Jérémie 11:12 - Mbeti ti Nzapa - Tënë so amu fini

¹² Azo ti agbata ti Juda na azo ti Jérusalem ayeke gue ti voro tere ti ala na anzapa so ala yeke zö dukani na ala, me anzapa ni ayeke soo ala oko pepe na ndembe so ye ti ngangu ayeke si na ala.

Jérémie 11:12 Iomraidhean Croise

2 Mbai 28:22

Na ngoi so gbia Ahaz ayeke na ya ti kpale so, lo ngba ngbango ti sara sioni mingi so ake KOTA GBIA.

Ésaïe 45:20

Ala, amara nde so angba na fini, ala bongbi tere ti ala, ala ga! Ala ga legeoko. Azo so ayeke yo ayanda ti ala ti keke, ala so ayeke sambela nzapa so alingbi ti soo zo pepe, ala hinga ndo pepe.

Ésaïe 46:7

Ala yeke zia nzapa ni na ndö ti go ti ala, ala yo lo, ague na lo si azia lo na ndo ti lo. Nzapa ni ayeke ngba gi na ndo ni so, lo yeke gue na mbeni ndo pepe. Ataa zo adekongo na lo, lo yeke kiri tënë pepe. Lo lingbi ti soo zo ni pepe na ya ti ye ti ngangu.

Jérémie 18:15

Me be ti azo ti mbi agirisa na mbi awe! Ala zö dukani na anzapa so ayeke taa Nzapa pepe. Na ndö ti alege so ala yeke hon daa, anzapa ni asara si ala ti. Lege so ando ala mu ni, anzapa ni ague na ala na mbeni lege nde; ambeni lege so azo ade asuru ni pepe.

Jérémie 2:28

Fade mbi yeke kiri tënë na ala, mbi tene: ‘Anzapa ti ala so ala leke ala so ayeke na ndo wa? Tongana ye ti ngangu asi na ala, ayeke nzoni anzapa ni aga asoo ala ma! Biani, ala azo ti Juda, ala yeke na anzapa gbani gbani alingbi na wungo ti agbata ti ala.’

Jérémie 44:8

Ala ye ti zia ngonzo na be ti mbi na lege ti asarango ye ti ala? Biani, ala mu asandaga na anzapa nde na kodro ti Ezipte so ala ga aduti daa so! Ala ye ti hunzi kue titene ala ga tapande ndali ti azo so ayeke deba amba ti ala na ye ti kamene ndali ti amara kue ti dunia?

Ndia ti fani use ni 32:37

Fade lo yeke hunda ala, atene: ‘Anzapa ti ala ni ayeke na ndo wa? Anzapa so ala yeke kpe na mbage ti ala ti bata tere ti ala lani so!

Ndia ti fani use ni 32:38

Anzapa ti ala so ayeke te lani akasa ti mafuta ti asandaga ti ala, azo ti Israel so ayeke na ndo wa? Anzapa ti ala so ayeke nyon lani asamba so ala tuku ni ti ya na sandaga so. Ala londo fadeso amu maboko na ala ma! Ala ga fadeso ti bata ala ma!

Awafango-ngbanga 10:14

Ala gue! Ala dekongo na anzapa so ala soro ala so ma! Anzapa ni asoo ala na ngoi so ala yeke na ya ti kpale ma!”