Jérémie 13:10 - Mbeti ti Nzapa - Tënë so amu fini

¹⁰ Ala yeke mara ti asioni zo so ake ti ma tënë ti mbi. Ala ngba ti sara gi ye so be ti ala afa na ala; ala mu peko ti anzapa nde ti sara na ala, ti kuku ti kpo li ti ala na sese na dawa ti ala. Ayeke nzoni ala ga tongana kamba ti ndö ti bongo so mbeni ye ti sara na ni ayeke daa pepe!

Jérémie 13:10 Iomraidhean Croise

Abia (Psaumes) 78:8

fade ala yeke sara ye tongana ti akotara ti ala pepe, akotara ti ala so ayeke ando azo ti ngangu li, azo ti kengo yanga, azo ti be use use, azo so abata yingo ti ala na Nzapa pepe.

Zo ti bongbingo azo 11:9

Maseka-koli, na ngoi so mo de maseka, mo sara ngia biani. Ayeke nzoni be ti mo aduti na ngia na ngoi ti maseka ti mo. Sara ye so be ti mo aye; sara ye so le ti mo abaa. Me ayeke nzoni mo hinga, mo tene, Nzapa ayeke iri ande mo na ngbanga ndali ti aye oko oko so mo sara.

Ésaïe 3:24

Afungo ka laa ayeke mu plase ti yombo, senge kamba laa ayeke mu plase ti pendere kamba ti ndö ti bongo, kiongo kua ti li laa ayeke mu plase ti pendere pete, agbagba bongo laa ayeke mu plase ti abongo ti matanga. Kamene laa ayeke mu plase ti sarango pendere.

Jérémie 11:10

Sioni so akotara ti ala asara ando so, gi ni laa ala kiri daa. Akotara ti ala ni ake ti ma atënë ti mbi; ala kpe na peko ti anzapa nde ti voro ala. Azo ti Israel na azo ti Juda abuba ya ti mbuki so mbi na akotara ti ala, e sara ni.

Jérémie 11:18

*KOTA GBIA afa ye ni na mbi si mbi hinga ni. Lo sara si mbi baa ye so ala ye ti sara.

Jérémie 13:7

Mbi kiri mbi gue na Fara, mbi gi kamba ti ndö ti bongo ni, mbi mu ni na ndo so lani mbi honde ni daa. Me mbi baa so kamba ni afun kue, mbeni ye ti sara na ni ayeke daa pepe.

Jérémie 16:12

Ti ala, ala sara sioni mingi ahon akotara ti ala; zo oko oko ayeke ngba ti sara sioni ye so be ti lo afa na lo, me lo ke ti ma mbi.

Jérémie 16:4

Fade ngangu kobela ayeke fâ ala; zo ayeke toto kuâ ti ala pepe, zo ayeke lu nga kuâ ti ala pepe. Me ala yeke ga tongana puru na ndö ti sese. Fade bira na nzara ayeke fâ ala si kuâ ti ala ayeke ga kobe ti andeke ti nduzu na ti anyama ti sese.”

Jérémie 20:4

Biani, tënë so KOTA GBIA atene ayeke so: ‘Mbi yeke sara si mo ga zo ti ziango mbeto na be ti mo wani nga na be ti amba ti mo so mo na ala aye tere mingi. Amba ti mo ni ayeke kui kuâ ti yongoro zeme na maboko ti awato ti ala. Ti mo, mo yeke luti ande ti baa ye ni na le ti mo. Mbi yeke sara si azo ti Juda kue ati na maboko ti gbia ti Babilone; lo yeke gbu ala ti gue na ala na Babilone si lo yeke fâ ala na yongoro zeme.

Jérémie 22:21

Lani mbi gboto mê ti mo na ndembe so mo duti na siriri, me mo kiri tënë: ‘Zia mê ti mbi, mbi ke awe!’ So fini ye pepe: sarango ye ti mo ngbene ye na molenge laa; laoko mo ma tënë ti mbi pepe!

Jérémie 23:17

Awayanga-Nzapa ni ayeke tene lakue na azo so ayeke he mbi, atene: ‘KOTA GBIA atene: Ti ala, fade ye kue ayeke tambula nzoni!’ Ala yeke tene na azo so ayeke sara ye gi na lege ti ngangu li ti ala wani, atene: ‘Fade mbeni sioni ye ayeke si na ala pepe’.

Jérémie 3:17

Na ngoi ni so, fade azo ayeke di iri ti Jérusalem, atene: ‘Mbata ti KOTA GBIA’. Amara kue ayeke bongbi kâ na Jérusalem ndali ti iri ti KOTA GBIA; ala yeke zia lege ti sarango sioni ye so be ti ala afa na ala.

Jérémie 35:15

Mbi mu ngoi ti mbi kue ti tokua na ala azo ti kua ti mbi, awayanga-Nzapa ti tene na ala, azo ti Juda, atene: ‘Ayeke nzoni zo oko oko azia sioni lege ti sarango ye ti lo; ala sara si sarango ye ti ala akiri aga nzoni; ala mu peko ti anzapa nde pepe ti voro ala. Tongaso, fade ala yeke ngba ti duti na ya ti kodro so mbi mu na ala, ala na akotara ti ala.’ Me ala dingi mê ti ala kete pepe, ala ma mbi pepe.

Jérémie 44:16

“Ataa so mo tene tënë so na e na iri ti *KOTA GBIA, e ye ti ma mo pepe.

Jérémie 44:5

Me ala ma pepe, ala dingi mê ti ala ti ma ni pepe; ala zia pepe lege ti sioni sarango ye ti ala, ala zia pepe lege ti mungo asandaga na anzapa nde.

Jérémie 5:23

Me mara ti azo so, be ti ala akpengba mingi, ala yeke azo ti ngangu li. Ala gboto tere ti ala si ala hon.

Jérémie 7:13

Baa, fadeso ala yeke sara gi mara ti asioni ye so. Mbi mu ngoi ti mbi kue ti tene tënë na ala, me ala ma pepe; mbi iri ala, me ala ke ti yeda; so tënë ti yanga ti KOTA GBIA laa.

Jérémie 7:6

tongana mbeni wande, wala nyindu, wala wali-mua ayeke na popo ti ala, ala sara ngangu na ala pepe; azo so tënë ayeke na li ti ala pepe, ala tuku mene ti ala na ndo so pepe; ala mu peko ti anzapa nde pepe, ngbanga ti ala wara kpale.

Jérémie 8:5

Biani, azo ti Jérusalem agirisa lege awe; ngbanga ti nyen si ala ngba ngbango na ndö ti sioni lege so ala mu ni so? Ala gbu tënë ti anzapa ti mvene ti ala ni ngangu; ala ke ti kiri na mbi.

Jérémie 9:13

Ala sara ngangu li si ala mu peko ti anzapa *Baal so akotara ti ala afa ando lege ni na ala.

Jérémie 9:14

Ndani laa, tënë so KOTA GBIA so ayeke na ndö ti dunia kue, Nzapa ti Israel, atene ayeke so: Mbi yeke mu na azo ti kodro ni sengo kugbe titene aga kobe ti ala ti tengo ni, mbi yeke mu na ala ngu so sioni yoro ayeke na ya ni titene ala nyon.

Jérémie 9:6

Ndani laa, tënë so KOTA GBIA so ayeke na ndö ti dunia kue atene ayeke so: “Mbi yeke kporo ala na ya ti wâ ti zi sioni ti ala tongana ti so a yeke kporo wen; mbi yeke tara be ti ala. Nyen laa mbi yeke sara na azo ti mbi, nyen?

Wungo ti azo 14:11

*KOTA GBIA atene na Moïse: “Azo so ayeke ngba ti ke mbi ngbii asi lawa? Ala yeke ke ti zia be ti ala na ndö ti mbi ngbii asi lawa, ataa aye ti kpene so kue mbi sara na popo ti ala?

Awatokua 7:51

“Ala azo ti ngangu li, ala so a fâ be ti ala na mê ti ala na ganza pepe so, lakue ala yeke ke tënë ti Yingo-Vuru! Ala yeke tongana akotara ti ala!

Ahebro 12:25

Ala sara hange! Zo so ayeke tene tënë na ala, ala ke ti ma tënë ti lo pepe. Ando na sese so, azo ti Israel awara sioni, ngbanga ti so ala ke ti ma tënë ti zo so ayeke fa na ala peko ti tënë ti yanga ti Nzapa, ti gboto mê ti ala. Ti e, tongana e ke lo so alondo na yayu si ayeke tene tënë na e, fade e yeke kpe ngbanga ti Nzapa tongana nyen?