Jérémie 12:12 - Mbeti ti Nzapa - Tënë so amu fini

¹² Na ndö ti alege so kue ayeke na benyama, azo ti bubango ye ayeke ga. Yongoro zeme ti KOTA GBIA ayeke fâ aye, ti londo na mbeni yanga ti kodro asi na mbeni yanga ni; zo oko ayeke na siriri mbeni pepe.

Jérémie 12:12 Iomraidhean Croise

Ésaïe 34:6

Mene amu tere ti yongoro zeme ti KOTA GBIA kue, mafuta amu tere ni kue, mo baa mo tene, mene ti akete taba na ti akoli-ngasa, mo baa mo tene, mafuta ti ya ti akoli-taba. Na Bosra, li-kodro ni, a mu *sandaga na KOTA GBIA. Na kodro ti Edom, a fâ azo kue.

Ésaïe 57:21

Nzapa ti mbi atene: “Siriri ayeke ndali ti azo ti sioni pepe.”

Jérémie 15:2

Tongana azo ni ahunda mo, atene: ‘E yeke gue na ndo wa?’, fade mo yeke kiri tënë na ala: ‘Tënë so KOTA GBIA atene ayeke so: Zo so a diko lo ti kui, fade lo yeke kui! Zo so a diko lo ti kui na ya ti bira, lo yeke kui na ya ti bira! Zo so a diko lo ti kui kuâ ti nzara, lo yeke kui na nzara! Zo so a diko lo titene a gue na lo na kodro wande, a yeke gue na lo na kodro wande!’

Jérémie 16:5

Biani, tënë so KOTA GBIA atene ayeke so: “Da so azo abongbi daa ti toto kuâ, mo li na ya ni pepe. Mo gue ti toto kuâ pepe, mo kangbi vundu ti azo ni pepe, ngbanga ti so siriri so mbi mu na ala, mbi zi ni awe; nzoni be so mbi sara na ala nga na bango mawa ti ala, mbi zi ni awe; so tënë ti yanga ti KOTA GBIA laa.

Jérémie 25:11

Fade kodro so kue ayeke ga ndo ti gba ti atêne si ayeke ga ye ti dongo be. Na ya ti ngu balembarambara, amara ni kue ayeke duti na gbe ti komandema ti gbia ti Babilone.

Jérémie 3:2

Mu le ti mo na nduzu, mo baa ndo kâ na li ti ahoto! Ndo wa laa mo lango na koli daa pepe? Mo duti na yanga ti alege ti ku andeko ti mo tongana *azaragina so aduti na benyama ti ku azo so ayeke hon na lege. Mo sara si kodro ni aga sioni awe na lege ti sarango aye ti ndumba nga na sarango ye ti kirikiri ti mo.

Jérémie 3:21

A ma go ti azo na li ti ahoto kâ: azo ti Israel laa ayeke toto si ayeke dema tere so, ngbanga ti so ala sara aye ti kirikiri mingi; ala girisa KOTA GBIA, Nzapa ti ala awe.

Jérémie 30:5

“Tënë so KOTA GBIA atene ayeke so: E ma dekongo ti ye ti mbeto; ye ti kota mbeto laa, me ti siriri pepe.

Jérémie 34:17

“Baa, tënë so KOTA GBIA atene ayeke so: Ala oko oko kue alingbi fade ti to mbela titene a zi a-ita ti ala na amba ti ala na gbe ti ngbaa; me ala ma yanga ti mbi pepe. Ndani laa, mbi KOTA GBIA, mbi to mbela titene a zi lege na bira, na sioni kobela ti bubango kodro nga na nzara ti ga na tere ti ala; so tënë ti yanga ti KOTA GBIA laa. Fade akodro-gbia kue ti sese ayeke do na kota mbeto na bango ala.

Jérémie 4:27

Tënë so KOTA GBIA atene ayeke so: “Fade kodro ni kue ayeke ga ngonda; me ye kue laa mbi yeke buba ni pepe.

Jérémie 46:10

Me ti Kota Gbia NZAPA so ayeke na ndö ti dunia kue, lango ni so ayeke lango ti kiringo peko ti sioni na azo; lango so lo yeke kiri peko ti sioni na awato ti lo. Yongoro zeme aga tongana mbeni sioni nyama; lo yeke fâ azo ngbii nzara ni ahunzi, lo yeke nyon mene ti ala ngbii asara lo tongana samba. Na kodro ti Banga, na tere ti bale ti Efrate, so *sandaga na Kota Gbia NZAPA so ayeke na ndö ti dunia kue!

Jérémie 47:6

Ala tene: ‘So mawa! Yongoro zeme ti KOTA GBIA, mo yeke wu ka tere ti mo pepe? Kiri na ya ti bozo ti mo, mo duti kpoo! Awe!’

Jérémie 48:2

Ye so ayeke sara gonda ti Moab ahunzi awe. Azo aleke tënë ti sara sioni na gbata ti Heshebon, ala tene: ‘E gue, e zi gbata so na popo ti amara!’ Madmen, mo nga a kanga yanga ti mo awe, bira ayeke tumba peko ti mo.

Jérémie 8:15

E yeke ku fade titene e duti na siriri, me mbeni nzoni ye oko ayeke daa pepe. E yeke ku fade mbeni ngoi titene kobela ti e akai, me gi kota mbeto laa aga.

Abia ti demango tere 3:17

Lo sara si siriri akpe mbi biani; mbi girisa anzerengo ye ti dunia kue awe.

Ezekiel 14:17

“Wala tongana mbi sara si bira aga na ya ti kodro ni, mbi yeke mu yanga na aturugu ti buba kodro ni nga ti fâ azo na anyama kue ti hunzi ala.

Ezekiel 21:28

Azo ti Jérusalem atene na be ti ala atene, tënë ti zeke so ayeke gi ye senge, ngbanga ti so a deba yanga na ala awe ti bata ala. Me gbia ti Babilone adabe ti ala na sioni ti ala; tongaso, a yeke gbu ala titene ala ga azo ti kanga.

Ezekiel 21:4

Fade azo kue ayeke baa atene, mbi KOTA GBIA laa mbi bi wâ ni; wâ ni yeke mingo pepe.”

Ezekiel 21:8

Fade mo yeke tene na azo ti Israel, mo tene: Tënë so mbi KOTA GBIA, mbi tene ayeke so: ‘Mbi yeke ga na tere ti ala, mbi yeke gboto yongoro zeme ti mbi na ya ti bozo ni si mbi yeke fâ ala kue, azo ti mbirimbiri na azo ti sioni.

Ezekiel 21:9

Biani, mbi ye ti fâ ala kue, azo ti mbirimbiri na azo ti sioni. Ndani laa mbi yeke gboto yongoro zeme ti mbi na ya ti bozo ni ti fâ na azo kue, ti londo na Mbongo ngbii asi na Banga.

Ezekiel 5:2

Tongana lango so awato angoro gbata ni ti mu na bira alingbi awe, fade mo yeke mu kozo mbage ni, mo gbi ni na be ti gbata ni. Mo yeke mu use mbage ni, mo fâ ya ni na yongoro zeme, mo ngoro na gbata ni kue. Mo yeke mu ota mbage ni, mo tuku ni na le ti nduzu si pupu amu ahon na ni; ti mbi, fade mbi yeke gboto yongoro zeme ti mbi ti tumba na peko ni.

Awayango-sandaga 26:33

Ti ala, mbi yeke tokua bira na tere ti ala si mbi yeke sara titene ala kangbi na popo ti amara nde. Kodro ti ala ayeke ga ngonda si agbata ti ala ayeke buba kue.

Amos 9:4

Tongana awato ti ala agbu ala ague na ala na kodro wande, kâ, mbi yeke mu yanga si a fâ ala kue. Le ti mbi ayeke ngba na ndö ti ala, mbi yeke sara sioni na ala, me mbi yeke sara nzoni na ala pepe.”

Sofonii 2:12

“Ala azo ti Etiopii nga, fade mbi yeke sara si ala kui na ya ti bira.”

Ndia ti fani use ni 32:42

Fade ale ti kokora ti mbi ayeke nyon mene ngbii ahon ndö ti ala, yongoro zeme ti mbi ayeke te kasa. Turugu oko ti awato ti mbi ayeke kpe pepe; ataa zo ni awara ka, ataa a gbu zo ni ti ga zo ti kanga, ala kue ye ni ayeke wara ala.’ ”

Aye so Nzapa afa 6:4

Tongaso, mbeni mbarata ni asigigi, tere ti lo abe tongana wâ. A mu ngangu na zo so aduti na ndö ti mbarata ni ti zi siriri na ndö ti sese titene azo afâ tere na popo ti ala. A mu nga na lo yongoro zeme.