Jérémie 12:2 - Mbeti ti Nzapa - Tënë so amu fini

² Mo lu ala tongana keke so agunda ni ali sese; ala yeke mai si ala yeke le. Iri ti mo ayeke na yanga ti ala lakue, me be ti ala ayeke yongoro na mo.

Jérémie 12:2 Iomraidhean Croise

Mbeti ti Job 24:12

Na ya ti kodro, azo ayeke dema tere ti ala; azo so awara ka ayeke dekongo, me Nzapa akanga mê ti lo na ndö ti aye ti mbana so.

Mbeti ti Job 5:3

Taa-tënë, mbi baa so dutingo ti mbeni zo ti buba ayeke nzoni mingi; me hio tongaso, mbi deba ndo ti lango ti lo, mbi tene:

Abia (Psaumes) 37:35

Mbi baa zo ti sioni so amu ngangu ti lo ti sara gi sioni na azo; lo kono ngbii lo ga tongana kota keke so angba fini ni.

Ésaïe 29:13

*KOTA GBIA atene: “Azo so ayeke ga nduru na mbi gi na lege ti atënë senge, ala yeke ne mbi gi na atënë ti yanga senge, me be ti ala ayeke yongoro na mbi. Kpengo so ala yeke kpe mbi ayeke gi na lege ti ndia so azo afa na ala.

Jérémie 11:17

KOTA GBIA so ayeke na ndö ti dunia kue laa alu keke ni. Ti fadeso, lo yeke iri kpale na ndö ti lo ndali ti sioni so azo ti Israel na azo ti Juda asara. Biani, ala zia ngonzo na be ti KOTA GBIA na lege so ala ya asandaga na *Baal.

Jérémie 3:10

Ataa ye so kue asi, ita ti lo ti wali Juda-wali-gbanambana akiri na mbi na be ti lo kue pepe, me na lege ti handango ndo”; so tënë ti yanga ti KOTA GBIA laa.

Jérémie 45:4

Baa, tënë so mo yeke tene na Baruk laa: Tënë so KOTA GBIA atene ayeke so: ‘Ye so mbi leke na nduzu, mbi yeke kungbi ni na sese; ye so mbi lu, mbi yeke gboto ni. Fade mbi yeke sara tongaso na ya ti kodro ni kue.

Ezekiel 33:31

Tongaso ala mingi aga si ala duti na dawa ti mo. Ala ma atënë ti mo, me ala sara ye alingbi na ni pepe. Ala yeke sara ye alingbi na ye so anzere na be ti ala, ala yeke gi gi ye so ala lingbi ti wara ye na peko ni.

Osée 7:14

Tongana ala yeke dekongo na mbi, ala yeke sara ni na be ti ala kue pepe. Me na ndö ti gbogbo ti ala, ala yeke dema, ala yeke suru tere ti ala na ka ti wara kobe na fini vin. Na sarango ye tongaso, ala yeke hon yongoro na tere ti mbi.

Habakuk 1:13

Le ti mo alingbi na bango asioni ye pepe, ngangu so zo ayeke sara na mba ti lo, mo lingbi ti yeda ti baa ni pepe. Azo so ayeke ka amba ti ala so, mo lingbi ti yeda ti baa ala? So azo ti sioni ayeke buba azo so ayeke mbirimbiri ahon ala so, mo ke ti zi yanga ti mo daa ngbanga ti nyen?

Matthieu 15:8

‘Azo so ayeke ne mbi gi na yanga ti ala senge, me be ti ala ayeke yongoro na mbi mingi.

Marc 7:6

Jésus akiri tënë na ala: “Ala azo so tënë ti yanga ti ala ayeke nde na sarango ye ti ala so, peko ti tënë ti yanga ti Nzapa so wayanga-Nzapa Ésaïe atene na ndö ti ala ando so, ayeke taa-tënë; a su na mbeti, atene: ‘Nzapa atene: Azo so ayeke ne mbi gi na yanga senge, me be ti ala ayeke yongoro na mbi mingi.

Tite 1:16

Ala tene na yanga ti ala atene, ala hinga Nzapa, me ye so ala yeke sara afa so, ala bere tënë ti lo awe. Ala yeke azo so sioni ti ala ahon ndoni, azo ti ngangu li, ala lingbi ti sara nzoni ye oko pepe.