe 59:10

E yeke tatara ndo si e yeke tambula na tere ti dere ti da tongana azo so le ti ala akanga. E yeke tatara ndo tongana azo so le ti ala ayeke daa pepe. Na kota lâ, e ye ti ti, mo baa mo tene, e yeke tambula na bi. E yeke na seni, me e kpa gi akuâ.

Ésaïe 59:9

Ndani laa Nzapa asara nzoni ye ndali ti e pepe si lo fâ ya ti ngbanga ti e pepe. E zia fade be ti e ti ku lumiere, me e yeke na ya ti vukongo ndo. E yeke ku fade sigingo ti lâ, me e yeke tambula na ya ti vukongo ndo so avuko pitipiti.

Ésaïe 60:2

Baa, vukongo ndo amu ndö ti sese, vukongo ndo so avuko pitipiti akanga ndö ti azo. Me ti mo, KOTA GBIA ayeke londo si gonda ti lo ayeke su na ndö ti mo.

Ésaïe 8:22

Na pekoni, ala yeke baa ndo na sese: gi ye ti ngangu na vukongo ndo, vukongo ndo so ayeke zia kota mbeto na be ti zo, vukongo ndo so avuko pitipiti.

Jérémie 14:19

“KOTA GBIA, mo ke Juda biani awe? Be ti mo ake *Sion awe? Ngbanga ti nyen si mo zia ka na tere ti e si ka ni amu pepe so? E baa ti e lani e tene, fade e yeke duti nzoni, me ye ti nzoni oko ayeke daa pepe. E yeke ku lani ngoi titene ka ti e amu, me kota mbeto laa aga.

Jérémie 2:6

Ala hunda tere ti ala pepe, atene: ‘KOTA GBIA ayeke na ndo wa? Lo so asara si e sigigi na kodro ti Ezipte si lo fa lege na e na ya ti benyama so? Benyama ni ayeke gi ndo ti gba ti mbutu na adu; ndo so ahole kasakasa, ndo so avuko pitipiti, ndo so zo ayeke hon daa pepe, ndo so zo ayeke lango daa pepe.’

Jérémie 23:12

Ndani laa, fade lege ti ala ayeke *zene zenengo. Ala yeke pika gere ti ala na ya ti vukongo ndo si ala yeke ti. Biani, fade mbi yeke sara si sioni kpale aga na ndö ti ala na ndembe so mbi yeke ga na tere ti ala; so tënë ti yanga ti KOTA GBIA laa.”

Jérémie 4:23

Mbi baa sese: sese angba senge, ye oko ayeke daa pepe. Mbi baa le ti nduzu: vurungo ndo ayeke kâ mbeni pepe.

Jérémie 50:6

Azo ti mbi ayeke lani tongana ataba so agirisa awe. Awabatango ala asara si ala girisa lege, ala zia ataba ni atambula kirikiri na li ti ahoto. Ataba ni alondo na li ti mbeni hoto asi na li ti mbeni kete hoto, ala girisa ndo ti lango ti ala.

Jérémie 6:21

Ndani laa, tënë so KOTA GBIA atene ayeke so: Mbi yeke zia na lege ti azo so mbeni ye titene ala pika gere ti ala daa si ala ti: ababâ na amolenge ti ala ayeke ti legeoko, azo so ayeke nduru na ala nga na amba ti ala ayeke kui.”

Jérémie 8:15

E yeke ku fade titene e duti na siriri, me mbeni nzoni ye oko ayeke daa pepe. E yeke ku fade mbeni ngoi titene kobela ti e akai, me gi kota mbeto laa aga.

Abia ti demango tere 4:17

Le ti e angba gi na lege ti ku; e baa ndo gbaa: zo ti ga ti mu maboko na e ayeke daa pepe. E ngba ti ku mbeni mara nde so alingbi ti ga ti soo e; andaa mara ni so alingbi ti soo e pepe.

Ezekiel 21:15

A kpaka yanga ni ti fâ na azo kue, yanga ni aza ti bi wâ ti bekpa. Tongaso, fade tere ti e ayeke nzere? Keke ti komandema ti molenge ti mbi abaa akeke kue tongana mbumbuse ye.

Ezekiel 34:12

Legeoko tongana ti so mbeni wabatango-taba ayeke na popo ti ataba ti lo so akangbi kirikiri, lo yeke baa ndo na ndö ti ala, mbi nga, fade mbi yeke baa ndo na ndö ti ataba ti mbi. Mbi yeke zi ala na ando so kue ala kangbi kirikiri daa, na lango so mbinda asara si ndo avuko vukongo.

Ezekiel 36:15

Mbi yeke sara titene azo akiri ti zia kamene na le ti mo pepe, mo yeke kiri ti ma azongango ndo ti amara nde pepe. Mo yeke sara titene azo ti mara ti mo akiri ati pepe. So tënë ti yanga ti Kota Gbia NZAPA laa.”

Joël 2:2

Lango ni ayeke lango ti vukongo ndo, lango so ndo avuko pitipiti; lango ti ambinda na lango ti vuko mbinda. Baa, agbadola gbani gbani ayeke ga, ala yeke na ngangu, ala yeke tongana vukongo ndo so ayeke mu ndö ti ahoto kue. Ade zo abaa mara ti ye tongaso laoko pepe, zo ayeke kiri ti baa ni laoko pepe, ngbii asi na azo so ayeke du ala gbanda na peko, yongoro kâ.

Amos 4:13

Biani, lo laa lo sara akota hoto, lo sara pupu, lo yeke fa na zo aye so lo leke na be ti lo ti sara. Lo yeke sara si lumiere ti ndaperere aga vukongo ndo, lo yeke tambula na ndö ti akota hoto ti sese so: iri ti lo ayeke KOTA GBIA, Nzapa so ayeke na ndö ti dunia kue.

Amos 5:18

Mawa na ala, azo so ayeke ku *lango ti KOTA GBIA! Nzoni ye ti nyen laa ala yeke wara na lango ti KOTA GBIA ni nyen? Lango ni ayeke duti lango ti vukongo ndo, me lango ti lumiere pepe.

Malashii 2:2

Tënë so *KOTA GBIA so ayeke na ndö ti dunia kue atene laa: “Tongana ala ma tënë ti mbi pepe, tongana ala sara si tënë ti nengo mbi agbu be ti ala pepe, fade mbi yeke deba ala si tufa so mbi ye ti sara na ndö ti ala, mbi yeke sara titene akiri aga deba. Biani, fade mbi yeke deba ala, ngbanga ti so tënë ti gbotongo mê so mbi gboto mê ti ala agbu be ti ala pepe.

Jean 12:35

Jésus atene na ala: “Lumiere ade na popo ti ala ndali ti kete ngoi. Ayeke nzoni ala tambula na ndembe so lumiere ni ayeke na tere ti ala, tongaso si vukongo ndo awara ala pepe, ngbanga ti so zo so atambula na ya ti vukongo ndo ahinga ndo so lo yeke gue daa pepe.

Josué 7:19

Josué atene na Akan: “Molenge ti mbi, gonda KOTA GBIA, Nzapa ti Israel, tene taa-tënë. Fa na mbi ye so mo sara, honde ye oko na mbi pepe.”

1 Pierre 2:8

Mbeti ti Nzapa akiri atene: “Ayeke têne so azo ayeke pika gere ti ala daa, kota têne so ayeke sara titene azo ati.” Ala yeke pika gere ti ala na têne ni, ngbanga ti so ala ke ti yeda na tënë ti Nzapa. Ye so Nzapa aleke ala ando ndali ni laa.

1 Samuel 6:5

Fade ala sara alimo ti aka ti sanzo nga na limo ti adeku so ayeke buba kodro ti ala. Na pekoni, ala gonda Nzapa ti Israel. E hinga pepe, fade lo yeke zia ti sara ngangu na ala, na anzapa ti ala nga na kodro ti ala.