Jérémie 13:11 - Mbeti ti Nzapa - Tënë so amu fini

¹¹ Tongana ti so zo akanga kamba ti ndö ti bongo na ngbonda ti lo, mbi kanga lani azo ti Israel na azo ti Juda na tere ti mbi titene ala duti azo ti mbi, azo ti mungo iri ti mbi na nduzu, azo ti gondango mbi nga na aye ti pendere ti mbi. Me ala ye ti ma mbi pepe; so tënë ti yanga ti KOTA GBIA laa.”

Jérémie 13:11 Iomraidhean Croise

Abia (Psaumes) 135:4

Biani, KOTA GBIA asoro Jacob ndali ti lo wani, lo soro Israel titene aga ye ti lo wani.

Abia (Psaumes) 147:20

Aye ni so, lo sara ni na ambeni mara pepe, amara ni ahinga atënë ti ndia ti lo pepe. Aleluya!

Abia (Psaumes) 81:11

Mbi laa mbi yeke *KOTA GBIA, Nzapa ti mo, mbi laa mbi sara si mo sigigi na sese ti Ezipte. Mo zi yanga ti mo kota, fade mbi zia aye daa asi.”

Ésaïe 43:21

Azo so mbi leke ala ndali ti mbi, ala yeke he bia ti sepela na mbi.”

Ésaïe 62:12

Fade a yeke iri ala: “Azo so ayeke nde si ayeke nzoni kue, azo so KOTA GBIA azi ala awe”. Ti mo Jérusalem, azo ayeke kiri ti iri mo pepe, atene: “Gbata so azo ado azia”, me ala yeke iri mo, atene: “Gbata so be ti Nzapa aye”.

Jérémie 13:1

Tënë so *KOTA GBIA atene na mbi ayeke so: “Gue mo vo kamba ti ndö ti bongo so a sara na *len, mo kanga ni na ngbonda ti mo, me mo yoro ni na ya ti ngu pepe.”

Jérémie 13:10

Ala yeke mara ti asioni zo so ake ti ma tënë ti mbi. Ala ngba ti sara gi ye so be ti ala afa na ala; ala mu peko ti anzapa nde ti sara na ala, ti kuku ti kpo li ti ala na sese na dawa ti ala. Ayeke nzoni ala ga tongana kamba ti ndö ti bongo so mbeni ye ti sara na ni ayeke daa pepe!

Jérémie 13:12

“Fade mo yeke tene na azo ni, mo tene: ‘Tënë so KOTA GBIA, Nzapa ti Israel atene ayeke so: A yeke zia vin na ya ti kangu asi’. Tongana azo ni akiri tënë: ‘Taa-tënë, e hinga ni kue’,

Jérémie 19:15

“Tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Akpale so kue mbi tene tënë ni so, fade mbi yeke sara si ati na ndö ti gbata so nga na ndö ti akete kodro so kue ayeke na tere ni. Biani, azo ti gbata ni asara ngangu li si ala ke ti ma tënë ti mbi.’ ”

Jérémie 32:20

“Ando na Ezipte, mo sara aye ti dongo be na aye ti kpene ngbii asi laso. Mo sara si iri ti mo awu na popo ti azo ti Israel nga na popo ti tanga ti azo kue, tongana ti so a yeke baa ni laso so.

Jérémie 33:9

Tongaso, fade ye ni ayeke sara si be ti mbi anzere, ayeke sara si azo agonda mbi si aga ye ti pendere ti mbi na le ti amara kue ti sese. Tongana amara ni ama tënë ti anzoni ye so kue mbi yeke sara ndali ti gbata ni, fade ala yeke do na mbeto si tere ti ala ayeke do ndali ti gba ti nzoni ye na siriri so mbi yeke mu na gbata ni.”

Jérémie 6:17

Mbi zia asanziri na ndö ti ala ti tene na ala ti sara hange; asanziri ni atene: ‘Ala dingi mê ti ala ti ma toto ti didi!’ Me ala kiri tënë: ‘Ngbanga ti e ayeke daa ape!’

Jérémie 7:13

Baa, fadeso ala yeke sara gi mara ti asioni ye so. Mbi mu ngoi ti mbi kue ti tene tënë na ala, me ala ma pepe; mbi iri ala, me ala ke ti yeda; so tënë ti yanga ti KOTA GBIA laa.

Jérémie 7:23

Yanga so mbi mu na ala ayeke so: Ayeke nzoni ala ma yanga ti mbi, tongaso si mbi yeke duti Nzapa ti ala si ala yeke duti azo ti mbi. Ala tambula mbirimbiri na lege so mbi fa na ala si ala yeke duti nzoni.

Jérémie 7:24

Me ala ke ti ma tënë ni; ala dingi mê ti ala kete pepe ti ma ni; ala sara gi ye so sioni be ti ala afa. Titene ala baa ndo na mbage ti mbi, ala zia gi peko ti ala na mbi.

Jérémie 7:26

Me ala ma mbi pepe; ala dingi mê ti ala kete pepe ti ma mbi; ala sara ngangu li ahon ndoni, ala sara sioni ahon akotara ti ala.

Amos 3:1

Ala azo ti Israel, ala azo ti sewa so *KOTA GBIA asara si ala sigigi na Ezipte, ala ma tënë so lo tene na tere ti ala, lo tene:

Nzoni Tënë so Luc asu na mbeti 10:11

‘Ataa sese ti gbata ti ala so ayeke na gere ti e, e yeke zi ni kue ti kiri na ni na ala; me ayeke nzoni ala hinga atene, kodro-gbia ti Nzapa aga nduru awe!’

Ndia ti fani use ni 26:18

Laso KOTA GBIA asara si ala mu zendo so, atene: fade ala yeke duti azo ti lo wani, ala yeke sara ye alingbi na atënë ti ndia ti lo kue.

Ndia ti fani use ni 26:19

Biani, KOTA GBIA Nzapa ti ala aye ti mu iri ti ala na nduzu, ti ne ala, ti sara titene ala wara gonda ahon tanga ti amara so kue lo sara ala. Lo ye titene ala ga azo ti lo wani so ayeke nde si ayeke nzoni kue, tongana ti so lo tene na ala.

Ndia ti fani use ni 4:7

KOTA GBIA Nzapa ti e ayeke lakue nduru na e tongana e iri lo ti mu maboko na e. Mbeni kota mara nde ayeke daa so anzapa ti lo ayeke nduru na lo tongana ti e so?

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.