Jérémie 11:23 - Mbeti ti Nzapa - Tënë so amu fini

²³ Zo oko ayeke ngba na fini pepe, na ngu so mbi yeke ga na tere ti azo ti Anatot si mbi yeke tokua kpale na ndö ti ala.”

Jérémie 11:23 Iomraidhean Croise

Jérémie 11:19

Ti mbi, mbi yeke tongana molenge ti taba so a yeke gue na lo na ndo ti fango anyama. Mbi hinga pepe mbi tene, sioni mayere ti ala so ayeke ndali ti mbi. Ala tene: “E buba keke ni na ngangu ni kue! E zi lo na popo ti azo so ayeke na fini, e sara si zo oko akiri adabe na iri ti lo pepe!”

Jérémie 23:12

Ndani laa, fade lege ti ala ayeke *zene zenengo. Ala yeke pika gere ti ala na ya ti vukongo ndo si ala yeke ti. Biani, fade mbi yeke sara si sioni kpale aga na ndö ti ala na ndembe so mbi yeke ga na tere ti ala; so tënë ti yanga ti KOTA GBIA laa.”

Jérémie 44:27

Fade le ti mbi ayeke kpengba na ndö ti ala ti sara sioni na ala, me ti sara nzoni pepe. Azo ti Juda so kue ayeke na kodro ti Ezipte, fade ala yeke kui na lege ti bira na kota nzara ngbii, ala hunzi kue.

Jérémie 46:21

Aturugu ti kodro wande so Ezipte afuta ala, ala yeke tongana abagara ti mafuta. Ala nga, ala zia peko ti ala na amba ti ala awe, ala kue, ala kpe legeoko. Ala gbu le ni pepe na lango so ye ti vundu ayeke ga na ndö ti ala, na ndembe so mbi yeke ga na tere ti ala.

Jérémie 48:44

Zo so ayeke kpe na dawa ti kota mbeto, lo yeke ti na ya ti kota du; zo so ayeke londo na ya ti du ni ti sigigi, lo yeke ti na ya ti gbanda. Biani, mbi yeke sara si ye so aga na ndö ti Moab na ngu so mbi yeke ga na tere ti lo; so tënë ti yanga ti KOTA GBIA laa.

Jérémie 5:29

Fade mbi yeke ga na tere ti azo tongaso pepe? Ti mara ti azo tongaso, mbana alingbi na mbana pepe? So tënë ti yanga ti KOTA GBIA laa.

Jérémie 5:9

Fade mbi yeke ga na tere ti azo tongaso pepe? Ti mara ti azo tongaso, mbana alingbi na mbana pepe? So tënë ti yanga ti KOTA GBIA laa.

Jérémie 50:27

Ala fâ angangu turugu ti lo kue, ala gue na aturugu ni na ndo ti fango azo! So ye ti mawa na aturugu ni! Biani, lango ni alingbi awe, ndembe so KOTA GBIA ayeke ga na tere ti ala!

Jérémie 6:9

Tënë so *KOTA GBIA so ayeke na ndö ti dunia kue atene ayeke so: “Tongana ti so a yeke ro ale ti *vinye so angba na ya ti keke, ayeke nzoni ala ro azo ti Israel so angba na fini so. Ala gi ndo mbirimbiri tongana ti so zo ti kongo ale ti vinye ayeke gi ndo na tere ti amaboko ti keke ti vinye.”

Jérémie 8:12

Kamene alingbi fade ti gbu le ti ala ndali ti asioni ye so ala yeke sara si zo alingbi ti baa na le ti lo fani use pepe; me kamene agbu le ti ala oko pepe. Ala hinga atene, so sioni ye laa ala yeke sara so pepe. Ndani laa KOTA GBIA atene: Ala yeke ti legeoko na tanga ti azo so ayeke ti. Na ndembe so mbi yeke ga na tere ti azo ni, ala nga, ala yeke ti.”

Osée 9:7

Ngoi titene Nzapa aga ti kiri na ala peko ti sioni ti ala alingbi awe, ngoi ti futango ala alingbi awe; ayeke nzoni azo ti Israel ahinga ni. Ala yeke tene: “Li ti wayanga-Nzapa so atomboka awe! Zo so ayeke na yingo so ayeke tene tënë kirikiri!” Biani, li ti mbi atomboka ndali ti gba ti sioni ti ala nga ndali ti kota sioni be ti ala.

Abdias 1:18

Fade ahale ti Jacob ayeke ga tongana wâ si ahale ti Joseph ayeke ga tongana menga ti wâ. Me ahale ti Ezau ayeke ga tongana holengo pere so a zia wâ daa si agbi kue. Fade mbeni zo oko ti mara ti Ezau ayeke ngba na fini pepe.” *KOTA GBIA laa atene tënë so.

Mishe 7:4

Zo ti nzoni na popo ti ala ayeke tongana aki; zo ti mbirimbiri na popo ti ala ayeke sioni ahon gba ti akeke ti ki. Lango ti fango ngbanga na ndö ti ala alingbi awe, lango so asanziri ti ala, awayanga-Nzapa, atene tënë ni kozoni awe so. Fadeso be ti ala afun kue awe.

Nzoni Tënë so Luc asu na mbeti 19:44

Awato ti mo ni ayeke nika mo na azo ti mo kue; mbeni têne oko ayeke ngba na ndö ti mba ti lo pepe, ngbanga ti so lango so Nzapa aga ti baa mo asi awe, me mo hinga ni pepe!”