Jérémie 10:9 - Mbeti ti Nzapa - Tënë so amu fini

⁹ A mu wen ti nginza so a pika ni pikango na Tarsis si a ga na ni; a mu nga lôro so alondo na Ufaz si a sara na ayanda ni. Zo ti sarango ye na kode laa aleke ni, wakode-kua ti lôro abaa lege ni. Na pekoni, ala yu na ayanda ni bongo so nzoroko ni akpa le ti nduzu, wala bongo so abe bengo. Andaa wakode-kua laa asara aye so kue.

Jérémie 10:9 Iomraidhean Croise

1 Agbia 10:22

Biani, gbia ayeke na amangboko ti Tarsis so ayeke tambula na le ti kota ngu-ingo legeoko na amangboko ti gbia Hiram. Lakue na peko ti ngu ota ota, amangboko ti Tarsis ayeke yo gba ti lôro, wen ti nginza, pembe ti doli, amakako nga na apendere ndeke ti ga na ni.

2 Mbai 9:21

Biani, gbia ayeke na amangboko so ayeke gue na Tarsis; azo ti gbia Hiram laa ayeke kpe na ni. Lakue na peko ti ngu ota ota, amangboko ti Tarsis ayeke yo gba ti lôro, wen ti nginza, pembe ti doli, amakako nga na apendere ndeke ti ga na ni.

Abia (Psaumes) 115:4

Anzapa ti amara nde, a sara ala na wen ti nginza nga na lôro, maboko ti zo laa asara ala.

Abia (Psaumes) 72:10

Agbia ti kodro ti Tarsis na ala ti azoa so ayeke yongoro kâ ayeke tokua na lo akadoo; agbia ti kodro ti Saba na ala ti Seba ayeke futa lapo na lo.

Ésaïe 23:6

Ala fâ kota ngu-ingo ni ngbii ala si na Tarsis; ala azo so ayeke lango na tere ti ngu so, ala he bia ti demango tere!

Ésaïe 40:19

Yanda? Wakode-kua laa akporo wen si asara na ni; zo ti sarango ye na kode azia lôro na tere ni, lo zia na go ti lo aye ti go so a sara na wen ti nginza.

Ezekiel 27:12

“Mo na azo ti Tarsis ayeke de buze ti amosoro ndenge na ndenge, gbani gbani. Ala yeke vo akungba ti mo na wen ti nginza, wen, eten nga na plon.

Ezekiel 27:7

Ala mu abongo ti *len ti Ezipte, ala kpo apendere nzoroko na tere ni, ala kanga na nduzu ti sara si pupu amu mo, atambula na mo na le ti ngu. Bongo ni asara si azo ahinga mo, ataa mo ngba yongoro. Bongo so nzoroko ni akpa le ti nduzu na bongo ti ngangu ngere so alondo na Shipre si aga, ala yeke kanga na ndö ti akungba.

Daniel 10:5

So mbi yo le ti mbi na nduzu, mbi baa mbeni zo aluti, lo yu bongo ti *len si kamba ti ndö ti bongo ti lo ayeke na lôro ti nzoni ni.

Osée 8:6

Kete bagara ti Samarii ni alondo na Israel, mbeni zo ti sarango ye na kode laa aleke ni; kete bagara ni ayeke Nzapa pepe. Biani, fade a yeke fâ ya ti lo kete kete.

Jonas 1:3

Me Jonas alondo ti lo ti kpe ti gue na Tarsis, yongoro na le ti KOTA GBIA. Lo gue, lo si na Zafa. Kâ, lo wara mbeni mangboko so ayeke gue na Tarsis. Lo futa mangboko ni si lo na azo ti ya ni kue alondo ti gue na Tarsis, yongoro na le ti KOTA GBIA.

Habakuk 2:19

“Mawa na mo, mo so mo tene na nduru keke, mo tene: ‘Londo!’, wala mo tene na têne so ayeke buburu, mo tene: ‘Zingo!’ Têne ni ayeke fa ye na zo? Ataa a kanga lôro na wen ti nginza na tere ni, lo yeke na fini pepe.