Jérémie 11:4 - Mbeti ti Nzapa - Tënë so amu fini

⁴ Ando, mbi sara si akotara ti ala asigigi na sese ti Ezipte so ayeke tongana kota wâ so a yeke kporo wen na ya ni. Na ndembe ni so, mbi mu yanga na ala, mbi tene: Ala ma tënë ti mbi, ala sara ye so kue mbi mu yanga na ala ti sarango ni. Tongaso, fade ala yeke duti azo ti mbi si mbi, mbi yeke duti Nzapa ti ala.

Jérémie 11:4 Iomraidhean Croise

Tongo nda ti aye 17:8

Fade mbi yeke mu ndo so kue mo hon daa, so ti tene kodro ti Kanaan, ti mu ni biani biani na mo, na ahale ti mo. Mbi yeke duti Nzapa ti ala.”

1 Agbia 8:51

Biani, ala yeke azo ti mo, ala ga azo ti mo awe, ala so mo sara si ala sigigi na Ezipte, kodro so ala baa ando pasi daa ahon ndoni so.

2 Agbia 18:6

Lo ngba na lege ti KOTA GBIA, lo zia lege ti lo pepe. Lo sara ye alingbi gi na yanga so KOTA GBIA amu na Moïse.

Sigingo 20:6

Me azo so aye mbi si ala yeke sara ye alingbi na atënë ti yanga ti mbi, mbi yeke sara nzoni be na ahale ti ala ngbii asi na molongo saki oko.

Ésaïe 30:6

Nengo tënë na ndö ti anyama so ayeke na benyama ti Mbongo. Sese so azo ni ayeke hon daa ayeke sese ti vundu, sese ti ziango mbeto na be ti zo, sese so bamara na mama ti bamara, sioni ngbo nga na kota sioni nyama so akpa ngunde ayeke lango daa. Azo ni akanga akungba ti ala na amosoro ti ala na ndö ti alele nga na ndö ti azambala si ala yeke gue na ni na azo so alingbi ti sara nzoni ye oko na zo pepe.

Ésaïe 48:10

Mbi tara ala, me na ya ti wâ pepe tongana ti so a yeke tara wen ti nginza na ya ti wâ ti zi sioni daa. Me mbi tara ala na ya ti wâ ti aye ti vundu.

Jérémie 11:7

Biani, mbi gboto mê ti akotara ti ala na ndö ni, ti londo na ndembe so mbi sara si ala sigigi na sese ti Ezipte, ngbii asi laso; mbi mu ngoi ti mbi kue ti gboto mê ti ala na ndö ni si mbi kiri mbi tene: Ala ma tënë ti mbi.

Jérémie 24:7

Mbi yeke mu na ala be ti hinga so mbi yeke KOTA GBIA. Na be ti ala kue, fade ala yeke kiri na mbage ti mbi. Ala yeke duti azo ti mbi si mbi yeke duti Nzapa ti ala.

Jérémie 26:13

Ti fadeso, ala sara si lege ti dutingo ti ala na sarango ye ti ala akiri aga nzoni; ala ma yanga ti KOTA GBIA Nzapa ti ala! Tongaso, sioni kpale so lo tene tënë ti tokuango ni na ndö ti ala, lo yeke zia lege ni.

Jérémie 30:22

Fade ala yeke duti azo ti mbi si mbi yeke duti Nzapa ti ala.”

Jérémie 32:28

Ndani laa, tënë so mbi KOTA GBIA, mbi tene ayeke so: mbi yeke zia gbata so na maboko ti azo ti Babilone nga na Nabukodonosor, gbia ti Babilone; fade lo yeke mu ni.

Jérémie 38:20

Me Jérémie atene na lo: “A yeke zia mo na maboko ti ala pepe. Ayeke nzoni mo ma tënë ti KOTA GBIA so mbi yeke tene peko ni na mo so; ndali ni, fade mo yeke baa nzoni si mo yeke soo fini ti mo.

Ezekiel 11:20

Tongaso, fade ala yeke sara ye alingbi na aye so mbi fa nga na atënë ti andia ti mbi. Fade ala yeke duti azo ti mbi si mbi yeke duti Nzapa ti ala.

Ezekiel 14:11

Tongaso si azo ti Israel ayeke kiri ti gue yongoro na mbi pepe; ala yeke kiri ti ga *sioni ndali ti asioni ye ti ala pepe. Fade ala yeke duti azo ti mbi si mbi yeke duti Nzapa ti ala.” So tënë ti yanga ti Kota Gbia NZAPA laa.

Ezekiel 36:28

Tongaso, fade ala yeke duti na sese so mbi mu ando na akotara ti ala; ala yeke duti azo ti mbi si mbi yeke duti Nzapa ti ala.

Ezekiel 37:23

Ala yeke kiri ti ga *sioni pepe na lege ti vorongo afungo yanda, na lege ti sarango asioni ye so zo alingbi ti baa na le ti lo fani use pepe nga na lege ti asioni nde nde so ala sara. Mbi yeke zi ala na ando so kue ala duti daa si ala sara siokpari so; mbi yeke sara si ala ga *nzoni. Ala yeke duti azo ti mbi si mbi yeke duti Nzapa ti ala.

Ezekiel 37:27

Ndo ti dutingo ti mbi ayeke na popo ti ala; mbi yeke duti Nzapa ti ala si ala yeke duti azo ti mbi.

Daniel 3:26

Na pekoni, Nabukodonosor aga nduru na tere ti yanga ti du ti kota wâ ni si lo dekongo, lo tene: “Shadrak, Meshak na Abed-Nego, azo ti kua ti Nzapa so ayeke na ndö ti aye kue, ala sigigi aga ge!” Tongaso Shadrak, Meshak na Abed-Nego alondo na ya ti wâ ni si ala sigigi.

Awayango-sandaga 26:12

Mbi yeke tambula na popo ti ala; mbi yeke duti Nzapa ti ala si ala yeke duti azo ti mbi.

Awayango-sandaga 26:3

“Tongana ala sara ye alingbi na andia ti mbi, tongana ala bata atënë ti ndia ti mbi si ala sara ye alingbi na ni,

Zakarii 13:9

Fade mbi yeke mu ota mbage ti azo so angba na fini so, mbi yeke hon na ala na le ti wâ ti zi sioni ye na tere ti ala tongana ti so a yeke kporo wen ti nginza na ya ti wâ ti zi sioni ye na tere ni. Mbi yeke tara ala ti zi sioni ye na tere ti ala tongana ti so a yeke tara lôro na le ti wâ ti zi sioni ye na tere ni. Fade ala yeke iri mbi ti mu maboko na ala; ti mbi, mbi yeke ma ala. Mbi yeke tene: ‘Ala yeke azo ti mbi’, ala yeke tene: ‘KOTA GBIA ayeke Nzapa ti e.’ ”

Zakarii 6:15

Azo so ayeke na yongoro ndo ayeke ga ande ti kiri ti leke kota da ti KOTA GBIA. Tongaso, fade ala yeke hinga atene, KOTA GBIA so ayeke na ndö ti dunia kue laa atokua mbi na ala. Ye ni ayeke si ande tongana ala ma yanga ti KOTA GBIA, Nzapa ti ala biani.

Zakarii 8:8

Fade mbi yeke kiri na ala si ala yeke duti na Jérusalem. Ala yeke duti azo ti mbi si mbi yeke duti Nzapa ti ala. Mbi yeke sara komandema na ndö ti ala na lege ti batango tënë ti yanga ti mbi na fango ngbanga ti mbirimbiri.”

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

2 Korente 6:16

Nyen laa abongbi da ti Nzapa na anzapa nde, nyen? E yeke tongana da ti Nzapa, lo so lo yeke na fini. Nzapa wani atene: “Fade mbi yeke duti na popo ti azo ni si mbi yeke tambula na popo ti ala; mbi yeke duti Nzapa ti ala si ala yeke duti azo ti mbi.”

Ndia ti fani use ni 11:27

Tongana ala ma andia ti KOTA GBIA so mbi fa na ala laso, fade KOTA GBIA Nzapa ti ala ayeke sara tufa na ndö ti ala.

Ndia ti fani use ni 4:20

Me ti ala, azo ti Israel, KOTA GBIA amu ala, lo sara si ala sigigi na sese ti Ezipte, ndo so ala baa pasi daa tongana ti zo so ayeke na ya ti kota fur. Lo sara si ala ga azo ti lo wani, tongana ti so ala yeke laso.

Ndia ti fani use ni 5:6

“Mbi yeke KOTA GBIA Nzapa ti mo; mbi laa mbi sara si mo sigigi na sese ti Ezipte, ndo so mo yeke lani ngbaa daa.

Ahebro 5:9

So lo sara aye so kue lo lingbi fade ti sara awe, Jésus aga zo ti songo azo so kue ayeke ma yanga ti lo si lo yeke sara titene ala duti na fini lakue lakue.

1 Samuel 15:22

Samuel akiri atene: “Asandaga so a yeke gbi ni kue na wâ nga na ambeni sandaga anzere na be ti KOTA GBIA ahon mango yanga ti lo? Mango yanga ayeke nzoni mingi ahon asandaga; mango tënë ayeke nga nzoni mingi ahon anyama ti mafuta.