Jérémie 12:3 - Mbeti ti Nzapa - Tënë so amu fini

³ Ti mbi KOTA GBIA, mo hinga mbi, mo baa mbi, mo hinga so be ti mbi ayeke nduru na mo. Ti azo ti sioni, ayeke nzoni mo zia ala na mbage tongana ataba so a bata ala ti gue na ala na ndo ti fango anyama. Ayeke nzoni mo zia ala nde ti ku na lango ti fango ala.

Jérémie 12:3 Iomraidhean Croise

2 Agbia 20:3

“Ae! KOTA GBIA, mbi gbu gere ti mo, mo dabe ti mo so mbi sara ye na le ti mo na lege ti taa-tënë si mbi sara ni na be ti mbirimbiri. Mbi sara nga ye so ayeke nzoni na le ti mo.” Na pekoni Ezekias atoto mingi.

1 Mbai 29:17

Nzapa ti mbi, mbi hinga so mo laa mo yeke baa ya ti be ti zo si mo yeda na ye so ayeke mbirimbiri. Ti mbi, na be so ayeke mbirimbiri laa mbi mu aye so kue na mo na be ti mbi wani. Fadeso, mbi yeke na ngia ti baa azo ti mo so abongbi ge ti mu ye na mo na be ti ala wani.

Mbeti ti Job 23:10

Andaa lege so mbi hon daa, lo hinga ni nzoni. Tongana lo tara mbi, fade mbi yeke sigigi tarara tongana lôro.

Abia (Psaumes) 11:5

Be ti KOTA GBIA anzere na zo ti mbirimbiri; me be ti lo ake zo ti sioni nga na zo so kua ti lo ayeke ti sara ngangu na amba ti lo.

Abia (Psaumes) 139:23

Nzapa, baa ndo na ya ti be ti mbi kâ si mo hinga mbi nzoni; tara be ti mbi si mo hinga atënë so aso be ti mbi.

Abia (Psaumes) 17:3

Mo gi ya ti atënë ti be ti mbi awe. Na bi, mo ga ti gi ti hinga mbi nzoni, mo tara be ti mbi, mo wara ye oko pepe; tënë so mbi gbu li ti mbi daa, ni laa asigigi na yanga ti mbi pepe.

Abia (Psaumes) 26:1

Bia ti David. *KOTA GBIA, fâ ngbanga ti mbi mbirimbiri, ngbanga ti so tambula ti mbi alingbi kue si mbi zia be ti mbi na ndö ti KOTA GBIA, mbeni ye oko ti yingi mbi ayeke daa pepe.

Abia (Psaumes) 7:9

KOTA GBIA, mo so mo yeke fâ ngbanga ti amara nde, fâ ngbanga ti mbi alingbi na mbirimbiri ti mbi; tënë ayeke na li ti mbi pepe.

Jérémie 15:15

Mo KOTA GBIA, mo hinga ye kue! Dabe ti mo na mbi maa! Baa lege ti mbi maa! Mo kiri na azo ti sarango ngangu na mbi, peko ti sioni so ala sara na mbi! Ayeke nzoni mo kanga be ti ku ala kungo pepe, tongaso pepe, mbi yeke baa pasi. Ayeke nzoni mo hinga, mo tene, ndali ti mo laa mbi yeke kanga be na azonga ti azo ni so.

Jérémie 17:16

KOTA GBIA, mbi laa mbi pusu mo titene mo bi kpale na sese pepe. Mbi ye pepe titene lango ti kota kpale tongaso asi, mo hinga kue. Tënë so asigigi na yanga ti mbi, ni laa ayeke na le ti mo so.

Jérémie 17:18

Azo so ayeke sara ngangu na mbi so, ayeke nzoni kamene agbu le ti ala, me mbi pepe! Ayeke nzoni ala do na mbeto, me mbi pepe! Sara si lango ti kota kpale aga na ndö ti ala, mo fâ ala biani biani!

Jérémie 20:12

KOTA GBIA so ayeke na ndö ti dunia kue, mo laa mo hinga zo so ayeke mbirimbiri, mo laa mo hinga atënë ti be ti zo na agbungo li ti lo. Sara si mbi baa lege so mo kiri na awato ti mbi peko ti sioni so ala sara na mbi, ngbanga ti so mbi zia tënë ti mbi na maboko ti mo awe.

Jérémie 48:15

Ka so kodro ti Moab abuba kue awe so, azo alondo ti tiri bira na agbata ni si ala mu angangu maseka ti lo ti gue na ala na ndo ti fango azo so!” Gbia so iri ti lo ayeke KOTA GBIA so ayeke na ndö ti dunia kue, tënë so lo tene ayeke so:

Jérémie 50:27

Ala fâ angangu turugu ti lo kue, ala gue na aturugu ni na ndo ti fango azo! So ye ti mawa na aturugu ni! Biani, lango ni alingbi awe, ndembe so KOTA GBIA ayeke ga na tere ti ala!

Jérémie 51:4

Azo so awara ka, fade ala yeke lango na ndö ti sese ti Babilone; azo so akui na ya ti bira, fade kuâ ti ala ayeke ngba na ndö ti alege kirikiri.

Jean 21:17

Jésus akiri ahunda lo ti fani ota ni, atene: “Simon, molenge ti Jean, mo ye mbi?” Vundu asara Pierre, ngbanga ti so Jésus ahunda lo fani ota, atene: “Mo ye mbi?” Tongaso lo tene na Jésus: “Kota Gbia, mo hinga ye kue, mo hinga so mbi ye mo!” Jésus atene na lo: “Bata ataba ti mbi.

Jacques 5:5

Na sese so, ala duti na ya ti mosoro mingi si ala duti gi na ngia. Ala te ye, ala kono kirikiri tongana abagara so aku lango ti fango ala.

2 Pierre 2:12

Me sarango ye ti azo so ayeke tongana ti anyama so ahinga ndo pepe; anyama so a du ala gi titene azo agbu ala si afâ ala. Azo ni ayeke zonga ye so ala hinga nda ni pepe; fade ala yeke kui tongana anyama so.