Jérémie 12:1 - Mbeti ti Nzapa - Tënë so amu fini

¹ *KOTA GBIA, mo yeke mbirimbiri ahon ndoni, mbi lingbi ti dekite na mo pepe; me mbi ye ti hunda na mo tënë na ndö ti alege ti fango ngbanga ti mo: Ngbanga ti nyen si gigi ti azo ti sioni ayeke ga nzoni so? Ngbanga ti nyen si azo so ake tënë ti mo ayeke duti ti ala kpoo so?

Jérémie 12:1 Iomraidhean Croise

Tongo nda ti aye 18:25

Titene mo bongbi azo ti mbirimbiri na azo ti sioni kue ti fâ ala, so alingbi na mo pepe. So ti fa atene, zo ti mbirimbiri na zo ti sioni kue gi legeoko? Sarango ye tongaso alingbi na mo pepe! Lo so ayeke fâ ngbanga na ndö ti azo ti dunia kue, lo lingbi ti fâ ngbanga ti kirikiri tongana nyen?”

Esdras 9:15

KOTA GBIA, Nzapa ti Israel, mo yeke mbirimbiri! Laso, mo sara si ambeni zo na popo ti e angba na fini. Baa, e laa na gbe ti mo na asioni ye ti e na li ti e so! Ndali ti aye tongaso, zo oko alingbi ti luti fade na le ti mo pepe.”

Néhémie 9:33

Na ya ti aye so kue asi na e, mo sara ye mbirimbiri nga na lege ti taa-tënë; me ti e, e sara ye so ayeke sioni.

Mbeti ti Job 12:6

Ya ti da ti *azaragina ayeke na siriri, azo so ayeke gi yanga ti Nzapa ayeke duti kpoo, ngangu ti ala wani, ala baa ni tongana nzapa ti ala.

Mbeti ti Job 13:3

Ti mbi, mbi ye ti tene tënë na Nzapa, lo so ngangu ti lo ahon angangu kue; mbi ye ti ke na dawa ti lo tënë so lo bi na li ti mbi.

Mbeti ti Job 24:12

Na ya ti kodro, azo ayeke dema tere ti ala; azo so awara ka ayeke dekongo, me Nzapa akanga mê ti lo na ndö ti aye ti mbana so.

Mbeti ti Job 24:23

Andaa Nzapa azia lege na ala ti duti kpoo; me le ti lo ayeke na ndö ti sarango ye ti ala.

Mbeti ti Job 8:17

Agunda ti lo ahon na ndö ti tere, na ndö ti tere na popo ti atêne; keke ni ali ngbii na gbe ti kota têne.

Abia (Psaumes) 116:5

KOTA GBIA ayeke sara nzoni be na zo si lo yeke sara ye ti mbirimbiri; Nzapa ti e ayeke baa mawa ti zo.

Abia (Psaumes) 119:137

KOTA GBIA, mo yeke mbirimbiri, atënë ti fango ngbanga ti mo ayeke na legeni.

Abia (Psaumes) 119:75

KOTA GBIA, mbi hinga, mbi tene, atënë ti fango ngbanga ti mo ayeke mbirimbiri, pasi so mo sara na mbi ayeke na legeni.

Abia (Psaumes) 145:17

KOTA GBIA ayeke mbirimbiri na ya ti sarango ye ti lo kue, aye so kue lo yeke sara afa so lo yeke bata tënë ti yanga ti lo.

Abia (Psaumes) 37:1

Bia ti David. Ngonzo ti wâ agbu mo na tere ti azo ti sioni pepe, be asara mo ndali ti warango ye ti azo ti kirikiri pepe.

Abia (Psaumes) 37:35

Mbi baa zo ti sioni so amu ngangu ti lo ti sara gi sioni na azo; lo kono ngbii lo ga tongana kota keke so angba fini ni.

Abia (Psaumes) 51:4

Sukula asioni ti mbi kue; zi siokpari ti mbi si mbi ga *nzoni.

Abia (Psaumes) 51:6

Mbi sara siokpari so ake mo, ake gi mo oko; mbi sara ye so ayeke sioni na le ti mo. Tongaso, fade azo ayeke baa so mo yeke mbirimbiri na lege ti tënë ti yanga ti mo; fade ala yeke baa so fango ngbanga ti mo ayeke na legeni.

Abia (Psaumes) 92:7

Zo ti buba ahinga ye oko daa pepe, zo so li ti lo ayeke daa pepe ahinga nda ni oko pepe.

Amato 1:32

Ngangu li ti azo so li ti ala ayeke daa pepe laa ayeke fâ ala; kangango le na ndö ti akpale laa ayeke fâ azo so ahinga ndo pepe.

Zo ti bongbingo azo 8:14

Me na ndö ti sese so, ambeni ye ti senge senge ayeke daa: sioni so a lingbi fade ti sara na azo ti sioni, a kiri a sara ni na azo ti mbirimbiri; nzoni so a lingbi fade ti sara na azo ti mbirimbiri, a kiri a sara ni na azo ti sioni. Mbi tene tënë ni awe: ye so nga ayeke gi senge senge.

Ésaïe 41:21

*KOTA GBIA, Gbia ti Jacob atene: “Ala anzapa ti amara nde, ala ga afa nda ti tënë ti ala! Ala fa ye so ala sara awe, e baa!

Ésaïe 48:8

Taa-tënë, ala ma tënë ni pepe, ala hinga tënë pepe, ala zi mê ti ala ti ma tënë ni laoko pepe. Mbi hinga, mbi tene, ala yeke azo ti kango zo. Gi so ala de na ya ti mama ti ala, a iri ala ‘Azo ti ngangu li’.

Jérémie 11:20

Me mo, KOTA GBIA so mo yeke na ndö ti dunia kue, mo yeke fâ ngbanga mbirimbiri. Tënë ti be ti zo na ye so zo ayeke gbu li ti lo daa, mo hinga ni kue. Fade mbi yeke baa lege so mo yeke kiri na ala peko ti sioni so ala sara na mbi, ngbanga ti so mbi zia tënë ti mbi na maboko ti mo.

Jérémie 12:6

“Biani, ataa azo ti mara ti mo, ataa azo ti da ti mo, ala yeke ka mo; ala yeke bongbi gba ti azo ti sara sioni na mo, me mo hinga pepe. Tongana ala yeke tene anzerengo tënë na mo, mo zia be ti mo na ndö ti ala pepe.”

Jérémie 3:20

Me, ala azo ti Israel, ala handa mbi tongana wali so ayeke handa koli ti lo na lege ti mayere; so tënë ti yanga ti KOTA GBIA laa.

Jérémie 3:7

Mbi tene na be ti mbi, mbi tene: Na peko ti aye so kue lo sara, gbaa fade lo yeke kiri na mbi; me lo kiri pepe. Ita ti lo ti wali Juda-wali-gbanambana abaa na le ti lo ye so kue.

Jérémie 32:16

Na peko ti so mbi mu mbeti ti vongo yaka ni na Baruk, molenge ti Neria, mbi sambela *KOTA GBIA, mbi tene:

Jérémie 5:11

Azo ti Israel na azo ti Juda ahanda mbi biani awe”; so tënë ti yanga ti KOTA GBIA laa.

Jérémie 9:2

*KOTA GBIA atene: “Menga ti ala ayeke tongana kokora so a gboto ya ni. Ala yeke ga kota na ya ti kodro ni na lege ti taa-tënë pepe, me na lege ti mvene. Ala yeke sara gi sioni ti gue na ni, me mbi, ala hinga mbi pepe; so tënë ti yanga ti KOTA GBIA laa.

Abia ti demango tere 1:18

KOTA GBIA ayeke mbirimbiri; mbi laa mbi ke yanga ti lo. Ala azo ti mara kue, ala ma mbi si: ala baa nga pasi so mbi yeke na ni laa? Azo agbu amaseka-koli na amaseka-wali ti mbi, ahon na ala na kodro wande awe!

Ezekiel 18:25

Me ala yeke tene: ‘Sarango ye ti KOTA GBIA ayeke na legeni pepe!’ Ala azo ti Israel, ala ma tënë so nzoni: Mbi laa sarango ye ti mbi ayeke na legeni pepe? Wala ala laa sarango ye ti ala ayeke na legeni pepe?

Daniel 9:14

Ndani laa mo leke ye kue titene sioni kpale so asi na e, ngbanga ti so KOTA GBIA Nzapa ti e ayeke mbirimbiri na ya ti asarango ye ti lo kue; me e ke ti ma yanga ti mo.

Daniel 9:7

KOTA GBIA, mo yeke ti mo mbirimbiri, me ti e, gi kamene laa ayeke na le ti e. Ye ni laa e yeke baa laso na tere ti azo ti Juda nga na tere ti azo ti Jérusalem, na azo ti Israel kue, ataa ala so ayeke nduru wala ala so ayeke na yongoro ndo. Biani, azo ti mara ti e akangbi kirikiri na ando nde nde so mo tumba ala daa ndali ti so ala sara sioni so ake mo.

Osée 6:7

“Me ti ala, na ya ti gbata ti Adam, ala buba ya ti *mbuki ni awe. Kâ si ala ka mbi.

Habakuk 1:4

Ndani laa azo ayeke sara ye alingbi na ndia pepe, ala yeke fâ ngbanga na lege ti ndia pepe. Zo ti sioni ayeke hon ndö ti zo ti mbirimbiri, awafango-ngbanga ayeke fâ ngbanga kirikiri.

Sofonii 3:5

Andaa KOTA GBIA ayeke na ya ti gbata ni, lo yeke mbirimbiri, lo yeke sara ye ti sioni pepe. Lakue na ndaperere, lo yeke fâ ngbanga polele; lo zia lege ni pepe. Ataa so kue, kamene ayeke sara zo ti sioni pepe.

Malashii 2:17

Ala woko KOTA GBIA na atënë ti ala. Ala hunda ndo, atene: “Atënë ti nyen laa e woko lo na ni?” Ala woko lo na lege ti tënë so ala yeke tene: “Zo so asara ye ti sioni, lo laa lo yeke nzoni zo na le ti KOTA GBIA. Mara ti azo tongaso laa be ti KOTA GBIA anzere na ala”; wala ala yeke tene: “Nzapa so ayeke fâ ngbanga mbirimbiri so ayeke na ndo wa?”

Malashii 3:15

Ti fadeso, e lingbi ti tene: azo ti baba laa ayeke duti nzoni. Ataa azo ti sioni, aye ti ala ayeke ga nzoni. Tongana ala gi yanga ti Nzapa, ye oko ayeke sara ala pepe!’ ”

Ndia ti fani use ni 32:4

Nzapa ayeke Kota Têne ti batango e. Aye so kue lo sara ayeke nzoni kue, lege ti sarango aye ti lo kue ayeke mbirimbiri. Lo yeke Nzapa so ayeke sara ye alingbi na tënë ti yanga ti lo, lo yeke sara ye ti kirikiri pepe, lo yeke lakue mbirimbiri, lo yeke fâ ngbanga na legeni.