Jérémie 11:19 - Mbeti ti Nzapa - Tënë so amu fini

¹⁹ Ti mbi, mbi yeke tongana molenge ti taba so a yeke gue na lo na ndo ti fango anyama. Mbi hinga pepe mbi tene, sioni mayere ti ala so ayeke ndali ti mbi. Ala tene: “E buba keke ni na ngangu ni kue! E zi lo na popo ti azo so ayeke na fini, e sara si zo oko akiri adabe na iri ti lo pepe!”

Jérémie 11:19 Iomraidhean Croise

Mbeti ti Job 28:13

Azo ahinga taa ngere ti lo pepe; na popo ti azo so angba na fini, a yeke wara nga lo pepe.

Abia (Psaumes) 109:13

Ayeke nzoni a zi *ahale ti lo biani biani si na ya ti angu so ayeke ga na peko so, zo akiri ama iri ti ala pepe!

Abia (Psaumes) 112:6

Biani, mbeni ye ayeke yingi lo laoko pepe; azo ayeke dabe ti ala na zo ti mbirimbiri kpu na kpu.

Abia (Psaumes) 116:9

Tongaso, fade mbi yeke tambula na dawa ti KOTA GBIA, na kodro ti azo so angba na fini.

Abia (Psaumes) 142:5

Baa ndo na mbage ti maboko ti mbi ti koli si: zo oko ti hinga mbi ayeke daa pepe. Mbeni ndo titene mbi kpe daa ti bata tere ti mbi ayeke daa pepe, tënë ti fini ti mbi agbu be ti zo oko pepe.

Abia (Psaumes) 27:13

Mbi hinga biani so fade mbi yeke ngba na fini na ndö ti dunia so ti baa anzoni ye so KOTA GBIA ayeke sara.

Abia (Psaumes) 31:13

Be ti azo agirisa na mbi tongana ti so be ti azo ayeke girisa na zo so akui awe. Mbi yeke tongana gbagba ta so a bi ni awe.

Abia (Psaumes) 35:15

Me so mbi ti awe, ala bongbi tere ti ala ti he mbi; awande, azo so mbi hinga ala pepe, ala bongbi tere ti ala ti dekongo na li ti mbi lakue.

Abia (Psaumes) 52:5

Mo ye ti mo sioni ye ahon nzoni ye; mo ye tënë ti mvene ahon taa-tënë. Luti kete

Abia (Psaumes) 83:4

Ala leke tënë na hondengo ni na tere ti azo ti mo, ala ma tere ti sara sioni na azo so mo yeke bata ala.

Amato 10:7

Zo ti mbirimbiri, be ti azo ayeke girisa na lo pepe; me ti zo ti sioni, be ti azo ayeke girisa na lo biani biani.

Amato 24:15

Mo zo ti sioni, mo honde tere ti mo pepe titene mo buba da ti zo ti mbirimbiri; aye so ayeke na ndo ti lango ti lo, mo nzi ni pepe.

Amato 7:22

Gi hio tongaso, lo mu peko ti wali ni tongana bagara so a yeke gue na lo na ndo ti fango lo. Lo ga tongana buba zo so a akanga lo ti pika lo

Ésaïe 32:7

Ti zo ti handango ndo, kua ti lo ayeke ti sarango sioni mingi na zo: lo yeke leke aye na mayere ti sara sioni na wayere na tenengo mvene na li ti wayere ni. Andaa wayere ni ahunda gi ye so ayeke ti lo.

Ésaïe 38:11

Mbi kiri mbi tene na be ti mbi, mbi tene: na ndö ti sese so azo angba na fini daa so, mbi yeke kiri ti baa *KOTA GBIA pepe, mbi yeke kiri ti baa le ti mbeni zo pepe na popo ti azo ti dunia so.

Jérémie 1:19

Fade ala yeke tiri na mo, me ala yeke hon ndö ti mo pepe, ngbanga ti so mbi yeke na mo ti zi mo na maboko ti ala; so tënë ti yanga ti KOTA GBIA laa.”

Jérémie 18:18

Tongaso azo ni atene: “Ala ga, e leke tënë na tere ti Jérémie. Awayango-sandaga ayeke daa, fade ala yeke ngba ti fa na e atënë ti ndia. Azo ti ndara ayeke daa, fade ala yeke mu na e awango senge. Awayanga-Nzapa atia pepe, fade ala yeke tene na e peko ti atënë ti yanga ti Nzapa senge. Ala ga, e tene asioni tënë ti buba iri ti Jérémie. Atënë so asigigi na yanga ti lo so, e dingi mê ti e ti ma ni oko pepe.”

Jérémie 20:10

Mbi yeke ma gi sioni tënë ti gba ti azo. Ala yeke di iri ti mbi: “Mbeto-mbage-na-mbage-kue”. Ambeni ayeke tene: “Ala gue na lo na ngbanga ma!” Ambeni ayeke tene ti ala: “Een, e yeke gue na lo!” Ataa amba ti mbi so mbi na ala e ye tere mingi, ala yeke ku ti baa wala mbi yeke girisa lege. Ala yeke tene na be ti ala, atene: “Tongana lo ti fade na ya ti handa ti lo wani, ka anzere mingi. Tongaso si fade e gbu lo si e kiri na lo peko ti sioni so lo sara na e”.

Jérémie 26:8

So Jérémie ahunzi ti tene atënë so KOTA GBIA amu yanga na lo ti tene na azo so kue awe, awayango-sandaga, awayanga-Nzapa na azo kue agbu lo si ala tene: “Mo lingbi na kuâ!

Abia ti demango tere 3:60

Ala kiri peko ti sioni na mbi, asioni so ala leke ti sara na mbi so, mo baa ni kue na le ti mo.

Ezekiel 32:24

“Baa, gbia ti Elam laa, lo na azo ti lo so ayeke gbani gbani; adu ti kuâ ti ala angoro ti ti lo kue. A fâ ala kue na ya ti bira. Azo so afâ ganza pepe si ayeke zia lani kota mbeto na be ti azo so angba na fini na ndö ti dunia so, ala zu yongoro kâ na gbe ti sese awe. Kamene ahon ndö ti ala, ala na azo so azu na ya ti du ti kuâ.

Daniel 9:26

Na peko ti ngoi baleomene na use so, fade a yeke fâ zo so a tuku mafuta na li ti lo so; zo oko ayeke mu maboko na lo pepe. Na pekoni mbeni makonzi ayeke londo, lo na aturugu ti lo ayeke ga ti buba gbata ni nga na ndo so a zia ni nde ndali ti Nzapa. Me na ndani, lango ti makonzi ni ayeke hunzi na lege ti ngonzo ti Nzapa so ayeke tuku na ndö ti lo. Me lo yeke sara bira ngbii asi na lango ti kuâ ti lo si lo yeke buba ndo kue alingbi na ye so a diko ndali ti lo.

Osée 9:8

Zo so ayeke sara sanziri ti azo ti Efraim ayeke mbi wayanga-Nzapa. Mbi yeke nduru na Nzapa ti mbi. Me azo ayeke zia kuku ti gbu na mbi na ndö ti alege so kue mbi yeke hon daa. Ataa na ya ti da ti Nzapa ti mbi, ala yeke sara ngangu na mbi.

Wungo ti azo 1:14

ti mara ti Gad: Eliasaf, molenge ti Deuel;