Jérémie 11:6 - Mbeti ti Nzapa - Tënë so amu fini

⁶ KOTA GBIA akiri atene na mbi: “To mbela na atënë so kue na ya ti agbata ti Juda nga na ndö ti alege ti Jérusalem, mo tene: ‘Ala ma atënë ti ya ti mbuki so, ala sara ye alingbi na ni!

Jérémie 11:6 Iomraidhean Croise

Abia (Psaumes) 15:5

Tongana lo sara boon ti nginza na mbeni zo, lo yeke hunda ti wara mbeni ye na ndö ni pepe. Tongana mbeni zo aye ti pete goro na lo titene lo tene mvene na li ti zo so tënë ayeke na li ti lo pepe, lo yeke ke. Zo so asara ye tongaso, mbeni ye ti yingi lo ayeke daa pepe.

Ésaïe 58:1

*KOTA GBIA atene: “Mo dekongo na kota go, mo ngba gi daa! Sara si azo ama go ti mo tongana tatalita! Fa na azo ti mbi kengo ndia ti ala, fa na amolenge ti Jacob siokpari ti ala.

Jérémie 19:2

Na pekoni, mo sigigi na yanga ti gbagba ti gbata so iri ni ti Fango-ta. Yanga ti gbagba ni ayeke baa ndo na mbage ti popo-hoto ti Hinom. Kâ, fade mo yeke to mbela na tënë so mbi yeke tene na mo.

Jérémie 2:2

“Gue mo to mbela na tënë so na mê ti azo ti Jérusalem, mo tene: Tënë so KOTA GBIA atene ayeke so: ‘Mbi dabe ti mbi na be ti mo so mo mu na mbi na ndembe so mo de maseka. Mo ye mbi ando tongana wali so amu koli fini fini. Mo yeke mu peko ti mbi na benyama, ndo so kâ zo alingbi ti lu ye daa pepe.

Jérémie 3:12

Gue mo to mbela na tënë so na mbage ti Banga, mo tene: KOTA GBIA atene: ‘Israel, wali-pupulenge, mo kiri maa! Tongana mo kiri na tere ti mbi, fade mbi yeke be le na mo pepe, ngbanga ti so nzoni be ti mbi angba lakue. Mbi yeke bata mo na be lakue pepe; so tënë ti yanga ti KOTA GBIA laa.

Jérémie 7:2

Mo luti na yanga ti da ti KOTA GBIA, mo to mbela na tënë so, mo tene: “Ala azo ti Juda kue, ala so ayeke li na yanga ti da so ti kuku na gbe ti KOTA GBIA, ala ma tënë ti lo si!

Zakarii 7:7

Ando, KOTA GBIA azia mara ti atënë tongaso na yanga ti awayanga-Nzapa ti tene ni awe. Ala tene tënë ni na ngoi so Jérusalem na agbata so angoro ni ayeke na siriri si na sese ti mbage ti Mbongo nga na ti *Kodro-ti-gbeni, azo asi singo daa.

Jean 13:17

Fadeso ala hinga ye ni awe. Ti ala nzoni tongana ala sara ye alingbi na ni!

Rome 2:13

Azo so ama tënë ti Ndia gi na mê ti ala aga nzoni na le ti Nzapa pepe, me azo so asara ye alingbi na tënë ti Ndia ni laa aga nzoni na le ti lo.

Ndia ti fani use ni 4:1

Moïse atene: Ala azo ti Israel, fadeso ala ma aye so ndia afa nga na atënë ti ndia so mbi yeke fa na ala titene ala sara ye alingbi na ni. Tongaso, fade ala yeke duti na fini si ala yeke gue ti mu sese so *KOTA GBIA, Nzapa ti akotara ti ala amu na ala.

Ndia ti fani use ni 4:5

Ala baa, mbi fa na ala aye so ndia afa nga na atënë ti ndia alingbi na yanga so KOTA GBIA Nzapa ti mbi amu na mbi. Na ndembe so ala yeke si ande na ya ti kodro so ala yeke mu ni titene aga ti ala, fade ala yeke sara ye alingbi na ni.

Jacques 1:22

Ala handa tere ti ala pepe: ala ma tënë ti Nzapa gi na mê pepe, me ala sara ye alingbi na ni.