Jérémie 11:3 - Mbeti ti Nzapa - Tënë so amu fini

³ Fade mo yeke tene na ala: Tënë so KOTA GBIA, Nzapa ti Israel atene ayeke so: Deba aga na ndö ti zo so abata tënë ti ya ti mbuki so pepe!

Jérémie 11:3 Iomraidhean Croise

Jérémie 17:5

Tënë so *KOTA GBIA atene ayeke so: “Deba aga na ndö ti zo so be ti lo ahon yongoro na mbi, lo so lo zia be ti lo na ndö ti azo si lo yeke gi ngangu ti lo na lege ti senge zo ti sese!

Jérémie 22:9

Tongaso, fade a yeke kiri tënë na ala: ‘Ayeke ndali ti so azo ti gbata ni abuba ya ti *mbuki so ala na KOTA GBIA Nzapa ti ala asara: ala kuku na gbe ti anzapa nde ti voro ala.’ ”

Jérémie 31:32

Mbuki ni ayeke duti nde na ti so lani mbi na akotara ti ala e sara na ngoi so mbi gbu maboko ti ala ti sigigi na ala na Ezipte. Akotara ti ala abuba tënë ti ya ti mbuki ni, ataa so mbi laa mbi yeke lani wa ti ala; so tënë ti yanga ti KOTA GBIA laa.

Jérémie 48:10

Deba aga na ndö ti zo so ayeke sara kua ti KOTA GBIA na wokongo tere! Deba aga na ndö ti zo so ake titene yongoro zeme ti lo atuku mene!

Ndia ti fani use ni 27:26

‘Deba aga na ndö ti zo so ayeke baa atënë ti ndia ti Nzapa tongana senge ye si lo yeke sara ye alingbi na ni pepe!’ Fade azo kue ayeke kiri tënë, atene: ‘Amen!’ ”