Jérémie 12:6 - Mbeti ti Nzapa - Tënë so amu fini

⁶ “Biani, ataa azo ti mara ti mo, ataa azo ti da ti mo, ala yeke ka mo; ala yeke bongbi gba ti azo ti sara sioni na mo, me mo hinga pepe. Tongana ala yeke tene anzerengo tënë na mo, mo zia be ti mo na ndö ti ala pepe.”

Jérémie 12:6 Iomraidhean Croise

Mbeti ti Job 6:15

A-ita ti mbi ahanda mbi tongana ngu so ahole holengo; ala yeke tongana *bale so ngu ayeke daa pepe.

Abia (Psaumes) 12:2

*KOTA GBIA, soo mbi maa! Azo so angba na lege ti mo ayeke daa mbeni pepe; azo ti mbirimbiri ayeke daa fadeso pepe.

Abia (Psaumes) 12:3

Zo oko oko ayeke du mvene na li ti mba ti lo; tënë ti yanga ti ala anzere gi nzerengo, tënë ti be ti ala ayeke use use.

Abia (Psaumes) 69:8

Ndali ti mo laa mbi yeke kanga be na zonga ti azo si kamene agbu le ti mbi kue.

Amato 23:8

Na pekoni, kobe so mo te so, fade mo yeke de ni na sese. Andaa anzerengo tënë so kue mo tene fade na lo so, mo tene ni gi senge senge.

Amato 26:25

Ataa lo tene tënë na nzoni be, mo zia be ti mo na ndö ni pepe, ngbanga ti so aye ti sioni mingi asi singo na ya ti be ti lo.

Ésaïe 31:4

Tënë so *KOTA GBIA atene na mbi laa: “Tongana bamara wala kete bamara ayeke toto ti bata nyama so lo gbu ti te, ataa azo airi gba ti awabatango-taba ti ga na tere ti lo, mbeto ti dekongo ti ala asara lo pepe, lo yeke zia nyama ni ndali ti wusuwusu ti ala pepe. Ye ni ayeke duti ande legeoko tongaso ndali ti mbi KOTA GBIA so mbi yeke na ndö ti dunia kue, mbi yeke zu na ndö ti hoto ti *Sion, ti tiri bira kâ.”

Jérémie 11:19

Ti mbi, mbi yeke tongana molenge ti taba so a yeke gue na lo na ndo ti fango anyama. Mbi hinga pepe mbi tene, sioni mayere ti ala so ayeke ndali ti mbi. Ala tene: “E buba keke ni na ngangu ni kue! E zi lo na popo ti azo so ayeke na fini, e sara si zo oko akiri adabe na iri ti lo pepe!”

Jérémie 11:21

Ndani laa, tënë so KOTA GBIA atene na tere ti azo ti Anatot, azo so aye ti fâ mbi si ala tene: “Mo zia ti tene peko ti tënë ti yanga ti KOTA GBIA; tongaso pepe, fade e yeke fâ mo.”

Jérémie 20:10

Mbi yeke ma gi sioni tënë ti gba ti azo. Ala yeke di iri ti mbi: “Mbeto-mbage-na-mbage-kue”. Ambeni ayeke tene: “Ala gue na lo na ngbanga ma!” Ambeni ayeke tene ti ala: “Een, e yeke gue na lo!” Ataa amba ti mbi so mbi na ala e ye tere mingi, ala yeke ku ti baa wala mbi yeke girisa lege. Ala yeke tene na be ti ala, atene: “Tongana lo ti fade na ya ti handa ti lo wani, ka anzere mingi. Tongaso si fade e gbu lo si e kiri na lo peko ti sioni so lo sara na e”.

Jérémie 9:2

*KOTA GBIA atene: “Menga ti ala ayeke tongana kokora so a gboto ya ni. Ala yeke ga kota na ya ti kodro ni na lege ti taa-tënë pepe, me na lege ti mvene. Ala yeke sara gi sioni ti gue na ni, me mbi, ala hinga mbi pepe; so tënë ti yanga ti KOTA GBIA laa.

Jérémie 9:3

Ayeke nzoni zo oko oko asara hange na mba ti lo; ala zia be ti ala na ndö ti a-ita ti ala pepe, ngbanga ti so azo kue ayeke azo ti handango a-ita ti ala; ataa mba ti mo so mo ye lo mingi, lo yeke du mvene na li ti mo.

Jérémie 9:4

Ala oko oko kue ayeke handa amba ti ala; zo oko ayeke tene taa-tënë pepe. Ala leke menga ti ala ti tene gi atënë ti mvene. Ala sara sioni ngbii awoko ala.

Jérémie 9:5

Ndo ti dutingo ti ala ayeke gi na ya ti handango ndo. Na lege ti handa, ala ke ti hinga mbi; so tënë ti yanga ti KOTA GBIA laa.”

Matthieu 10:21

Fade azo ayeke mu a-ita ti ala titene azo afâ ala; babâ ayeke mu nga molenge ti lo titene azo afâ lo; amolenge ayeke ga wato ti babâ na mama ti ala ti mu ala titene azo afâ ala.

Marc 12:12

Amakonzi ti azuife agi lege ti gbu Jésus, ngbanga ti so ala hinga atene, lo tene toli so na ndö ti ala; me ala sara mbeto ti gba ti azo. Tongaso ala zia lo si ala gue.

Jean 7:5

Ataa a-ita ti lo, ala ma na be na lo pepe.

Awatokua 16:22

Gba ti azo ni atomboka na tere ti Paul na Silas. Akota wafango-ngbanga ni azi bongo na tere ti Paul na Silas na ngangu si ala mu yanga titene azo apika ala na fimbo.

Awatokua 18:12

Na ngoi so Galion ayeke govoronere ti sese ti Akayi, be ti azuife kue ake Paul. Ala gbu lo si ala gue na lo na ngbanga,