Jérémie 10:25 - Mbeti ti Nzapa - Tënë so amu fini

²⁵ Mo tuku ngonzo ti mo ti wâ na ndö ti amara so ahinga mo pepe, na ndö ti azo so ayeke voro mo pepe. Biani, azo ni afâ azo ti mo, ahunzi ala, ala sara si kodro ti azo ti mo aga ngonda.

Jérémie 10:25 Iomraidhean Croise

Mbeti ti Job 18:21

Ala tene: “Baa, gi ye so angba na zo ti sioni na sewa ti lo laa! Baa, ndo so azo aye lani ti hinga Nzapa pepe so laa!”

Abia (Psaumes) 14:4

KOTA GBIA atene: “Azo so kue ayeke sara sioni so, ala hinga ye oko pepe? Ala yeke te azo ti mbi na mbana tongana ti so ala yeke te kobe ti ala, ala ke ti hunda ye na mbi.”

Abia (Psaumes) 147:20

Aye ni so, lo sara ni na ambeni mara pepe, amara ni ahinga atënë ti ndia ti lo pepe. Aleluya!

Abia (Psaumes) 27:2

Tongana azo ti sioni aga ti tiri na mbi, ti doroko mbi tongana nyama ti ala, ala so ayeke awato ti mbi, ala so ake mbi, fade ala wani ayeke woko si ala ti na sese.

Abia (Psaumes) 69:24

Ayeke nzoni le ti ala avuko si ala kiri abaa ndo pepe! Mo sara si peko ti ala aba bango lakue!

Ésaïe 43:22

*KOTA GBIA atene: “Israel, mbi laa mo iri mbi pepe; me mo Jacob, be ti mo awoko na mbi awe.

Ésaïe 64:7

Andaa mo KOTA GBIA laa, mo yeke babâ ti e. E yeke tongana sese ti sarango na ta si mo yeke tongana wasarango-ta; e kue, maboko ti mo laa asara e.

Ésaïe 9:12

KOTA GBIA apika azo ti lo, me ala kiri na mbage ti lo pepe; KOTA GBIA so ayeke na ndö ti dunia kue, ala gi lo pepe.

Jérémie 11:1

Tënë ti *KOTA GBIA asi na Jérémie atene:

Jérémie 30:16

Me azo so kue ate mo, fade a yeke te ala; azo so kue be ti ala ake mo, fade a yeke gbu ala ti gue na ala na kodro wande; azo so anzi aye ti mo, fade a yeke nzi aye ti ala; azo so kue agbu aye ti mo, fade a yeke gbu aye ti ala.

Jérémie 50:17

Israel ayeke lani tongana taba so agirisa si abamara ayeke tumba peko ti lo. Kozo bamara so ate Israel ayeke gbia ti Asirii. Na pekoni Nabukodonosor, gbia ti Babilone aga, lo kungbi abio ti lo.

Jérémie 50:7

Azo so kue awara ala ayeke te ala. Awato ti ala ayeke tene: ‘E sara ti e sioni oko pepe! Biani, azo ni laa asara siokpari ti ke KOTA GBIA, lo so lani lo yeke ndo ti dutingo mbirimbiri ti ala, lo so akotara ti ala azia ando be ti ala ti ku lo.’

Jérémie 8:16

Wato asi na sese ti Dan awe; so ambarata ti lo ayeke dekongo kâ, azo ayeke ma toto ni mango ge. Ndali ti toto ti ambarata ni, sese kue ayingi. Ala yeke ga, ala yeke buba kodro ni na aye ti ya ni kue; ala yeke buba gbata ni na azo ti ya ni kue.”

Abia ti demango tere 2:22

Azo so alango nduru na mbi si mbeto ti ala agbu mbi mingi so, mo tisa ala ti ga na tere ti mbi, mo baa mo tene, azo na lango ti matanga. KOTA GBIA, na lango so ngonzo ti mo alondo, zo oko ti kpe ti soo kuâ ayeke daa pepe, zo oko ti ngba na fini ayeke daa pepe. Amolenge so mbi bata ala si ala kono na da ti mbi so, awato aga afâ ala, ahunzi ala kue!

Sofonii 1:6

Mbi yeke hunzi azo so ado mbi KOTA GBIA azia, ala so ayeke gi mbi pepe si ala yeke hunda mbi pepe so.”

Sofonii 3:8

So tënë ti yanga ti KOTA GBIA laa: Ala ku mbi! Ala ku lango so mbi yeke ga ti sigigi na nda ti ala. Mbi leke na be ti mbi ti bongbi amara kue, ti bongbi akodro ti agbia kue, ti fâ ngbanga na li ti azo ni, ti tuku ngonzo ti mbi ti wâ na ndö ti ala. Biani, mbanda ti mbi so ayeke londo tongana wâ ayeke gbi sese kue.”

Zakarii 1:15

Me be ti mbi aso mingi na amara so abaa tere ti ala tongana amara so alingbi awe so. Na ndembe so lani mbi sara ngonzo gi kete na tere ti azo ti Israel, ti ala, ala sara si mawa ti Israel akiri ahon ndoni.

Jean 17:25

Babâ so mo yeke mbirimbiri, azo ti dunia so ahinga mo pepe, me mbi hinga mo. Adisiple ti mbi ahinga atene, mo laa mo tokua mbi.

Awatokua 17:23

Biani, so mbi yeke tambula na ya ti gbata ti ala, mbi yeke baa anzapa so ala leke si ala yeke voro ni. Mbi baa nga mbeni gbalaka so a sara mbeti daa, atene: ‘So ayeke ti mbeni nzapa so e hinga lo pepe.’ Nzoni! Ye so ala yeke voro ni si ala hinga pepe so, ni laa mbi ga ti fa ni na ala.

1 Korente 15:34

Ala sara ye tongana azo so li ti ala ayeke daa, ala sara siokpari pepe! Biani, ambeni zo na popo ti ala ahinga Nzapa pepe. A-ita, mbi yeke tene tënë so ti zia kamene na le ti ala.

1 Tesalonike 4:5

Ala sara ye na lege ti asioni nzara ti be ti ala pepe, tongana ti azo ti amara nde so ahinga Nzapa pepe.

2 Tesalonike 1:8

lo yeke ga ande na ya ti menga ti wâ. Biani, azo so ahinga Nzapa pepe si ala ke Nzoni Tënë ti Kota Gbia ti e Jésus so, lo yeke kiri na peko ti sioni ti ala na ala.

Aye so Nzapa afa 16:1

Na pekoni, mbi ma mbeni kota go so alondo na ya ti kota da ti Nzapa si atene na *a-ange mbarambara so, atene: “Ala gue, atuku ngonzo ti Nzapa so ayeke na ya ti akopo mbarambara so na ndö ti sese!”