Jérémie 12:10 - Mbeti ti Nzapa - Tënë so amu fini

¹⁰ Awabatango-taba mingi abuba yaka ti *vinye ti mbi; ala do na gbe ti gere ti ala yaka ti mbi, ala sara si pendere yaka so aga benyama, aga ngonda.

Jérémie 12:10 Iomraidhean Croise

Ésaïe 3:14

KOTA GBIA ague na *akangba na amakonzi ti azo ti lo na ngbanga, lo tene: “Ala laa abuba yaka ti vinye; aye so ala nzi na maboko ti azo ti mawa, ala zia ni na ya ti ada ti ala.

Ésaïe 43:28

Tongaso mbi bi buba na tere ti amakonzi so ayeke sara kua na ndo so a zia ni nde ndali ti mbi, mbi zia Jacob titene a fâ lo, mbi zia Israel na maboko ti awato ti lo titene ala zonga lo.

Ésaïe 63:18

E azo ti mo so e yeke nde si e yeke nzoni kue, e mu sese ni aga ti e aninga pepe. Awato ti e ado na gbe ti gere ti ala da ti mo so ayeke nde si ayeke nzoni kue.

Jérémie 23:1

“So mawa! Awabatango-taba azia ataba ti mbi, ala yeke kui si ala yeke kangbi kirikiri!” So tënë ti yanga ti *KOTA GBIA laa.

Jérémie 25:37

Ndali ti ngonzo ti wâ ti KOTA GBIA, gbagba ti ataba so ya ni ayeke fade na siriri, fadeso ya ni ade ngii,

Jérémie 25:38

mo baa mo tene, bamara so azia ndo ti lo si ahon. Kodro ti ala aga tongana benyama ndali ti aye ti mawa so bira abi ni kâ; nga ndali ti ngonzo ti wâ ti KOTA GBIA.

Jérémie 25:9

mbi yeke tokua titene a gi amara ti mbage ti Banga kue, so tënë ti yanga ti KOTA GBIA laa. Mbi yeke iri zo ti kua ti mbi Nabukodonosor, gbia ti Babilone, titene lo ga. Mbi yeke sara titene azo ni aga atuku na ndö ti kodro so; ala ga na tere ti azo ti kodro ni nga na tere ti amara so kue angoro kodro ni. Mbi yeke hunzi ala na amara ni kue. Mbi yeke sara si kodro ni ati biani biani si aga ye ti dongo be. Na bango kodro ni, fade azo ayeke huru yanga ti ala; so tënë ti yanga ti KOTA GBIA laa.

Jérémie 3:19

“Mbi tene na be ti mbi, mbi tene: Ae, mbi ye fade ti zia mo na kota ndo na popo ti amolenge ti mbi! Mbi ye fade ti mu na mo pendere kodro so ayeke pendere mingi ahon akodro ti dunia kue! Mbi ye fade ti mu kodro ni titene aga ye ti mo. Mbi tene nga na be ti mbi, mbi tene: Fade mo yeke di iri ti mbi ‘Babâ’, mo yeke kiri ti zia peko ti mo na mbi pepe.

Jérémie 39:3

Tongaso aturugu ti kota kamba kue ti gbia ti Babilone ali na ya ti gbata ni si ala duti na yanga ti gbagba so iri ni Ti-be-gbagba. Azo so aduti na ndo so ayeke Nergal-Sareser, kota komanda ti aturugu, lo na Samgar-Nebo, na Sar-Sekim, makonzi ti azo ti kua ti gbia, ala na tanga ti aturugu ti kota kamba kue ti gbia ti Babilone.

Jérémie 6:3

Azo aga na mbage ti lo tongana awabatango-taba so aga na anyama ti ala. Azo ni asara bâbâ ti ala na tere ti gbata ni, angoro ni kue; zo oko oko aduti na ndo ti lo, lo na aturugu ti lo.

Jérémie 9:10

KOTA GBIA atene: “Mbi yeke sara titene Jérusalem aga ndo so ye kue abuba daa; ndo so aga ndo ti lango ti *anzagua. Mbi yeke sara si agbata ti Juda aga gi ngonda, ndo so zo ayeke daa mbeni pepe.”

Ezekiel 34:2

“*Molenge ti zo, tene peko ti tënë ti yanga ti mbi na tere ti awabatango-zo ti Israel. Tene peko ti tënë ti yanga ti mbi na tere ti ala, mo tene: Tënë so Kota Gbia NZAPA atene ayeke so: Mawa na awabatango-zo ti Israel! Ala yeke gi kobe gi ndali ti ala wani! Awabatango-taba alingbi fade ti gi kobe ndali ti ataba pepe?

Ezekiel 34:5

Ataba ni akangbi kirikiri, ngbanga ti so wabatango ala ayeke daa pepe. Ataba ni aga kobe ti anyama kue ti ngonda; ala kangbi kirikiri.

Daniel 8:13

“Tongaso, mbi ma mbeni ange so ayeke tene tënë. Mbeni ange nde ahunda lo ti kozoni so, atene: ‘Aye so azo abaa na ya ti mbeni ye tongana bango-li so ayeke ninga ngbii asi lawa? A yeke zia lege ti mungo sandaga so a yeke mu na ya ti lango oko oko so ngbii asi lawa? Sioni sarango ye ti bubango ndo so ayeke ninga ngbii asi lawa? A yeke ngba ti do na gere ndo so a zia ni nde ndali ti Nzapa ngbii asi lawa? A yeke ngba ti do na gere aturugu ti yayu ngbii asi lawa?’

Zakarii 7:14

Tongana ti so kota pupu amu aye ahon na ni kirikiri, mbi kangbi ala na popo ti amara nde nde so ala hinga ala kozoni pepe. Kodro ni abuba kue na peko ti ala, mbeni zo ti kiri ti fono na ya ti kodro ni ayeke daa pepe. Kodro so lani ayeke mbeni nzoni kodro, kodro ni akiri aga ngonda awe.”

Nzoni Tënë so Luc asu na mbeti 21:14

Ala leke na be ti ala biani ti gi be ti ala kozoni pepe ndali ti tënë so ala yeke tene ti gbu koko ti ala.

Aye so Nzapa afa 11:2

Me mo zia ya ti gbagba ni, mo haka ni pepe, ngbanga ti so a zia ni na maboko ti azo ti amara nde si fade ala yeke do na gere na ya ti nze baleosio na use gbata so ayeke nde si ayeke nzoni kue.