Jérémie 10:1 - Mbeti ti Nzapa - Tënë so amu fini

¹ Azo ti Israel, ala ma tënë so KOTA GBIA ayeke tene na ala!

Jérémie 10:1 Iomraidhean Croise

1 Agbia 22:19

Mishe atene: “Mo ma tënë so KOTA GBIA atene! Mbi baa KOTA GBIA aduti na ndö ti mbata ti lo ti gbia; ala so kue ayeke na yayu aluti na tere ti lo, ambeni na mbage ti maboko ti lo ti koli, ambeni na mbage ti maboko ti lo ti wali.

Abia (Psaumes) 50:7

Azo ti mbi, ala ma mbi, mbi yeke tene tënë na ala; azo ti Israel, mbi yeke bi tënë na li ti ala: mbi laa mbi yeke Nzapa, Nzapa ti ala!

Ésaïe 1:10

Ala amakonzi so akpa ala ti Sodome, ala ma tënë ti *KOTA GBIA si! Ala azo so akpa azo ti Gomore, ala dingi mê ti ala, ala ma tënë ti Nzapa ti e.

Ésaïe 28:14

Ala so ayeke he azo si ala yeke sara komandema na ndö ti azo ti Jérusalem so, ala ma tënë ti *KOTA GBIA si!

Ésaïe 40:18

Ala ye ti haka Nzapa na zo wa? Limo ti nyen laa ala baa alingbi na lo?

Ésaïe 44:6

*KOTA GBIA, Gbia ti Israel, lo so lo yeke zi azo ti lo, lo so lo yeke na ndö ti dunia kue, tënë so lo tene ayeke so: “Mbi yeke kozoni, mbi yeke ndangba ni. Mbeni Nzapa nde ayeke pepe, gi mbi oko.

Jérémie 10:2

Tënë so KOTA GBIA atene ayeke so: “Ala manda lege ti sarango ye ti amara nde pepe; aye ti kpene so ayeke na yayu, ala sara mbeto ni pepe. Amara nde laa ayeke sara mbeto ti aye ni.

Jérémie 2:4

Ala, *ahale ti Jacob na ala, akete mara kue ti Israel, ala ma tënë so KOTA GBIA atene.

Jérémie 22:2

Fade mo yeke tene: ‘Gbia ti Juda, mo so mo duti na ndö ti mbata ti gbia David so, ma tënë so KOTA GBIA atene! Tënë ni abaa nga agbenyogbia na azo ti kodro ti mo, ala so kue ayeke li na ayanga ti yangbo so!’

Jérémie 42:15

Tongana ye ni ayeke tongaso, ala atanga ti azo ti Juda, ala ma tënë so KOTA GBIA atene. Tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Tongana ala ye biani ti gue na Ezipte, tongana ala gue ti honde tere ti ala kâ,

Osée 4:1

Azo ti Israel, ala ma tënë ti *KOTA GBIA: KOTA GBIA ayeke na ngbanga na azo ti kodro, ngbanga ti so na ya ti kodro ni, tenengo taa-tënë ayeke daa pepe, ndoye ayeke daa pepe, hingango Nzapa ayeke daa pepe.

Amos 7:16

Ti fadeso, mo Amasia, ma tënë ti KOTA GBIA: mo so mo tene: ‘Mo tene peko ti tënë ti yanga ti Nzapa na ndö ti azo ti Israel pepe; mo diko atënë na ndö ti azo ti mara ti Isaac pepe!’

1 Tesalonike 2:13

Ndani laa, e nga, e yeke mu singila na Nzapa lakue ndali ti ye so: na ndembe so e fa lani na ala tënë ti Nzapa, ala ma ni si ala yamba ni tongana tënë ti zo pepe, me tongana tënë ti Nzapa biani: tënë ni ayeke tënë ti Nzapa so ayeke sara kua na be ti ala so ama na be.

Aye so Nzapa afa 2:29

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize!”